Каква песна!

Јас сум неутрален

Сосема неочекувано налетавме на една драгоцена пацифистичка и анти-НАТО химна која не е производ на некаква подмолна пропаганда на Путин туку е македонска народна песна, да понародна и помакедонска не може да биде. И надвор од тој контекст нато-мато, текстот е права бонбона, јер, колку што знаеме, ова е единствена песна на светот во која се спомнуваат - тадааам! - подводни мини! Да се нарачува по свадби, слави, родендени и секакви други мирнодопски пригоди!

Срби, Грци, Англичајне,
бијат се сс араплајне,
топове, подводни мини,
и разни машини.

Нек се бијат, нек се трескат,
нек се сами устручават
Нек се бијат, нек се трескат,
јас сам неутрален.

„Јас сум неутрален“ е една од деветте песни од раритетниот албум „Незаборав“ за кои на каверот пишува:

„Песните на ова CD се изворни. Собрани се од стари луѓе кои се сеќаваат на пеењето на нивните родители, баби и дедовци. Овие песни потекнуваат од централните делови на етничка Македонија во периодот од времето на Балканските војни“.

„Незаборав“ е музички проект на Ленче Кукиќ во придружба на групата Јупитер. На песната „Јас сум неутрален,“ гостинка е Снежана Момчиловиќ Чукова.

Само да ви најавиме која ќе биде следната песна која ќе ви ја пуштиме од овој драгоцен албум:

А сега, одиме уште еднаш:

Срби, Грци, Англичајне,
бијат се сс араплајне,
топове, подводни мини,
и разни машини.

Нек се бијат, нек се трескат,
нек се сами устручават
Нек се бијат, нек се трескат,
јас сам неутрален.

16 април 2019 - 13:48