Реално телевизиско шоу на France 4, кое ја комбинира фикцијата со учество на публиката во креирањето на содржината, која и тоа како има врска со актуелните состојби во политиката. „Анархија" е благ збор за она што може да се случи ако нешто слично се направи на некоја од нашите телевизии.

Додека нашите учебници ги образуваат младите како да бидат лојални граѓани без свои слободи (меѓу другото и без онаа оваа дефиниција да се спори), во други контексти тие се воспитуваат според методот на еден антички филозоф кој покажал ултимативната нелојалност - ги терал граѓаните на Атина да мислат. Не дека баш му се исплатело.

Не сте совладале некој јазик доколку не ги научите и невербалните гестови кои го придружуваат. Еве едно корисно видео за сите оние кои се обидуваат да го сторат тоа со италијанскиот. Презентери: симпатични млади манекени од Долче и Габана, со артикулиран говор на тело. 

Најстариот и најавторитативниот речник на шпанскиот јазик деновиве предизвика скандал. Причина: поврзувањето на една етничка група со нивна наводна карактерна особина. Како стојат работите во врска со ова во нашиот?

Знаете она кога некоја слика толку ви се допаѓа (или напротив, ве вознемирува) што ви се чини дека ве следи каде и да одите? Епа оваа рамка го овозможува токму тоа - таа физички да оди во чекор со вас.

Не е само збор, туку цел концепт, кој за чудо е познат и во други, подисциплинирани средини од нашата. Значи ескивирање од работни должности со неоправдани отсуства, рано напуштање на работното место или генерално забушавање. Има и книги на темата, кои се всушност прирачници како најдобро да го правите ова. 

На 2. ноември се навршуваат 15 години од прераното заминување на музичарот кој се потпишуваше со псевдонимот Rex Ilusivii, или кралот на илузиите. И навистина, неговата продуцентска и композиторска работа беше и визионерска, и магионичарска.

Дали некогаш сте се почувствувале како ракче во врел зејтин или како парче скршен двопек? Тогаш ова клипче за егзистенцијализмот на Хајдегер е всушност за вас. 

Том Хенкс глуми, режира, продуцира, но сега и официјално се вклучува во еснафот на прозни пишувачи - негов расказ е објавен во најновиот број на престижно списание, каде би сакале да се најдат голем број негови филмско-книжевни колеги.

Oсновачот на Фејсбук оваа недела учествуваше на дискусија на Универзитетот Цигнуа во Пекинг, oдговарајќи на прашањата на - кинески. Медиумите паднаа во несвест, а и на прво слушање навистина звучи импресивно. Но што е тоа што толку изненадува?

„Соничен бум: како звукот го менува начинот на кој мислиме, чувствуваме и купуваме" е нова книга на автор кој смета дека живееме во златното доба на звукот, и дека на композиторите им стојат на располагање неверојатни можности да го одредат тонот на човечките искуства.

Во продолжение на нашата серија написи посветена на комбинирањето на механичките направи за пишување и нивните современи еквиваленти, еве уште две такви. Нивната цел: да направат додека пишувате да се забавувате, ама и да бидете ефикасни.

Во Букбокс сме испочитувале ред странски и домашни автори, ама никогаш сопствениот татко. Сега има и повод - утре (среда) во 20 часот во Магор ќе се одржи промоција на неговата нова книга „Мајсторот". 

Имаме така статии што си ги чуваме „за некогаш", чувствувајќи дека ќе им дојде времето. Откако ја прочитавме дефиницијата на „лојален граѓанин" во овој наш учебник за тн. „Граѓанско образование" ни текна на оваа - серија фотографии која се подбива со оние кои слепо следат правила и прописи, плашејќи се да не бидат прогласени за девијантни.

Коцкаста насмевка, светло сино око и самобендисано презиме - сето тоа добро му стои на Били Ајдол, кој ја раскажува својата приказна во автобиографијата „Играјќи со себеси" која беше објавена на 7. октомври. Утре пак (21.10) излегува неговиот прв албум во последниве девет години, aко не го сметаме чудниот Божикен од 2006.  

Ампресанд како столна лампа? Ако сте по интерпункциските знаци и пишаниот јазик воопшто, или познавате таков и сакате да го израдувате, еве подароци на таа тема.

Гуџарати е јазик карактеристичен за западниот индиски регион под истото име, кој го зборуваат 55 милиони луѓе. Еден традиционален израз од него доживува глобална слава откако неговата суштина е илустрирана со емотикон, користен особено помеѓу големите индиските заедници низ светот.

Локалниот спортско-политички интерес за технологијата на дронови кој се појави деновиве нè инспирираше да прочепкаме околу нивната употреба во уметноста, и како на овој феномен реагираат општествените науки. Резултатот е поинтересен отколку што очекувавме.

За психологијата на коментирањето сме пишувале и претходно - онлајн, како што вели популарната изрека, можеби никој не знае дека не си куче, но може да познае дали си глуп човек. Од Њујоркер решиле малку да се спрдаат со оние на кои тоа им е суштинска дневна активност. Нивен предлог: печатено списание посветено на интернет коментарите, во кое коментирањето (од оправдани причини) е оневозможено

Вчера (14.10) во Лондон е објавено дека Ричард Фланаган е новиот добитник на престижната награда за белетристика, за романот „Тесниот пат до длабокиот север", кој опишува реален историски настан во текот на Втората светска војна - изградбата на тн. „пруга на смртта“ помеѓу Бурма и Тајланд. 

Нашите Горан и Ацо во Словенско народно гледалишче  поставуваат драма инспирирана од книга со интересен наслов - „Сексуална историја на Првата светска војна“, објавена 1931. А уште поинтересна биографија има нејзиниот автор.

Смоквино млеко, сок од лимун или кромид, плунка, сперма, крв, оцет, аспирин и лаксативи - од сето ова може да се направи невидливо мастило. Една книга ја трасира неговата долга историја, помешана со моменти на добра трилер-акција.

Утре се отвара големо шоу посветено на Донатиен Алфонс Франсоа де Сад, подобро познат како Маркиз де Сад. Ама, не брзајте со шиење платна за покривање на експонатите, не е во Скопје.

Не дека ни се пријатели, ама Скопскиот џез фестивал оваа година има навистина интересна програма. Меѓу другите, на 19. октомври во МОБ ќе настапи авангарден трубач и композитор, кој во 2012 беше финалист за музичкиот Пулицер. Една од неговите иновации - графички систем на пишување партитури, кои овозможуваат голема слобода на изведување.