Минатата недела заврши неверојатната серија од 49 натпревари без пораз на Јувентус и тоа со пораз на домашен терен во дербито на Италија од најголемиот ривал Интер.
Ова коло фудбалерите на Пескара се најдоа во погрешно место на погрешно време и мораа да бидат жртва на рехабилитацијата на Јувентус по болниот пораз од минатото коло.
Јувентус славеше лесна победа од 6:1, а се истакна Фабио Кваљарела со хет-трик и една прекрасна асистенција со петица до Асамоа кој ја круниса оваа акција со гол со ножички.
Во листата на стрелци се запишаа и Џовинко и Видал.
