Арсенал уште еднаш ги разочара своите навивачи, откако ремизираше 1-1 против најслабиот Манчестер Јунајтед во последните неколку години. „Топџиите“ одиграа само 1-1 и се спасија од пораз затоа што нивниот голман Шпанецот Раја на неколку пати спасуваше чист гол. Сега бодовната разлика меѓу првиот (Ливерпул) и вториот (Арсенал) на табела во Премиер лига е цели 15 бода. Трката за титулата практично како да подзавршува.

Реал Мадрид потешко од очекувањата со 2-1 го совлада Рајо Ваљекано и го искористи киксот и поразот на градскиот ривал Атлетико Мадрид за да го престигне на табелата. Сега Барселона е прва со 57 бода колку што има и Реал Мадрид но Каталонците имаат натпревар помалку. Реал славеше со головите на Мбапе во 30' минута и мајсторијата на Винисиус Жуниор во 34-та минута.

Во клучниот дел од сезоната најтрофејниот италијански клуб Јувентус игра мизерно. По срамното испаѓање од италијанскиот Куп дома од Емполи, бјанконерите испаднаа и од Лига на шампиони (ПСВ). Во неделата вечер Аталанта ги декласираше на нивен терен 0:4 и им го нанесе најтешкиот пораз со децении.

Стариот добар Клаудио Раниери уште еднаш потврди дека е мајстор на својот занает. Тој се врати од пензија со цел да и помогне на саканата Рома која беше во сериозна криза. Сега со него на клупата Рома има 6 победи по ред (5 во Серија А). Попладнево го совладаа Емполи 0-1 со гол на сјајниот млад аргентински бисер Матијас Суле. Во 22-ра секунда, гол кој влегува на листата најбрзи во историјата на италијанскиот фудбал.

Тренерот на женската фудбалска екипа Вејк Форест во универзитетската лига на САД, Тони да Луз, фрустриран од промашен пенал на неговиот тим, се заглави во една корпа до резервната клупа.

Актуелниот НБА шампион Бостон Селтикс синоќа го совлада ЛА Лејкерс 111:101 и ја прекина победничката серија на ривалот која траеше дури 8 натпревари по ред.

За време на дуелот од 22. коло на фудбалската лига на Иран меѓу Алуминиум Арак и Зоб Ахан кој завршил 2-0, гостинскиот бек Надер Мохамади повторно го потсети фудбалскиот свет дека тој ги изведува најлудите аути.

Македонскиот репрезентативец Елиф Елмас денес постигна нов погодок за Торино во италијанската Серија А, против Парма на гости во натпревар кој заврши 2:2. Елмас блеска по враќањето во Италија и ова му е трет гол. Претходно стрелаше против Монца кога доби награда за играч на натпреварот а погоди и против Болоња.

Никола Јокиќ одигра рекорден натпревар со учинок каков што никој никогаш немал во НБА лигата. 31 поен, 21 скок и 22 асистенции имаше во триумфот на Денвер Нагетс против Феникс Санс. После натпреварот новинар го праша дали е свесен дека одиграл историски натпревар, Јокиќ во свој стил скромно вели:

Португалскиот ас постигна нов гол за саудискиот Ал Наср. Вкупно 926. погодок во неговата блескава кариера со што се приближи до чудесната бројка од 1.000 гола која му е нескриена цел.

НБА лигата уште еднаш му се поклони на големиот Никола Јокиќ кој синоќа на мечот Денвер - Феникс кој Нагетс го добија 149-141 после продолженија, имаше историски учинок каков што немал никој пред него.

Тренинг кој делува невообичаено или не? Лука оди под кош оптегнат со ластик и трпи удари по тело. И да, на само 14 години.

Не сме налетале до сега на ваква сторија и реалност, а тоа е некој со толку силна биографија да залута во македонскиот фудбал, па макар и што е генерација со Серхио Рамос.

Во италијанската втора лига Серија Б, во екипата на Чезена брани Џонатан Клинсман. Голманот е син на легендарниот Јирген. Чезена во моментов е на 6. место на табела со 40 бода, а тоа место води во баражот за Серија А. Клинсман-помалиот на средбата против Салернитана требал да брани пенал во 82-ра минута. Го прашал детето задолжено за фаќање топки на која страна да се фрли? Му рекол на десна. Откако го одбранил пеналот со парада во десно, Џонатан Клинсман му го подарил дресот на малиот Иван.

Вердер Бремен е еден од најстарите германски клубови. Основан е пред 126 години. Вердер има 4 шампионски титули во германска Бундеслига а дури 7 пати биле вицешампиони на второ место. Имаат и 6 шампионски пехари во германскиот Куп и четири германски Суперкупа. Во 1992-ра освоија и Куп на Купови. Убави страници од нивната историја испиша и Бразилецот Диего.

Ретро старо точно 30 години од полуфиналето во Купот на УЕФА. Јуве дома игра 2:2 против Борусија Дортмунд. На гости е 1:1, за потоа на слободен удар да застане едно од најлегендарните италијански фудбалски имиња. На терен се и ликови како Дел Пјеро, Раванели, Конте и Дешамп, а на клупа е Марчело Липи. Борусија тогаш ја води Отмар Хицфилд.

Новинар го прашува Симоне Инѕаги дали Интер оди на двојна круна, ама доби друг одговор кој не е воопшто лесен за остварување. Во Серија А се први, ама на само 1 бод пред Наполи и 3 од Аталанта. Во Куп се стигнати до полуфинале каде ги чека градско дерби, а во ЛШ се осминафиналисти со предност од првиот дуел против Феенорд од 0:2. Последен кој донесе тројна круна во Милано е Жозе Мурињо во 2010-та.

Навивачите на Манчестер Јунајтед се изненадени и самите од резултатот 1-1 на гостувањето кај Реал Сосиедад во осминафинале на Лига Европа, затоа што англискиот состав допатува без многу отсутни фудбалери кои се повредени. Извадија поволен резултат пред реваншот на „Олд Трафорд“. А можеше да биде уште подобро ако десниот бек Диого Дало се решеше да не биде себичен додека Хојлунд беше сам пред гол.

Пауло Фонсека окрка дебела суспензија од 9 месеци поради агресија врз судијата за време на натпреварот против Брест во домашното првенство. Синоќа Лион ја доби Стеауа Букурешт на гости со 1:3, а после еден од головите играчите го гушнаа својот тренер, кој реагираше емотивно.

Не постојат повеќе објаснувања за овие луди, па и нелогични тројки на Стефон Кари кој гаѓа од кај што ќе стигне и посака. Голден Стејт Вориорс го совлада Бруклин Нетс со 121:119, а Кари го заврши мечот со 40 поени, 4 скока и 4 асистенции. Погледнете го што направи и тоа од кај логото. Не е нормален.

Јагелонија го суреди Серкл Бриж со три комада во рок 9 минути, во периодот од 69-та до 78 минута, на првиот осминафинален меч од Конференциската лига. Напаѓачот од Ангола Афимико Пулулу ги воодушеви своите соиграчи со акробација на која се држеа за глава. Дарко Чурлинов играше до 61-ма минута.

Реал Сосиедад и Манчестер Јунајтед одиграа 1-1 во натпревар од осминафинале на Лига Европа. Пред реваншот на „Олд Трафорд“, на прекрасниот стадион „Аноета“ во Сосиедад домашните навивачи направија шоу во нивен стил, со препознатлива баскијска зига-зага. Манчестер поведе прв преку Џошуа Зиркзе во 57-ма минута, а домаќините израмнија од пенал преку нивниот лидер и капитен Микел Ојарзабал во 70-та минута.

Во рок од 5 дена Лацио победува на гости со гол во 98-ма минута и тоа со идентичен резултат 1:2. Прво го срушија Милан со пеналот на Педро, а синоќа и Викторија Плзен со убавиот гол на Густав Исаксен за растеретување во реванш осминафиналето од Лига Европа следната недела. Римјаните добија два црвени во 77-ма и 93 минута. Прво беше исклучен Ровела, а потоа и Жигот. Шпанскиот ветеран направија фотографија во соблекувалната со 14 години помладиот Данец. 

Единствениот македонски претставник на Европското атлетско првенство во сала, Андреас Трајковски забележа извонреден успех во дисциплината скок во далечина. Трајковски со скок од 7,85 метри заврши на 7. место и влезе во топ 8 на најдобриот европски собир на атлетичари во Апелдорн, Холандија.