Фудбалерот од Гана Емануел Фримпонг е 99. случај на дискриминација во рускиот фудбал во последниве две години. На дуелот меѓу ЦСКА Москва и Уфа беше исклучен откако врати на провокацијата на навивачите на кои им смета што е црнец. Сега за него ќе има суспензија од неколку меча, а кој ќе ги доведе во ред навивачите во земјата кој е следен домаќин на Светско првенство?

И покрај неуспехот во 2. коло каде испадна од АПОЕЛ, македонскиот шампион ќе инкасира 550.000 евра колку што дава УЕФА за оваа рунда квалификации за Лига на шампиони.

На западната трибина за време на вчерашниот квалификациски дуел меѓу Вардар и Апоел, домашните навивачи извадија голем провокативен транспарент. Преку сајтот vardarfans објаснија дека идејата им е од една сцена од македонскиот филм Тетовирање каде еден од ликовите бил Грк и хомосексуалец.

Гонзало Игуаин одмора на Ибица со Езекиел Лавеци, но едно излегување им преседнало, откако некој минувач му побарал автограм на Игуаин. Напаѓачот одбил да се потпише, по што дечкото му пререкол дека не знае да шутира пенали.

Политичката опозиција во Габон го обвини Аргентинецот дека не покажал доволно почит за стандардите и принципите на оваа земја, чијшто претседател на Меси му дал 3,5 милиони евра да дојде во посета. Лионел негира дека добил пари.

На денешен ден пред точно 68 години се роди великанот со најмногу титули во македонскиот фудбал. Клуб со име Вардар во Скопје имало уште во 1911 година и се викал Вардар Топаана, но денешниот е формиран на 22 јули 1947, а го создале спортските друштва Македонија и Победа.

На само 45 дена пред почеткот на Европското првенство во кошарка, македонската кошаркарска федерација реши да ја прекине соработката со Србинот Александар Џикиќ.

Тежи 101 килограм и со 33 години важи за најдобриот напаѓач во англиската Лига еден. Лани постигна 15 голови на 52 настапи за Вимблдон, а сега ги повикува навивачите да одберат како би сакале да изгледа прославата на неговиот гол. Акинфенва нуди три опции.

Ем научил на шпански како да го замоли да не оди од Манчестер во Реал, ем му ја пушти омилената песна на шпанскиот голман Давид Де Хеа.

Навивачката група Комити на два часа пред мечот тргна по својата препознатлива рута од Соборниот храм до паркот пред арената Филип Втори каде се загреваа со песни за важниот меч на Вардар на кој му недостасуваше само гол за пласман во следното коло.

Во Турција е традиција новиот фудбалер во клубот да биде пречекан во делириум уште на аеродромот. Португалецот Рикардо Кварезма по втор пат се врати во Бешикташ, каде му простија многу гревови од минатото.

Тренерот на Вардар темпераментно одговараше на новинарските прашања по мечот со АПОЕЛ и изјави дека се брани и еден Јувентус, а не само актуелниот македонски шампион.

Вардарци вечерва имаа ветер од над 20.000 гледачи, одлична поддршка и позитивен резултат од првиот меч, но не успеаа да го минат кипарскиот АПОЕЛ кој со 1-1 оди на данскиот Митјиланд.

Гостите од Кипар влегоа во судир со редарите и полицијата откако на околу половина час пред почетокот на мечот извадија грчко и српско знаме. Туркањата почнаа откако службите за безбедност одлучија да им ги одземат.

Во зимскиот преоден рок 1978-ма еден од најдобрите фудбалери во историјата потпиша за Интер. Го плаќаа уште додека играше за друг клуб, но спортскиот директор помеша два поими „натпревар“ и „станица“. Потоа му го загубија трагот и го видоа со дрес на Јувентус.

Аргентинецот Ману Џинобили го потпиша петтиот договор по ред со Спарс, франшиза во која игра веќе 14 сезони. Следната година веројатно ќе биде последна во кариерата на фантастичниот Ману.

Минатата недела во Рио де Жанеиро се играше Светската лига во одбојка која што ја освои Франција, но поенот на месецот дојде од Панамериканските игри и мечот Канада - Мексико.

Партизан попладнево од 14:30 игра реванш од 2. коло во квалификациите за ЛШ, а РТС не обезбедил пренос од мечот, по што навивачите на белградскиот клуб решија да се посмеат со ХРТ.

Рома и Манчестер Сити играат пријателски меч во Австралија. Најскапото засилување на Манчестер Сити од 49 милиони фунти ја начна мрежата од контра уште во 3 минута, а одговорот на римјаните стигнаа по 5 минути со неодбранлив проектил. Во второ полувреме 18 годишниот Нигериец Келечи Иначо ја врати предноста, а Рома повторни врати на атрактивен начин преку Љаиќ.

Еден месец по скандалот на мечот Хрватска - Италија во Сплит, на стадионот Пољуд се покри делот од теренот каде имаше исцртан фашистички кукаст крст, а сплитската полиција објави видео на кое се гледаат сторителите на ова дело. Хрватска во четврток ќе ја дознае казната од УЕФА, а им се заканува и исфрлање од ЕП2016 во Франција.

Малолетни фудбалери од западна Африка се пренесуваат во Азија каде потпишуваат договори и веруваат дека ќе заработат поголем трансфер, а живеат во мизерни услови без никаква заработка и дозвола за престој.