Курасао предводен од холандскиот ветеран, селекторот Дик Адвокат направи чудо и одигра 0-0 против силниот Еквадор.
Ова е прв историски бод на дебитантско Светско првенство за малата земја. Го донесе 37-годишниот голман Елој Рум! Запиша неверојатни 15 чисти одбрани и беше непремостлива пречка за Еквадорците.
Јужноамериканците домнираа со 27 удари од кои 15 во рамки на голот, имаа 5 100% шанси, имаа 9 корни а Курасао 0, имаа 75% посед на топка и на крајот пак не го победија дебитантот.
Голманот на Курасао Елој Рум доби највисока оцена 8,3 и беше избран за играч на мечот.
Досега само Американецот Тим Хауард на Светското првенство имал 16 одбрани но со се оние во продолженија од дуелот со Белгија во 2014-та година (12 во регуларни 90 минути а 4 во продолженија), а сега нов светски подвог направи 37-годишен голман кој пред само една недела прими 7 гола од Германците. Претходно Перуанецот Рамон Квирога имал 13 одбрани на натпревар од Светско првенство против Холандија во 1978-ма година.
Сега на табелата во оваа група Германија е прва со 6 бода и се пласираше понатаму. Брег на Слонова коска има 3 бода, Еквадор 1 колку што има и Курасао.
Во последно коло Еквадор ќе игра против Германија а Курасао против Брег на Слонова Коска.
