И покрај фаворитската улога и предноста од 3:1, селекцијата на Србија испушти победа против Камерун и дополнително си го зголеми притисокот пред последниот меч против Швајцарија. Србија прва примi гол и за три минути направи пресврт во финишот од првиот дел. Камерунците во вториот дел возвратија на идентичен начин.

Ова е добра идеја да им се даде на Мундофорија во МТВ или не? :)

Германија одигра нерешено со Шпанија (1:1). Германците први примија гол, но измените на Ханси Флик внесоа живост во играта а резервистот Никлас Фулкруг со погодок донесе бод и ги спаси од рана елиминација. За Германија интересно ова беше прв гол од измена после златниот на Марио Геце во финалето 2014.

Мундијалот во Италија беше последниот обид за Југославија да направи нешто големо. Мундијал кој е мелем на душата за носталгичарите, со горчина што не стигнаа и подалеку од четвртфинале кое го загубија од Аргентина на пенали. Томислав Ивковиќ му го одбрани на Марадона. Во осминафиналната фаза им се паднаа Шпанците, Панчев беше стартер, а Драган Стојковиќ Пикси неверојатен.

Странските фудбалери во екипите на големите ривали Зенит и Спартак Москва, Вилмар Бариос и Родриго од домашниот тим и Квинси Промес и Шамер Николсон од московскиот состав започнаа тепачка која прерасна во општ хаос за време на мечот од Купот на Русија. На крајот главниот судија Владимир Москалев поделил 6 директни црвени картони (по 3 за двата тима).

Во втората турска лига на мечот меѓу Ѓезтепе и Алтај, главниот судија и делегатот решиле да го прекинат натпреварот после серија големи инциденти. Во еден момент домашен навивач упадна на терен и со корнер знаменце со сета сила го удираше гостинскиот голман. А во текот на дуелот од гостинската трибина полетала ракета кон домашната трибина каде тешко биле повредени две деца и еден возрасен човек кој бил во критична состојба.

Популарната Ивана Кнол врзува три Мундијали по ред и со секое појавување на трибина и им ја полни меморијата на телефоните на сите што се околу неа.

После еден одигран натпревар на Светско првенство, на прес конференцијата на Србија го поставуваат следново прашање: Што велат дома, да се вратите побрзо од Катар или да останете подолго? И двајцата издржаа да не прснат од смеење, а тој лево беше спремен како пушка со соодветен одговор, полн со иронија.

Занимливи факти - 1. коло Група Е на Светско: Шпанија - Костарика 7:0, Германија - Јапонија 1:2. 2. коло Група Е: Јапонија - Костарика 0:1. Откако „самураите“ направија сензација и ја совладаа Германија, денес изгубија неочекувано од аутсајдерот Костарика. Гол им даде десен бек од костариканско првенство. Од еден единствен удар во рамки на голот.

Најголемото знаме во Катар го имаат Хрватите. Тие го веат уште од Европското 2004 во Португалија, преку Светските првенства во Германија, Јужна Африка, Бразил и Русија. Сега е во Доха. Го носат дечки од хрватското градче Цриквеница. Долго е 200 метри и тешко околу 100 килограми.

Дваесет и едногодишниот Енцо Фернандез е најдобар играч на Аргентина на ова Светско заедно со Меси. Тој е играч на Бенфика во која дојде од Ривер Плејт. На дуелот со Мексико постигна прекрасен гол во 87' минута да ја запечати победата од 2:0.

Кога беше најтешко - кој друг ако не тој: кралот Лионел. Ја влечеше својата репрезентација против тврдиот бедем на Мексико и во 64' минута го скрши мразот. Постигна прекрасен гол од далечина. Тој гол им тргна огромен товар на „гаучосите“ кои сега многу полесно дишат пред последното коло и дуелот со Полска.

По срамот против Саудиска Арабија, селекцијата на Аргентина се врати во игра за нокаут фазата, а тоа им го овозможи кој друг, ако не Лео Меси кој со еден потег го подигна психолошлки тимот. Аргентинскиот ас погоди во 64-та минута во негов стил, а на 3 минути до крај за нова соло мајсторија се погрижи 21 годишниот Енцо Фернандез, кој го постигна деби репрезентативниот гол.

Веќе не е флоскула муабетот дека секој игра фудбал. Буквално ако некогаш азиските селекции беа за поправање гол-разлика, денес треба прописно да се испотат сите други за да освојат бодови со нив. Полска не се изгори од Саудиска Арабија, победи 2:0 со головите на Зјелински и Левандовски ама малку фалеше Арапите да израмнат од пенал.

Аргентина се мачеше во првите 45 минути против Мексико. Меси, Ди Марија и Лаутаро Мартинез немаа муниција. Највозбудливиот момент на средбата беше 45 минута во која Алексис Вега изведе опасен слободен удар на кој Емилијано Мартинез одговори со прекрасна интервенција.

Селекцијата на Франција стана првата репрезентација која обезбеди пласман во нокаут фазата на Мундијалот во Катар. Големата ѕвезда на ПСЖ ја реши Данска со два гола (61` и 86`). За Данците стрелаше Кристенсен.

Дарко Панчев, Ален Бокшиќ, Пеџа Мијатовиќ, Давор Шукер, Дејо Савичевиќ, Драган Стојковиќ Пикси, Ѕвонимир Бобан, Роберт Просинечки, Владимир Југовиќ, Синиша Михајловиќ...Доста е а дечки? Морници доаѓаат кога ги чита човек. Ако не знаеш за нив, прашај го татко ти. Единствени се.

Ноември, 2007-ма, Англија против Хрватска. Налетавме на клип со неверојатниот Сол Кембел, кој кога влегуваше, влегуваше поштено и тоа знаеше да трае. Легенда на Тотенхем и Арсенал со три мундијалски учества.

Во четвртата емисија на новото подкаст шоу, гостува златното македонско коментаторско грло без кој не можеше да пројде ниту еден голем настан од минатиот век. На линковско вклучување се појавуваат Игор Паневски од Доха и Оливер Бранковиќ од Белград.

Точно две години од смртта на еден од најголемите, кој 100% ќе ја бодреше Аргентина во Катар. Појако видео денес нема да видите.

На нет се појави видео на кое се гледа како Португалецот за време на мечот со Гана на кој даде гол од пенал и влезе во историјата како единствен фудбалер кој дал гол на 5 различни Светски првенства, вади нешто од шорцевите и го јаде.

Интересна анализа на Газета која за Мундијалот кој се игра во нетипичен тајминг, пресмета кои играчи на Светското пристигнале со најмногу одиграни минути сезонава.