Offside › Набрзинка

Бугарскиот навивач кој беше прободен во Чаир раскажува за шокот кој го преживеал

10 август 2023

29 годишниот Драгомир кој беше избоден со нож во скопската населба, Чаир пред натпреварот меѓу Левски и Шкупи минатиот месец, имал повреда во црниот дроб и во првите мигови повредата била опасна по живот.
„Не направивме апсолутно никакви провокации. Сообраќајот беше густ. Стоевме на семафор. Седам зад совозачкото седиште и забележувам момче на околу 25-30 години како оди покрај колата. Го гледам странично и одеднаш почнува да ме влече. Мојот шал беше внатре и тој посегна по него и почна да влече. Кога се обидов да се повлечам, одговорот беше удар во окото. Бев помодрен и отечен“.
„Постојано влечеше, не се откажуваше. Решив да ја отворам вратата. Момчињата почнаа да излегуваат. Повеќе луѓе се собраа зад момчето што го влечеше шалот. Еден од нив извади дрвен столб, со кој ме удри по глава. Почнаа да пристигнуваат повеќе луѓе“.
„Подоцна сфатив дека тогаш сум бил избоден. Ситуацијата се разви за помалку од 2 минути. И луѓето постојано доаѓаа, фрлаа цевки, шишиња, а во моментот кога успеав да се оттргнам, тие удрија во задниот прозорец и го скршија. Беше како во филмовите, работите се развија толку брзо. Страшен шок. Главата ми крвари, крвав сум, а од адреналинот не сфаќам дека сум прободен“, раскажува Драгомир за бугарската „НОВА“.

извор

Шкендија со навреда за христијаните го најави дербито со Вардар

22 октомври 2026

Предводниците на Шкендија уште еднаш го допреа дното, откако со срамна фотографија го најавија дербито со Вардар, закажано за в сабота во Гостивар, преку која го навредија противникот, ФФМ, но пред сè сите христијани во Македонија.
Според теолозите, ваквата презентација на светиот христијански симбол е огромна навреда, особено кога доаѓа од претставници на друга религија.
Објавувањето на превртен крст со цел да се навреди христијанството е строго забрането според самото исламско учење. Но, навредувачите од тетовскиот тим не знаат дека со ваквото омаловажување на крстот како верски симбол истовремено направиле и грев во својата исламска вера, пишува Спорт1.

извор

На списокот на Лазаров еден странец и еден интернационалец

21 октомври 2026

Селекторот на македонската репрезентација, Кирил Лазаров, го објави поширокиот список од 35 ракометари кои ќе конкурираат за настап на почетокот од квалификациите за Европското првенство во 2028 година.
Од оваа група, стручниот штаб дополнително ќе избере 16 ракометари кои ќе ги одиграат двата воведни натпревари. Првиот квалификациски дуел е закажан за 4 ноември (19 часот), кога Македонија ќе го пречека Луксембург, додека четири дена подоцна (8 ноември во 16 часот) нашиот национален тим ќе гостува кај Грција во градот Халкида.
Прв повик доби натурализираниот Украинец, кој настапува за Пик Сегед Дмитро Хориха, како и Мартин Томовски кој брани одлично за Битигхајм. Сите други ракометари се од домашното првенство.

извор