Во полуфиналето на мароканскиот Куп (Coupe du Trôn), Јусуфиа Берешид губи 1-2 од РСБ Беркане. Во продолженијата, во 117’ минута Саид Оуфир го дава најубавиот гол во кариерата. На крај 4:3 на пенали за РСБ Беркане.

Барселона реши да не се смешка многу на пријателската против Интер Мајами во САД и со 0-6 покажа дека го остри нападот за новата сезона. Голови даваа скоро сите и Обамејанг и Рафиња и Ансу Фати и Усман Дембеле и Гави. Ама оној на Мемфис Депај беше најубав.

Баварскиот гигант е број 1 по многу аспекти во светскиот фудбал, ама очигледно маркетинг тимот летово останал без идеи. Промоцијата на едно од најскапите засилувања во историјата на Баерн Минхен (67 милиони евра), холандскиот стопер Матајс Де Лихт кој дојде од Јувентус, беше многу несериозна на ниво на балкански третолигаш.

Индепендиенте - Расинг важи за едно од најголемите дербија во Аргентина, кое ни донесе скроз апсурдна и глупава сцена. Некој торко од трибина погоди фудбалер со риба. Што не извади и ориз и салата?

За време на натпреварот Динамо Загреб - Шкупи во рамки на 2. квалификациско коло за Лига на шампиони, гостинските навивачи на „Максимир“ мавтаа со знаме на терористичката ОВК.

Македонскиот репрезентативец Аријан Адеми ја отвори новата сезона во ЛШ со голови. Капитенот на Динамо го израмни резултат против македонскиот првак кој извади изненадувачки 2:2 на Максимир, а потоа и асистираше за вториот гол.

Во најатрактивната трка на 1.500 метри во женска конкуренција на Светското првенство во Орегон (САД), Фејт Кипјегон од Кенија победи и го освои златниот медал со истрчано време од 3 минути и 52.96 секунди. Втора целта ја мина Гудаф Чегаи од Етиопија (3:54:52), а со бронзен медал се закити Лора Мур од Велика Британија (3:55.28 минути).

Понекогаш стварно човек ќе се доведе во ситуација да се согласи со ставот дека фудбалерите не се на горен дел од табелата за интелегенција.

За 4.500 јапонски јени или во превод околу 1.800 денари Јапонците купуваат карти за отворени тренинзи на ПСЖ. Францускиот шампион е на подготовки во оваа земја каде ќе одигра и неколку пријателски средби. Во полн состав тренираат и ја забавуваат јапонската публика.

Најславното тениско трио одбележа златна ера во тенисот, која за среќа уште трае. Заедно имаат освоено вкупно 63 Гренд слем турнири или 81%, од 2003-та до денес. Видеото е да гледаш, да уживаш и да бараш репетиција на секој поен од сите агли. Какви легенди.

Храброто момче се вика Метин Саити, член на Македонија У-18, кој на мечот против Црна Гора го залепи на постер својот чувар, за овации на публиката.

Шели-Ен Фрејзер-Прајс на Светското атлетско првенство во Орегон ја освои рекордната петта титула светска шампионка во трка на 100 метри. Чудото од Јамајка има 35 години, има 4-годишен син, а во големото финале истрча сто метри за 10,67 секунди.

Само неколку дена откако го напушти Манчестер Сити каде е клупска икона со 4 шампионски титули, 5 Лига Купа, 1 ФА Куп, Рахим Стерлинг потпиша со Челси а на промоцијата одби на млад навивач да му потпише дрес од Сити. Професионализам или некоректност проценете сами.

Необични кадри пристигнаа од третолигашкиот фудбал во Чиле. Пред стартот на мечот пристигна дрон од кој висеше плетена корпа, а во неа топката со која треба да се игра. Wtf?

Мароко ја совлада Нигерија со 5:4 на пенали во полуфиналето од Купот на Африкански нации за жени. Пуста Розела, се збуни целата и не сконта дека нејзиниот гол е решавачки за пласман во финале и тоа прво во историјата на нејзината земја во ова натпреварување.

По 9 прекрасни години, полни со историски мигови, шампионски сјај и взаемна љубов со клубот и навивачите, Тимур Дибиров го напушта Вардар. Заминува горд и исполнет, затоа што беше како дома, со 21 трофеј и како трет најдобар стрелец во ЛШ со 1.043 голови. Легенда.

Сезоната, во која што Манчестер Сити ќе се обиде да ја одбрани шампионската титула, ветува дека уште еднаш љубителите на фудбалот, особено англискиот, ќе имаат прилика да уживаат во
врвно фудбалско надигрување и надмудрување, возбудливи акции и сензационални голови.

Талабат е компанија која врши достава на храна и е водечка во својата област во Кувајт, Саудиска Арабија, Бахреин, УАЕ, Катар, Оман, Ирак, Египет и Сирија. На еден меч од египетската прва лига меѓу Ал Ахли и Пирамидс, топката на судијата му ја донесоа со достава од оваа фирма.

Во Загреб на Кире му велеле дека стилот му е застарен, а Талант од тој негов стил го извлекол максимумот. На играчите им се поставувал само на еден начин, а тоа е како да бидат добри. Приватно бил многу забавен лик, ама во соблекувална знаел да полуди и да крши сè пред себе.

Во Италија се случи полициска акција која сигурно ќе биде исмејувана на сите комични емисии, а ги имаа бајаги. Фаќаат човек со капче, го тресат, за во еден момент џандарот да му каже на колегата дека се работи за Бакајоко од Милан, инаку тазе шампион во Серија А. Реакцијата на ќелавиот е хит.

Трансфер бомба на летото секако е преминот на врвниот полски центарфор Роберт Левандовски од Баерн Минхен во Барселона. Сагата за Полјакот конечно заврши после неколку месеци. Сега социјалните мрежи горат од коментари и реакции, а најјака беше онаа на бундеслигашот Аугзбург.

Дојде крајот на една убава приказна.

Иако низ кариерата важеше за строг, ригиден тренер кој не им дозволуваше многу кривини на играчите, португалскиот тренер откако седна на клупата на Рома, сè повеќе се забавува по социјални мрежи, со навивачи, со коментари, лајкови. Сезоната ја спаси со освоен голем трофеј, прв европски за Рома во Куп на Конференции. И реши да ги нацрта сите главни евро пехари кои ги освоил.

За време на 12. етапа од најелитната велосипедска трка на светот Тур де Франс, Белгиецот Ив Лампаер налета на едно куче кое стотици други велосипедисти го избегнаа. Среќа повеќето закочија на време па се избегна уште поголем циркуз.