Вакви фудбалски приказни може да се случат само во земјата каде има посебна фудбалска култура од прва до десетта лига, а тоа е собирач на топки да добие шанса на еден меч да го води клубот за кој навива.

Во ситуација кога не го знаеме патот од штикли во копачки, за општата состојба во женскиот фудбал зборувавме со најдобрата македонска фудбалерка Наташа Андонова. Ни раскажа за Бразилката Марта, за прославата на титулите во Германија, за митот на Западот, за домашниот фудбал...

Бешикташ има обичај секој нов играч да гостува во клупското студио по потпишување на договорот. Така беше со Кварезма, така и со Марио Гомез од Фиорентина, кој даде маалски одговор на прашањето што мисли за Меси и Роналдо.

Кој вика дека голманите се статични? На три недели пред стартот на новата сезона во Серија А, погледнете ги овие исцрпувачки тренинзи на голманите на Интер кои треба да летаат за секоја топка.

Студентка од Велика Британија го раскажува искуството кога ученик по руски јазик ѝ бил Самуел Ето за кој немала појма кој е.

Предводникот на Депортиво во најславните денови на оваа екипа беше фудбалер кој во еден момент важеше за најдобар играч на светот. Повредите и ноќниот живот го спречија да стане уште пославен.

Мечот меѓу Кукуши Тирана и Легија Варшава е прекинат во 51. минута откако гостинскиот фудбалер Андреј Дуда бил погоден со камен во глава.

Како реплика на гостинскиот тренер Шота Арвеладзе, кој самоуверено изјави дека ќе победат во реваншот, Ангеловски во свој стил изјави нека победат 2:1.

Со голот на капитенот Баже Илијоски, фудбалерите на Работнички апсолутно заслужено го совладаа големиот ривал од Турција со 1:0.

На 16 години Осман избегал од својата земја и до 18 живеел во прифатилиште за малолетници. На првиот настап за Вердер Бремен, на пријателска даде 4 гола за 15 минути и веќе го меркаат за прв шпиц во екипата.

Фудбалерите на Вердер дадоа 24 голови на последните 6 пријателски средби. Голеадата не ја избегна ниту Севиља која загуби 3:1. На тој натпревар падна можеби и голот на предсезоната.

Интервјуто е пред 12 години, кога Кристијано Роналдо пристигна на Олд Трафорд и не стоеше така добро со англискиот. Во одговорот не успеа да му помогне ниту Гери Невил. По 12 години работите се многу поинакви за него.

Легендарнава фотка на која наидовме не натера да ве потсетиме на еден легендарен лик кој играше за Југославија и во Премиер лигата и кој кога ги фрли сите пари на курви остана без денар и се пријави на сите српски реални шоуа.

Откако му направија спектакуларен пречек дома, на Тевез му требаа три меча за да ја начне мрежата. Првиот гол за Бока Јуниорс го постигна мајсторски од слободен удар, ретко изведуван на ваков начин.

По крајот на активните кариери, спортистите најчесто со заработеното отвораат ресторани, пабови или кафулиња каде се дружат со поранешните колеги. Сепак има и такви кои одат да сечат дрва, да прават палачинки или да работат како чувари.

Неколку часа откако Мексико го освои Голд купот во САД, селекторот на оваа земја доби отказ поради тоа што на аеродром во Филаделфија го нападна новинарот со кој долго време не се мирисале.

Реал Мадрид е во Шангај каде има закажано пријателска со Милан, а Роналдо ги збудале Кинезите на тренинг со потег кој сме навикнати да го гледаме кај Роналдињо.

Каталонскиот тим се врати дома по трите контролки против Лос Анџелес Галакси, Манчестер Јунајтед и Челси кои повеќе служеа за парада. Актуелниот шампион на Европа на три средби собра околу 240.000 гледачи.

Навикнати на неговите дуели, остри стартови но и киксови, не бевме спремни да се обложиме во техничката поткованост на Лоран Кошелни. Французинот го докажа спротивното.

Дефанзивецот Паулао од бразилскиот второлигаш Моги Мирим каде игра Ривалдо, го доби најглупиот црвен картон во фудбалот. Во прво полувреме го носел дресот со број 4, а во второ се појавил со број 3, исто како и неговиот колега Фабио Санчез. Паулао кој веќе имаше еден жолт картон, доби втор за глупоста, а неговиот тим загуби 3:2 со гол во 93-та минута.

Турскиот портал Фанатик.ком.тр пренесува дека во редовите на противникот на Работнички дошло до сериозни расправии, по што капитенот и голман на клубот Онур Киврак најверојатно го напуштил Скопје.