Offside › Набрзинка

Јокиќ куртули од операција, нема скинати лигаменти

31 декември 2025

На асот на Денвер му е дијагностицирана хиперекстензија на левото колено, соопштија од тимот, додавајќи дека трикратнипт МВП повторно ќе биде прегледан за четири недели.
Ова е подобрата опција за Нагетси, бидејќи се стравуваше дека се во прашање лигаментите, а тоа ќе значеше крај на сезоната за Јокиќ.
Прогнозите се дека Јокиќ ќе пропушти еден месец или околу 16 натпревари, а кам бекот би можел да му биде пред Ол старот во февруари.

Моментот кога Јокиќ се струполи на земја и едвај одеше до соблекувална

извор

„Воинот во мене победи на Скопски маратон, а срцето кое чука за Македонија го диктираше ритамот“

31 декември 2025

Едно име се издвои со континуитет, карактер и резултати, а тоа е атлетичарот Дарио Ивановски, кој ја обележа 2025 година и заслужено го доби епитетот „Спортска личност на годината“ во изборот на Спорт1.
Неговиот најголем успех во годинава е победата на Скопскиот маратон, втора во неговата кариера, по онаа во 2021 година. До триумфот стигна со време од 2:14:50 часа, откако во драматичен финиш го надмина Кениецот Џулиус Кипкоеч.
„Една од трките кои сигурно ќе ги паметам до крајот на животот ке биде годинешната победа на Скопскиот маратон. До последниот ден не бев сигурен дали ќе можам да настапам поради тотална исцрпеност на телото од Светското првенство кое се одржа во Токио“.
„Кога се разбудив утрото пред трка почувствував дека токму тој ден ќе биде посебен за мене. Секогаш кога ке настапувам под македонското знаме ја чувствувам таа одговорност каде што морам да се борам и покажам во најдобро светло. Овој Скопски маратон беше и Балканско првенство. Паралелно се трчаше и за светиот дрес, тоа беше и една од најголемите причини што прифатив и да го трчам Скопскиот маратон“, вели Ивановски.

извор

Пронајдено телото на пливачката по напад од ајкула

30 декември 2025

Телото на Ерика Фокс (55) без знаци на живот било пронајдено близу брегот на Калифорнија шест дена откако таа исчезнала во водите.
Ерика Фокс последен пат била видена на 21-ви декември во заливот на Монтереј каде со нејзиниот сопруг Жан-Франсоа Ванреусел и други 13 пливачи од локалниот пливачки клуб Келп Краулерс пливале заедно.
Двајца сведоци по исчезнувањето на Ерика Фокс кои биле во нејзина непосредна близина во моментот на исчезнување рекле дека виделе како големо животно излегува од вода со нешто што изгледало како предмет во забите, многу блиску до групата пливачи.
Брзо се активирала операција за пронаоѓање и спасување а биле вклучени чамци, дронови, нуркачи и хеликоптери. Операцијата била прекината на 22 декември после 15 часови интензивно но безуспешно трагање.
Неколку дена подоцна, тело во црно одело за нуркање било пронајдено во областа Давенпорт во округот Санта Круз, на околу 48 километри каде Фокс последен пат била видена. Татко и потврдил дека тоа е таа, а се уште имала таканаречен уред Шаркбанц на зглобот (уред кој испушта разни фреквенции за да ги плаши ајкулите). Во Калифорнија досега се забележани околу 230 напади од ајкули уште од 1950-та година, имало 16 жртви пред нападот над Ерика Фокс, соопштува Канцеларијата за риба и див свет во Калифорнија, а пренесува НБС. Канцеларијата додава и дека најмалку 200 од 230 напади биле од страшните бели ајкули.

извор