Виктор Вембанјама направи уникатен трипл дабл со 10 блокади

Сан Антонио Спарс се последни на табела во Западот и конечно успеаа да победат со историска партија на дебитантот за која зборува цела НБА.

Спарси го совладаа Торонто Рапторс со 122:99 и прекинаа низа од седум порази, а она што го одбележа мечот и ноќта во НБА е скорот на Виктор Вембанјама.

20 годишниот Французинот кој ја игра првата сезона во НБА, го заврши мечот со 25 поени, 10 скока, 10 блокади, 5 асистенции и 2 украдени топки.

Трипл дабл со 10 блокади е вистинска реткост и тој стана само петтиот играч на кој му успеало вакво нешто. Ексклузивната листа во која влезе ја сочинуваат легендарните Хаким Олајџивон, Карим Абдул Џабар, Ралф Сампсон и Дејвид Робинсон.

Статистиката покажува дека последниот пат во НБА ваков трипл дабл остварил Олајџион во 1996-та, а последен кој успеал да додели 10 блокади е Клинт Капела од Атланта Хокс, на мечот против Минесота во јануари 2021-ва.

Инаку за рукито ова е втор трипл дабл со кој му помогна на Сан Антонио да ја оствари само 11-та победа сезона. Инаку последни се во Западната конференција со 43 порази.

Виктор ноќеска беше атракција со цепелини, блокади, асистенции, тројки...

Освен со партијата, Виктор зачуди и со стајлингот пред мечот.

13 февруари 2024 - 11:08

Штета ако сте пропуштиле

Само во Кавадарци

Како се асфалтира улица во Битола

Обжалување фактура

Со Холандија се претера