Фалеа навивачите и фудбалот без нив со месеци беше театар, ама нивното место е сепак на трибини, а не на терен. Ултрасите на Ница влегоа во клинч со фудбалерите на Марсеј и настана големата.

Леванте и Реал со спектакуларни 3:3 ја затворија неделната програма во Ла Лига. Барди влезе во 78-ма минута и веднаш центрираше од слободен удар по што падна гол за 3:2, но Винисиус Жуниор беше во елемент и два пати израмнуваше во вториот дел.

На стадионот „Диего Армандо Марадона“, Наполи иако со играч помалку уште од 23' минута по директниот црвен картон кој го доби шпицот Осимен, успеа во вториот дел да го скрши отпорот на Венеција. Капитенот Инсиње во 56' минута промаши пенал, но беше прецизен само шест минути подоцна исто од пенал. Елиф Елмас ја запечати победата во 73-та минута со сјаен гол на отворање на новата сезона во Серија А.

Во полуфиналето на Мастерсот во Синсинати гледавме руско дерби меѓу Рубљев и Медведев. Првиот фаворит на турнирот и втор тенисер на светот, Медведев во еден момент се удри и ја преврти камерата која беше веднаш позади него. Среќа сите поминаа добро. Судијата се симна да праша како се, а Данил бараше да ја тргнат камерата од тука.

По триумфот во првото коло против Реал Сосиедад од 4:2, Барса ремизираше во Билбао. Пике се повреди во прво, Ерик Гарсија доби црвен картон во 93-та минута, а големото холандско засилување од Лион распали со левица за конечни 1:1.

Во Мексико беше изведен удар од 11 метри кој ако се случеше во некое финале во последна серија, притисокот 200. Личи дека ја промаши, а уствари е чист гол. Стрелец Нико Лопез од Тигрес кој не ја погоди мрежата, туку стативата, ама таа што е внатре.

Во стравичните видеа кои стигнуваа од Авганистан се гледа дека при евакуација на оние кои сакаа да ја напуштат земјата, некои беспомошно се качуваа дури и на авионски крила и тркала па паѓаа од големи висини.

Со оглед на тоа што нашите клубови немаат квалитет ниту за пласман во Конференциска лига, а не па за Лига Европа и Лига на шампиони, да почнеме да увезуваме вакви бар за забава а?

Поранешниот голман на македонската репрезентација седна на „Жешко столче“, емисија на Јутјуб која со помош на нејзиното име и прашањата на водителот, знае да открие по некоја пикантерија во спортот.

Топ тема на вечерта во квалификациите за ЛЕ беше Мухамед Гамускаја од Фенербахче. 20 годишниот играч од среден ред со еврогол го реши ХЈК Хелсинки за конечни 1:0, ама потоа се збуни при прославата на голот. 

Базел синоќа славеше 3:1 против Хамарби од Шведска во квалификациите за Конференциската лига, ама овие двајца торковци воопшто не се прославија убаво. Каков е бре овој однос кон спортот? Синхронизирани и папетични глупаци.

И покрај тоа што целите кои ги постави ги исполни, а тоа се пласман со Македонија на ЕП и опстанок со Џенова, сепак Горан Пандев ја продолжи за уште една година неговата 20 годишна блескава кариера во италијанската елита.

Деби настап и веднаш деби погодок за македонскиот репрезентативец кој летово одлучи кариерата од Лидс Јунајтед да ја продолжи во блискиот исток. Неговиот Ал Ахли ремизираше против Ал Хазем со 2:2, а Алиоски изведе пенал за чиста десетка.

„Пораснав во предградие на Мадрид. Немаше ништо и беше тешко да се најде место за играње. Некои работи не се забораваат. Фудбалот е собир, социјализација и можност да бидеме и да растеме заедно“.

Во ноември 2004. година во поранешната сала на Детроит Пистонс изби војна. Се тепаше кој со кого стигне и за малку армијата ќе интервенираше да смири страсти.

На Шпанецот Педро, детето на Барселона кој направи врвна кариера па играше во Челси и освои еден куп трофеи каде и да играше, му се падна да биде запишан во историјата како прв фудбалер после скоро пола век кој направил трансфер меѓу двата вечни римски ривали.

Атлетико Миниеро ја декласираше Ривер Плејт со 3:0 во реванш четвртфиналето од Копа Либертаторес. Натпреварот беше спектакуларен со три прекрасни голови од кои едниот е ремек дело кое се прави еднаш во кариера.

Гангстерски сцени ни доаѓаат од фудбалски натпревар во Хондурас, каде главниот арбитар на каубојски начин се штитеше да не изеде ќотек. Домашните играчи и навивачи не биле задоволни од некоја негова одлука и му вршеле притисок, а во мешаницата на терен тој ги плашеше со истрели во земја.

Македонската кошаркарска репрезентација се пласираше во квалификациите за Светското 2023-та, но со неочекуван пораз од Словачка од 72:88, кој ако изнесуваше 28 разлика, ќе извисеа. Селекторот Драган Бајиќ беше бесен на тајм аутите поради лошата игра, особено во одбрана и им се истури на играчите.

64,3 милиони лајкови заедно собрале: 1. Меси со пехарот од Копа Америка. 2. Меси со дресот на ПСЖ и 3. Меси со освоените пехари. Ова е рекорд не во фудбалот, туку во спортот.

Жоао Феликс и Кака многу наликуваат еден на друг, како по физички изглед, така и по играта на терен. Бразилецот беше суптилен техничар, права милина за гледање, а Португалецот денес оди по неговите стапки. Кој е на сликата со маска?

Марк Ален и Рене Еванс се славни снукер играчи кои се сретнаа на британското првенство во Лестер. Марк победи со 3:2, а пред стартот имаше реакција од публиката како на стадион. Негодуваа бидејќи Рене го одби спортскиот поздрав.

Добрите познавачи и носталгичари на италијанскиот и општо европскиот фудбал во првите години по 2000-та, на прва топка ќе се сетат на фамозниот случај „Ериберто“ од Киево, човекот кој за да избега од сиромаштија направил голема измама, па совеста го прогонувала со години.

Неговиот прв тренер во Баерн, Златко Чајковски го нарекол „дебел и низок Милер“, а денеска тој сè уште е рекордер во Бундеслигата со 365 погодоци. Со неговата убиствена реализација, Западна Германија стана светски и европски првак, а ја освои и Златната топка.