Во дербито на 19. коло од италијанската Серија А, Рома и Аталанта одиграа 1-1 и си поделија по бод. Во 90+4' минута од судиското продолжение, Жозе Мурињо доби директен црвен картон иако претходно веќе доби жолт во текот на мечот.

Шампионот Денвер Нагетс славеше нов триумф, овојпат над Детроит Пистонс 131:114 а Никола Јокиќ имаше чуден учинок од само 4 поени и дури 16 асистенции и пет блокади. Од сите асистенции на Јокиќ, две беа посебно импресивни. Најзаслужен за победата на Нагетс беше Џамал Мареј со 33 поени и четири асистенции, Мајкл Портер додаде 15 а Пејтон Вотсон 13 поени.

Англичаните немаат коло викендов, ама пак не мируваа и играа ФА Куп. Ливерпул го елиминираше Арсенал во 3. коло со триумф од 0:2, а играчите одлепија при една од прославите за гол. Во купот со нив се вклучи навивач, кој Нуњез го шлапаше по глава, а Конате му ја џитна капата.

Џуд Белингем има само 20 години и веќе има статус на ѕвезда во Реал Мадрид, ама има и манири, а тоа го покажа на Куп натпреварот против четвртолигашот Арандина.

24 селекции ќе бијат битка за трофејот на 16-то Европско ракометно првенство кое ќе се одржи во Германија од 10 до 28 јануари. Македонија стартува на 10-ти во 18 часот против трикратниот европски првак Франција. МТВ конечно го освежи студиото, кое изгледа навистина прекрасно.

Елиф Елмас се подготвува за дебито во Лајпциг кое се очекува да го има веднаш по зимската пауза во Бундеслига, а тоа е против Ајнтрахт Франкфурт на 13 јануари. Од клупскиот канал му направија мини интервју со куси прашања.

Кога овој човек беше во врвна форма, фудбалот го играше на посебен начин и беше број 1. Гледајте го внимателно клипов, како ги тероризира противниците со тоа бразилското во него, што го нема друг. Незаменлив лик без кој фудбалот е дефинитивно посиромашен. Танцуваше кога ќе примеше топка.

Пјетро има талент за фудбал, ама и проблем за да просперира. Внук е на поранешен мафијаш, еден од најопасните во Италија, а тоа до толку му прави проблем што го исфрлаат од екипа.

Дванаесеттата тенисерка на светот, Летонката Јелена Остапенко револтирана по загубените поени од Белорусинката Викторија Азаренка ѝ се пушти вербално на главната судијка Јулија Кјендли.

Дур кошаркарите земат здив на полувреме во НБА, постојат разни ликови во сала, кадарни за секаков вид на забава. Пазете го овој како ја искористи можноста да биде десетина секунди во кадар. Се прерадува ко Санси титула да освоиле.

Милвоки Бакс го совлада Сан Антонио Спарс 125:121 во меч во кој Џанис Адетокумбо постигна 44 поени со 14 скока и 7 асистенции, а Дамјан Лилард додаде 25 поени со 4 скока и 10 асистенции. Сепак моментот на вечерта го украде младиот Французин Виктор Вембанјама со забивање на сопствена асистенција.

Бразилецот од Реал Мадрид, Родриго, објавил видео со кое се пофалил со новите заби прекриени со украсни и драгоцени камења. Цената на ваквите заби во Бразил движела од 3.000 до 140.000 бразилски реали. Овој тренд познат и како „dental grillz“ е процес на премачкување на забите со племенити метали и трае во просек од две до три недели.

Само 24 часа откако го регистрираа, 18 годишниот Витор Роке кој пристигна од Атлетико Параненсе дебитираше за Барселона. Големата бразилска надеж, кого го сметаат за наследник на Роналдо да Лима, пропушти голема прилика да се прослави веднаш со погодок.

Јувентус прв прими гол од Салернитана која поведе со 0-1 уште во првата минута по катастрофалната грешка на стоперот Гати. После тоа бјанконерите до врв ја наполнија мрежата на гостите од Југот и со 6:1 ги испратија дома. Шестиот, последниот гол на мечот беше дело на Тимоти Веа, син на легендарниот Жорж Веа кој игра за репрезентацијата на САД. Еврогол!

За наградата спонзорирана од Бадвајзер, за најубав гол на месец декември во англиската Премиер лига конкурираат: капитенот на Арсенал Норвежанецот Мартин Одегард, Аргентинецот од Ливерпул Алексис Мекалистер, како и Дани Велбек од Брајтон.

Севиља игра очајна сезона и има само 3 победи после 19 кола во Ла Лига. Синоќа дома загубија од Атлетик Билбао, а навивачите се очигледно фрустрирани бидејќи се немаат израдувано на триумф на домашен терен од септември. Навивач му дофрлаше на Рамос, а тој го прекина интервјуто и му свика дека треба да има почит према луѓето и клубот, бидејќи во моментот дава изјава.

Во големото белградско вечно дерби во 19. коло од кошаркарска Евролига, Црвена звезда со 88:72 го совлада Партизан и ја забележа и втората победа по ред по онаа со Фенербахче во Истанбул. Во белградска „Арена“ вриеше како во котел.

Актуелниот шампион на НБА му приреди сензационален пресврт на Голден Стејт Вориорс на гости, кој го загуби мечот после водство во последната четвртина од дури 18 поени разлика.

Според некои проценки, Ѓоковиќ тежи 520 милиони долари, Надал 515, а Самит Нагал, број 1 тенисер во Индија вели вака: „На сметка имам 900 евра и за да заштедам патувам само со тренерот. Играм Гренд слемови, но сиромашен сум“.

Првиот пик на драфтот во НБА, Виктор Вембанјама денеска полни 20 години. По тој повод ФИБА објави куса компилација од негови потези на Светското У-19. Противниците му се тргаат кога оди на забивање, што е сосема логично. А што може да му направат на ваков стап?

Тони Адамс, Ешли Кол, Рој Кин, Патрик Виера, Фил Невил, Ники Бат, Пол Сколс... Витешки фудбал.

Владе Дивац, Здравко Чолиќ, Слобода Миќаловиќ, Синиша Михајловиќ, Андреј Кулунџиќ, Матеја Кежман, Игор Милановиќ, Драган Николиќ, Јелена Јанковиќ, Никола Којо, Драган Стојковиќ Пикси, Ивица Краљ, Зоран Цвијановиќ, Ана Ивановиќ, Дуле Савиќ, Ѓуле Ван Гог.

УФЦ на почеток на секоја нова година објавува најдобри нокаути и триумфи во рингот за претходните дванаесет месеци па така објавија и сега неколку спектакуларни дуели.