Offside › Набрзинка

Го најдоа, го уапсија и го осудија за безмалку 24 часа

19 мај 2022

Англиската јавност беше згрозена што при влетувањето на навивачите на Нотингем Форест на терен, со цел да прослават историски влез во финале на бараж за Премиер лига, еден навивач му удрил глава на фудбалерот на Шефилд Били Шарп.
24 часа подоцна англиските медиуми пишуваат дека 30-годишниот Роберт Бигс бил приведен, осуден на 24 недели затвор и 10 години забрана за присуство на фудбалски натпревари.

30 април 2025

Дефанзивецот на Реал Мадрид е суспендиран 6 натпревари поради фрлање предмет кон судијата на финалето од Копа дел Реј против Барселона.
Лукас Васкез доби суспензија од два меча, додека Џуд Белингем нема да добие казна затоа што неговиот црвен картон е поништен.
Рудигер и Васкез, кои беа заменети, добија директни црвени картони поради жестоките реакции за прекршокот досуден против Килијан Мбапе кратко пред последниот свиреж.
Сите шест натпревари од суспензијата на Рудигер ќе важат за Ла Лига, што значи дека ќе биде суспендиран на последните пет натпревари оваа сезона и за првиот натпревар од сезоната 2025/2026.

30 април 2025

Здравески (54) остави длабока трага како капитен на ФК Победа, водејќи ја до првата шампионска титула во независна Македонија, а потоа, како тренер, го донесе и вториот трофеј во клубските витрини.
Неговиот потпис стои и зад дуелите со италијанската Парма во 2000 година, во кои гостуваа фудбалски великани како Буфон, Канаваро, Аморозо и Турам.
Речиси целиот свој фудбалски пат Здравески го помина во Победа како играч, капитен, тренер, а подоцна и како координатор на младинската академија, но играше и за Вардар со кого во 1998 година го освои Купот на Македонија и постигна еден од двата гола во победата во финалето против Слога (2-0).
Здравески го облече и дресот на македонската репрезентација, за која настапи на два пријателски натпревари против Албанија и Азербејџан.