Денес меѓу навивачите секој си толкува како што му одговара, па така оние на чаирска Слога прославија јубилеј од 30 години од своето основање (веројатно кога првпат го виделе стадионот, затоа што јубилеј се слави кога првпат си започнал со организирано навивање а тоа подразбира сè што подразбира, не грицкање семки).

ЛА Лејкерс со осма победа по ред направи серија каква што со години немал. На гостувањето во Тексас синоќа кај Сан Антонио (триумф 114-104) Леброн беше брутален со 33 коша, 3 скока и 14 асистенции и стана петтиот играч во историјата кој стигнал до бројка од 12.000 постигнати поени од игра во НБА.

Каталонците спремаат документарец кој излегува на 29 ноември и за таа цел пуштија во етер јак трејлер кој се состои од повеќе ексклузивни видео парчиња стокмени во едно.

СПАЛ и Џенова одиграа 1:1 во последниот меч од 13. коло во Серија А, Пандев влезе во 62-ра, а неговиот колега Јонуц Раду е дефинитивно одлепен со интервенцијава.

Можеби ќе излезе дека сме демодирани, ама стварно не знаевме за ова. Хокеј на мраз да, ама фудбал на мраз? Еве сами ќе видите дека нешто не штима тука, ко пијани кокошки се движат.

Имаат постигнато 47 гола на 14 средби кои одлично ги возат без пораз. Викендов го намачкаа Хераклес 4:1, а акцијата при првиот гол беше „Дојдете и земете ако можете“.

Најдобриот егзекутор во Серија А е типичен пример како за секој човек има место, само треба да си го најде. А Чиро го најде на стадионот „Олимпико“ каде за некое време би можел да стане прв стрелец на вечната листа.

По болниот пораз во финалето на Копа Либертадорес кога водеа 1-0 до 89’ минута а после во безмалку 120 секунди примија два евтини гола и изгубија од Фламенго, играчите на Ривер Плејт се вратија во Буенос Аирес. А таму, љубов на квадрат со навивачите.

Дионтеј Вајлдер по десетти пат ја одбрани WBA титулата во тешка категорија, откако во Лас Вегас го нокаутираше Луис Ортиз кој шест рунди боксуваше фантастично.

Фудбалерите на Милан изгледа треба да се огледаат од Италија У-21, бидејќи соблекувалната служи за облекување и за мотивирање еден со друг, а не за дремење на Фејсбук и Инстаграм.

Роџер Федерер можеби не играше на новиот Дејвис Куп во Шпанија каде издоминира Надал, но затоа 38-годишниот Швајцарец сруши нов рекорд. Овојпат на егзибициски меч во Мексико го гледаа преку 40.000 луѓе што е апсолутен рекорд.

Од тие треторазредни лиги ширум Европа знае да излезе по некој лудак со Меси соло продор, ама најслаткото е кога ќе начекаме некоја ваква контра со неколку генијалности во едно. Ова скапоцено видео парче со епски крај ни доаѓа од Италија.

На мечот Сион - Јанг Бојс (3:4) во краток временски период паѓаа голови како дожд. Во 76’ минута при резултат 3:3, гостите прават акција ала Барса а егзекутор е Рожер Асале.

Лекарските екипи според правилата мора да добијат дозвола од главниот судија за да истрчаат на теренот и да дадат помош на повреден играч. Ама една судијка во Шпанија малку се занесе па се размавта со црвениот картон додека на тревник лежеше повредена фудбалерка.

На последните 6 меча одиграа реми со Лече и едвај го тепаа СПАЛ. По 13 минати кола од вкупно 39 можни бодови освоија 14 и се на 12-та позиција со мизерни 12 постигнати гола. Полош Милан немало во последни 30 години. И згора на сè на еден час пред мечот со Наполи го прават ова:

Да губиш 1:0 до 89-та минута во едно финале на Копа Либертадорес и потоа да го освоиш е лудо, а уште полудо или најдуло се овие епски сцени кои ќе ги видите во Бразил. Пречекот за новиот јужноамерикански првак Фламенго кој по речиси четири децении го крена пехарот изгледа вака:

Манчестер Јунајтед одигра 3:3 на гости против Шефилд Јунајтед во меч во кој „црвените ѓаволи“ сигурно ќе примеа повеќе погодоци ако го немаа шпанскиот голман на голот.

Репрезентативецот на Словенија сериозно се наметнува за наградата МВП на сезоната. Синоќа буквално сам го победи Хјустон и најдобриот играч во регуларниот дел лани, Џејмс Харден.

По 13 минати кола, Илија Несторовски го постигна деби голот во дресот на Удинезе на гостувањето против Сампдорија која сепак го сврте на крај резултатот на 2:1. Нестогол реагираше иронично спрема ВАР технологијата, со која во 3-та минута му беше поништен гол поради претходно играње со рака на негов колега.

Не е лесно да се оди на млади години во пензија. Патрис Евра веќе не знае како да го помине слободното време, па откако даде интервју за хрватски медиум, му посвети песна на поранешниот колега од Јуве, Марио Манџукиќ. 

Зинедин Зидан синоќа против Сосиедад го стави во игра Герет Бејл, а публиката му приреди пречек како што се очекуваше. Ти не нејќеш? И ние те нејќеме.

Тоњо Родригез, голманот на мексикански Чивас, на мечот против Веракруз во домашното првенство, во 93' минута реши да проба нешто невозможно. Ја зарога топката силно од гол на гол, зошто го виде својот колега подизлезен и постигна многу јак гол за победа од 3:1!

Во Јужна Америка дефинитивно не може да се одигра мирен, неемотивен меч без напнатост и тензија.Така беше и во саботата вечера, кога за вредниот златен пехар во Копа Либертадорес се судрија титаните Фламенго и Ривер Плејт.