Во полуфинале на аргентинската втора лига Депортиво Мадрин со 1-0 го совладал Депортиво Морон и направил голем чекор кон враќање во прва лига Примера Дивизион. По натпреварот играчите на двата тима се степале а ескалирал и судир со специјалната единица која интервенирала на теренот.

Во финалето на АТП завршниот турнир на годината во Торино, Италијанецот Јаник Синер го совлада Карлос Алкараз со 2-0 по сетови: 7:6, 7:5. Синер на тој начин ја круниса годината во која освои две Грен слем титули и се враќа на првата позиција каде досега беше токму Алкараз. Ова беше нивен 16-ти меѓусебен дуел и во моментов Алкараз води 10:6 во триумфи. За Синер ова беше 24-та титула во кариерата.

Ирците се хит во завршницата од мундијалските квалификации и јунаци. Во последните две кола ја добија Португалија дома, па Унгарија на гости. Тоа се 6 бода, кои им беа потребни за бараж за СП 2026. Погледнете што се случуваше во паб на аеродромот во Даблин. Не им се веруваше.

Унгарците долго ќе жалат за пропуштената шанса да играат бараж. На Светско не биле од Мексико 86-та. Им требаше само реми со Република Ирска од која загубија со гол во 96-та. На 5 минути до крајот, Собослаи пропушти голема прилика за гол.

ДР Конго и Нигерија одиграа натпревар кој го одлучи патникот во меѓуконтиненталниот бараж за Светско првенство. По нерешениот резултат 1-1 во основното време и продолженијата, се премина на пенали а таму домаќинот ДР Конго славеше 4:3. Селекторот на Нигерија Ерик Шелие изнел чудни обвинувања на сметки на Конгоанците.

Италија за првпат од далечната 1983-та година изгубила домашен натпревар со најмалку 3 примени гола, а за првпат по 1955-та примила 4 гола дома. Тоа им го приредија Норвешка со Ерлинг Халанд и другарите кои одиграа маестрални квалификации и конечно после цели 28 години ќе играат на Светско првенство! Италија - Норвешка 1-4. Слушајте го норвешкиот коментатор на државната телевизија.

Мундијалските квалификации донесоа драма и пол во групата Ф, каде Ирска покажа дека нема отпишани, се додека постојат шанси. Аеродромот во Даблин за момент го прекрстија во Трој Парот.

Пред полни трибини на „Сан Сиро“ Италија предводена од Џенаро Гатузо изгуби 1-4 од лидерот на табела Норвешка која оди на Светско првенство првпат после 1998-ма во голем стил. Аѕурите сега се во баражот каде е и Македонија.

Најдраматичната завршница во мундијалските квалификации се случи во Ф групата. Отпишаната Ирска, ја разби теоријата дека во фудбалот секогаш победуваат фаворитите.

Во најинтересниот натпревар на вечерта во НБА, ЛА Лејкерс го растурија Милвоки Бакс 119:95 во уште еден дуел кој го обележа Лука Дончиќ со врвен настап.

Фудбалерка на Бодо Глимт, го изведе најдиректното и најнамерното играње со рака што сме го виделе, на натпревар од норвешката лига. Каква божја рака, типкава во Гордана Нацева се претвори.

За Никола Јокиќ, кошарката е едноставна игра. Тој и кога нема ден, стигнува до трипл-дабл, како што беше ноќеска на мечот против Минесота, на кој настапи со здравствен проблем.

Сте чуле или можеби, сте се пробале ли во Skyrunning? Форма на планинско трчање што се одвива на ниски, средни и високи, планински терени. Имаме девојка која гази во овој спорт.

Се игра 97-ма минута. Шанса за едните, па шанса за другите. Ма што има да опишуваме. Слушајте ја страста на коментаторот и гледајте што се случува на трибини, на уште незавршен натпревар. Само кај нив го има ова. ПРАЗНИК.

Франција синоќа ја совлада Украина со 4:0, а Мбапе даде два гола и стигна до голема бројка од 400 погодоци во кариерата. 400 до 26 годишна возраст, страшно. Најмлад на кој му успеало тоа после Пеле. 345 му се за клуб: Монако 27, ПСЖ 235, Реал Мадрид 62 и уште 55 за Франција.

Норвешка ја декласираше Естонија со 4:1 и со тоа го завери учеството на СП 2026, прво после 1998-ма. Халанд даде два комада, а за успехот ја частеше репрезентација 70 бургери. И тоа не пратил некој, туку бил лично да ги купи со уште двајца од стручен штаб. Според бројот, значи ќе има репете за секој.

Долгогодишниот претседател на Шпанската кралска фудбалска федерација Луис Рубиалес имаше неславен крај. Иако беше дел од многу успеси на шпанските репрезентации, тој при едно честитање на освоен пехар на женската репрезентација ја бакнал фудбалерката Џени Ермосо поради што му скокна целата шпанска јавност, УЕФА и ФИФА. Го избркаа од работа. Сега уште е на удар на јавноста.

Тренерот на шпанска Валенсија Педро Мартинез ја одржал рекордно најкратката прес-конференција во Евролига. По дуелот меѓу Париз и Валенсија на кој гостите имаа +7 поени предност на три минути до крајот а домаќините направија серија 11-0 и победија, тренерот на Валенсија дошол пред празна сала каде едвај дали имало неколку новинари. Седнал на стол и рекол: „Овде? Резултатот е 90:86“ станал и си отишол.

Во едно големо дерби Рома - Милан во сезоната 2021/2022 росонерите славеа 1-2 со головите на Златан Ибрахимовиќ во 25-та минута од слободен удар и Франк Кеси во 57-ма од пенал. Кога судијата досуди слободен за гостите, околу топката се вртеле Златан Ибрахимовиќ и Исмаил Бенансер. Вториов му рекол: 'Дај ми да шутирам, вчера од оваа позиција дадов два гола на тренинг'. Ибра му одговорил: 'Ти шутирај си на тренинг, ја ќе шутирам на натпревар'.

ФИФА го отвори гласањето за Пушкаш наградата. Има 11 кандидати, а голот на годината се бира за периодот 11 август 2024 - 2 август 2025. Изборот е силен.

Дел од навивачите на Португалија, не го прифатија добро поразот на гостување против Ирска. Бернардо Силва и Рубен Диаз беа најнервозни од нивните реакции, па се објаснуваа со поединци кои отпатуваа во Даблин. Жоао Феликс се обиде да го спречи Силва, ама не успеа.

Пред натпреварот со Република Ирска во Даблин од квалификациите за Светско, Кристијано Роналдо изјави дека ќе се труди да биде „добро момче“ за да ја држи поддршката од ирските навивачи зад себе. После мечот стана омразен од Ирците речиси еднакво како Тиери Анри.

Србија не оди на Светско, откако загуби на Вембли од Англија, а Албанија со триумфот над Андора обезбеди бараж. Ама кога имаш сонародник со 7 пехари на Вимблдон, таму ќе ти оди паметот.

Претпоследното коло во мундијалските квалификации ги разјасни дилемите во групата К. Англија ја доби Србија со 2:0 и ја обезбеди лидерската позиција во групата. Албанија ја оправда фаворитската улога против Андора и обезбеди бараж. Наследникот на Пикси, Вељко Пауновиќ мора да се задоволи со трето место.