За прв пат во полуфиналето на Лигата на шампиони се пласираа две германски екипи, каде освен Борусија Дортмунд и Баерн Минхен, по рекорден 6-ти пат во серија се најде Барселона, а рекорден 24-ти настап во полуфиналето ќе има и Реал Мадрид.
На генералниот секретар на УЕФА, Џани Инфантино му асистираше Руд ван Нистелрој кој извлече германско-шпански полуфинални двојки.
Полуфинале на Лига на шампиони:
Баерн Минхен - Барселона
Борусија Дортмунд - Реал Мадрид
Првите полуфинални натпревари ќе се одиграат на 23 и 24 април, а реваншите се закажани за 30 април и 1 мај. Финалето на Лигата на шампиони ќе се одигра на 25 мај на стадиони Вембли во Лондон.
