Во сабота од 16:15 на „Олимпискиот Стадион“ попознат како Монтжуик поради тоа што се наоѓа на истоимениот рид во Барселона, ќе се одигра официјалното 255. дерби меѓу Барса и Реал Мадрид. „Кралевите“ имаат 102 победи, Барса 100 а 52 дуели завршиле нерешено.

Данил Медведев кој на турнирот во Виена го совлада Артур Фил, при водство од 5:1 во вториот сет, непотребно се изнервира поради загубен поен и удри една госпоѓа на трибини. Чудни критериуми гледаме во тенисот. Русинот не го суспендираа, исто како и Федерер пред години, а Ѓоковиќ за слична ваква ситуација на Австралија опен 2020 го исфрлија од турнир.

На 28. октомври во Саудиска Арабија Тајсон Фјури ќе боксува против некогашниот шампион од УФЦ, страшниот Франсис Нгану, а после само два месеци најверојатно ќе се бори и за апсолутната шампионска титула во тешка категорија против Александар Усик со кого е договорен двомеч.

Македонскиот репрезентативен голман Никола Митревски дефинитивно е еден од најсаканите меѓу навивачите на сите спортски секции на Порто. Нико, како што го викаат, синоќа беше најзаслужен што неговиот тим го победи ГОГ Гудме 32:31 во Лига на шампиони. Имаше дури 14 одбрани зад своето име и го избраа за играч на мечот.

Многу голови паднаа синоќа во ЛЕ и ЛК. Четири екипи постигнаа по 5 комада, а две екипи по 6. Ние решивме да го издвоиме оној на најдобриот стрелец во Лига Европа за минатата сезона, Виктор Бонифејс, кој го постигна на мечот Баер Л. - Карабах 5:1. Бомба.

Таков е фудбалот. Голманот на Лацио, Иван Проведел скокна во шеснаесетник и му ја заби на Атлетико Мадрид со глава за израмнување 1:1 во 94-та минута. Тренд Александер Арнолд пак како играч од среден одигра голмански против Тулуз и спаси чист гол.

Петтото коло на Евролига донесе два мега дуели. Во големото Ел класико Реал Мадрид во крајно неизвесна пенал-завршница ја совлада Барселона со 65:64, а Партизан успеа да ја победи Црвена Звезда во исто луд финиш.

Партизан ja доби Црвена Ѕвезда со 88:86 во 5. коло од Евролигата, во натпревар полн со пресврти. Во последните 10 минути од средбата Аврамовиќ блесна со 11 поени, а Теодосиќ промаши дури три слободни фрлања. Комедии беа на крај. Погледнете го погледот на Милош.

Ливерпул го збриша Тулуз со 5:1 и има 3 од 3 во групната фаза од ЛЕ. Дарвин Нуњез беше меѓу петмината стрелци, а во еден момент прво се претвори во Роналдо Бразилецот, а потоа финишираше ко Симоне Инѕаги.

Македонскиот центарфор продолжува со одличната голгетерска форма за Абердин и го запиша деветтиот гол сезонава на сите натпреварувања.

Кога ќе се потсетиме на неговите партии, делува како да е генерација со Ибрахимовиќ уште од времето, а Ендри Керол е роден 1989-та и има 34 години, идеални за центарфор. Некогашниот англиски репрезентативец кој играше за Њукасл, Ливерпул, Вест Хем Јунајтед, Ридинг и ВБА, сега во 2023-та игра за францускиот второлигаш Амиен.

Погледнете го видеото повеќе од еднаш и следете како се движат и менуваат на човек, кошаркарите на Денвер. Поентата е јасна, не смее никој да остане сам. Целта е остварена. Инаку оваа шампионска одбрана на шампионот е од првиот меч во новата сезона против Лејкерски.

Меѓу децата од Ла Масија кои Чави ги пушта во оган, обрнете внимание на Ламин Јамал, кој во јули летово наполни 16 години, а минатата сезона доби привилегија да заигра за првиот тим на Барселона со 15 години, 9 месеци и 16 дена, најмлад во историјата на клубот. Погледнете го како самоуверено работи доле со топка.

Во најново интервју за германскиот сајт SportBuzzer, легендарната „Кобра“ зборува на разни теми. Интервјуто го потпишува новинарот Димитриос Димулас, а Дарко раскажува интересни моменти од кариерата.

Само една нормална и фина работа ќе раскаже за него. Дека е освојувач на НБА титулата. Другото за слушање не е, а не па за превод.

Вака лаички кажано, ова ни изгледа како дома кога местиме теписи, а тие велат дека се работи за хибридна трева, мешавина на природна и вештачка. Со врвен квалитет и висок степен на издржливост и со исти карактеристики како на стадионите на големите европски метрополи. Баш да видиме. Англија ја пречекуваме на 20 ноември.

Еурофарм Пелистер не може да пркне во силната група од ЛШ и во 6. коло го запиша шестиот пораз. Пречката се викаше Кјелце кој две сезони по ред игра финале. Битолчани се р`чнаа со познат Вардарец.

Унион Берлин за првпат во клупската историја игра во Лига на шампиони. Овој клуб пред само неколку години ќе згаснеше поради сериозни финансиски проблеми. Но навивачите го кренаа во најтешкиот период и од него направија клуб за почит, со прекрасен стадион и клуб кој стигна да игра и со Реал Мадрид во Лига на шампиони. Сега поминуваат низ сериозна резултатска криза од дури 9 порази по ред во сите натпреварувања.

Српскиот тренер кој изненадно доби шанса да го води гигантот и скорешен НБА шампион Торонто Репторс, Дарко Рајаковиќ еуфорично ја прослави првата победа во лигата против Минесота Тимбервулфс 97-94.

Младата француска ѕвезда Виктор Вембенјама кој беше прв пик на драфтот во НБА, одигра одлична пред-сезона, но официјалните натпревари во најсилната лига се нешто друго. На мечот Далас Маверикс - Сан Антонио Спарс Лука Дончиќ држеше час по кошарка и со 33 поени, 10 скока и 13 асистенции изведе трипл-дабл за МВП.

Првиот хет-трик сезонава во Лига на шампиони е дело на Бразилецот Еванилсон Барбоса од Порто и тоа во едно полувреме.

Барса имаше можност да ја зголеми предноста во финишот против Шахтјор на 3:1, ама при Гундоган на терен, слободниот удар го изведе Араухо. Топката излезе од кадар, а Левандовски и Де Јонг се кикотеа на клупа.

Ако сте ја играле ГГ3+, а сигурно има такви, на голманите да им ги барате парите. Погледнете ја двојната интервенција на Ник Поуп во 9 минута, со рамо им ја фати. Потоа и на Грегор Кобел во вториот дел, можеби најјака на колото.

Тренерот на Барса Чави очигледно го знае рецептот како да го врати сјајот на клубот. Станаа шампиони во Ла Лига а сега во Лига на шампиони блескаат со нови деца од својата академија Ла Масија.