Триесет и две годишниот Рамон Абила е центарфор кој се изнаигра фудбал во неколку аргентински и бразилски клубови а најголема трага остави во Бока со која освои две шампионски титули во 2017/2018 и во 2019/2020. Сега на заоѓање на кариерата игра за Колон Санта Фе а на мечот со Арсенал Саранди (1:1) направи преубав, едноставен дриблинг.

Каспер Руд, седми рекет на светот е единствениот тенисер од топ 10 кој остана во игра на Мастерсот во Монтреал откако едвај го совлада незгодниот Роберто Баутиста Агут со 6-7, 7-6, 6-4. Во мечот кој траеше три часа, на крајот од првиот сет, Норвежанецот тргнал да се пресоблече во соблекувална, а судијата го убедуваше дека за такво нешто мора да побара пауза за тоалет. Според правилата.

Лука Дончиќ само што ја заврши сезоната во НБА, одмори неколку дена и веднаш и се приклучи на репрезентацијата на Словенија. 23-годишната суперѕвезда на Далас Маверикс на еден тренинг на Словенците постигнал неверојатен кош, во негов својствен стил.

Поранешниот дефанзивец на Фиорентина, Ненад Томовиќ направи инцидент во Белград по завршувањето на мечот Партизан - АЕК Ларнака. Иван Тричковски не успеа да го задржи.

Французинот Имад Фараж ја намачка на леб цела одбрана на Партизан во стилот на Лео Меси. Голчиште за најавни шпици со кое на АЕК Ларнака му донесе конечни 2:2 во Белград, за пласман во плејофот од Лига Европа. Партизан е елиминиран со вкупни 3:4.

Големата надеж на Реал Мадрид кој со „кралскиот клуб“ освои неколку шампионски трофеи во Лига на шампиони, во Ла Лига, во шпанскиот Копа дел Реј, но во последните две сезони беше подзаборавен на клупата за резерви, реши да смени средина за да игра повеќе. Се реши за Севиља а навивачите на стадионот „Санчез Писхуан“ го пречкаа величествено.

Животниот фудбалски пат на славниот Киро е убаво раскажан во емисијата „Патот до успехот“ на една недела пред стартот на СП 2018. Тој не е само прв Македонец кој заиграл на Мундијал, туку и прв заедно со Методија Спасовски кои стапнале на Маракана во Бразил. Фоторепортерите го имаат фатено заедно со Пеле.

Комшиската лекција на Кире траеше 20-30 минути. За нас вечност. Ние останавме на „Травица“ и наместо да играме, раскажувавме како играше „крљаџијата“.

Капитенот на македонската фудбалска репрезентација, Енис Барди, по одличните игри за шпански Леванте, беше цел на неколку европски клубови, а на крај се реши да потпише за турскиот шампион Трабзонспор.

Новата сезона во италијанското калчо ќе започне викендов. Шампионот Милан одбраната на скудетото ќе ја започне со Удинезе на „Сан Сиро“. Интер гостува кај Лече, Мурињо со екстра засилувања ќе отвори во Салерно а Јувентус го пречекува Сасуоло. Еве една интересна најава за Серија А уште од времето.

Додека австралискиот Грк или грчкиот Австралиец Кирјос полека како да ја намести главата и повеќе прави забава и шоу отколку што е непријатен на терен, Гркот Стефанос Циципас повторно направи голем екцес. 

Реал Мадрид одново освои трофеј, овојпат повторно пехарот наменет за победникот во Суперкупот на Европа.

Во четвртфиналето од најелитното клупско натпреварување во Јужна Америка, Палмеирас го елиминираше Атлетико Миниеро на пенали. 21 годишниот Данило има проблеми со логика, за што доби скроз заслужен црвен картон.

Малезија држи чудно човече кое дефинитивно според однесувањево нема профил на фудбалер. Каков банален лик. После глупирањето со публика, фати да глуми роловано гиро.

Владимир Петровиќ Пижон и Кирил Дојчиновски потпишуваат автограми во стоковна куќа во Франкфурт, од каде сите репрезентативци на Југославија добиле телевизори во боја за време на Мундијалот 1974, кој го освои домаќинот Западна Германија предводена од Герд Милер и Франц Бекенбауер.

Некаде во август 2017-та на прес-конференција на големиот УС Опен, малото дете Изјан Ахмад Зизу го прашува неговиот голем идол Роџер Федерер „дали би можел да продолжи да игра уште едно осум, девет години така што кога Зизу ќе стане професионален тенисер, ќе игра против неговиот идол“? 

Италијански Кориере дела Сера пишува дека двата сина на легендарниот Златан Ибрахимовиќ ќе тренираат и играат во младинската школа на Милан.

Во емисијата „Легендите на Маракана“ има место само за избрани имиња, како што е славниот Дојчиновски кој почина денеска на 78 годишна возраст. Звезда не го испрати само со статус на социјалните мрежи, туку потсети на неговите трофејни денови во црвено белиот дрес. Да не се погодеше воениот рок, не им бегаше финале во ЛШ.

И покрај тоа што не е престарен и на 35 години игра на високо ниво во Виртус Болоња, Милош Теодосиќ не влезе во конечниот список на селектор на Србија, Светислав Пешиќ за Европското во кошарка кое стартува на 1 септември. Долгогодишниот капитен беше испратен од кампот на репрезентативците во кафански стил, со стихови во кои има порака.

Ирскиот шампион Шамрок Роверс се испостави за многу посилен ривал од македонскиот првак Шкупи и со вкупен резултат 5-2 го елиминираше чаирскиот клуб. Ирците во свој стил, со весела песна во соблекувална на „Арена Тодор Проевски“ го прославија пласманот.

Тревор Кларк, 24-годишен ирски фудбалер. Сега е член на англиски Бристол Роверс, а додека играл во Ирска за Шамрок Роверс се прославил со еден лизгачки старт каков што не се видело до тогаш. А уште побудала е судијата кој прекршокот го проценува за жолт картон.

Стефан Ристовски и Аријан Адеми се на чекор до пласман во ЛШ, откако во квалификациите го елиминираа Лудогорец со вкупни 6:3. Од синоќешниот меч на Максимир на кој славеа 4:2, а гостите добија три црвени картони, го издвојуваме влезот на капитенот на Македонија, кој се проби како шило и му ја даде на тацна на Дрмиќ по само 12 минути игра.

Норвич и Бирминген одиграа 2-2 во првата рунда од англискиот Лига Куп. Домаќините водеа 2-0 и тоа со два гола во само неколку секунди во судиско продолжение во прв дел. Даниел Синани отвори, а Јакоб Соренсен со прекрасен еврогол зголеми на 2-0. Бирмингем израмни и на крај победи на пенали.

Им играше без да му тапне и одигра како што не им успало ниту на Нејмар и Роналдињо како мали. Вриштеа од трибина, а ако имало скаути, тогаш ќе се открие кое е детево.