Немаш ниту една секунда до крај и мислиш дека е готова, но имаш напад од кој можеби некако ќе можеш да се извлечеш. Каква луда завршница и тоа во конференциското финале.

Шкотланѓаните имаа надежно израмнување, ама изгледа заборавија какви играчи имаат Хрватите и кој е Лука Модриќ. Кутриов врат ќе си скршеше.

„Македонија нема да може никогаш да му се оддолжи“, напиша Илија Несторовски. „Пандев е како Јохан Кројф за Македонија“, изјави Рафаел Ван Дер Варт.

И пред Европско и за време на Европско и после Европско, капитенот не може глава да крене од интервјуа. Цела Европа го бара, па почнаа и на нашки да му зборат странските новинари.

Кога на Хрватска не и оди и не може да победи, подајте му ја на четирикратниот освојувач на ЛШ да видиме што знае.

Македонската фудбалска репрезентација се прибра од Европското првенство со чартер лет од Амстердам. Аплаузи и скандирања за капитенот на кој му се поклони Наумче Мојсовски.

Погодоците на Пандев и Алиоски на ЕУРО 2020 донесоа голема радост на цела нација, но и одличен износ во хуманитарни цели.

„Тоа што ние го сонувавме, вие го остваривме“, стои во ова ремек дело изработено од Мартин Пресилски, кој на моќен и емотивен начин ни ја претстави преубавата реалност која ја доживеавме, а која некогаш личеше на недостижен сон. Ова се пушта на видео бим.

Ги критикуваа дека бил киксер, но Столе Димитриевски беше една од нашите најсветли точки на Европското, прогласен за најдобар голман во второто коло, како и прв и за сега единствен со одбранет пенал. Погледнете го сега во една друга улога. Пасов до Елмас е лудило.

Овациите и шпалирот во чест на Пандев се емотивен момент за секој фудбалер и фудбалски фанатик. Ѕвездата на Португалија и Манчестер Јунајтед го сподели посебниот момент на Твитер.

Уругвај и Чиле одиграа 1:1 во Копа Америка, натпревар на кој Луис Суарез покажа дека тешко се менуваат старите навики. Два саати зема да ги врзува врвките за да го спречи голманот да ја изведе.

Последниот танц за Македонија на ЕП 2020 како остварен сон од детството, освен легендата го имаа уште двајца напаѓачи, Иван Тричковски и Крсте Велковски. Им благодариме за придонесот.

Три меча, три гола, седум бода за Аргентина во Копа Америка. По оние 1:1 против Чиле, момците на Скалони прво го совладаа Уругвај, а потоа и Парагвај со ист резултат од 1:0. Мечот го реши Папу Гомез по една извонредна асистенција на Анхел Ди Марија. Цела одбрана ја измами со пасот.

Уште не сме дошле до нокаут фаза, а веќе расте возбудата на Европското. Замислете Данците вчера ја минаа групната фаза со два порази. И така може.

Газета дело Спорт, Скај Спорт, Гол, Марка, Фор Фор Ту, Еуроспорт, Дејли Мејл...Речиси и да нема познат весник или портал за фудбал кој не ја величи кариерата на најголемиот на сите времиња во Македонија.

Те ставаат селектор и што правиш првиот ден? Се качуваш во авион и одиш за Џенова да го вратиш Горан Пандев во репрезентација, одговори популарниот Мрме во едно неодамнешно интервју. Клучен потег што се израдувавме на исполнетиот тридецениски сон.

Дојде крајот на фудбалската ера за еден од нашите најголеми амбасадори, кој оди во пензија со остварен сон. Заигра со Македонија на Европско првенство. „Срцето ми е полно, повеќе од ова не можам“, изјави капитенот кој следниот месец полни 38.

Македонската фудбалска репрезентација ги завршува настапите на Европското првенство, за жал со висок пораз кој не го заслужи. Крај на репрезентативната кариера за Горан Пандев кој доби дрес од домаќините. Ти благодариме легендо.

Ни главниот судија, ни помошниците, па ниту во ВАР собата не го видоа очигледниот прекршок на Блинд врз Горан Пандев на средина од првиот дел по кој падна првиот гол на средбата. Срамота.

Ако на некој случајно уште не му е јасно колку е голем Горан Пандев, нека го погледне гестот на Холанѓаните на стартот на дуелот против Македонија. За време на ракувањето на капитените, Вајналдум му подари дрес на Пандев од Холандија со број 122, колку што има настапи за репрезентација. Аплаузи.

Македонската навивачка треска од Букурешт се префрли во Амстердам. Атмосферата е на ниво. Се пее, се навива и се наздравува, а таму е и царот со новиот тапан. Му посакуваме да го дупне со гол на Пандев, по можност победнички.

Нивното пријателство има историја. Со години се заедно во репрезентација, беа во ист период и во италијанско, а си одеа и по гости. Рики го сака Горан како брат и сосема разбирлива е неговата тага што повеќе нема да играат заедно.

Македонија има четири соочувања против големиот ривал со кој вечерва го завршуваме деби настапот на ЕП. Скорот ни е две нерешени и два порази, а Горан Пандев е стрелец на два гола. Во Скопје оние 2:2 беа спектакл.

На Европското до сега се појавија многу убави дами меѓу кои и наши, а врвот се случи на мечот Финска - Русија на кој коментаторот излезе од спортски и влезе во музички води.