Баерн Минхен убедливо со 3:0 ја збриша Херта и стигна до 4 од 4 во Бундеслигата. Резултатот го отвори Франк Рибери во 16 минута откако ги измрда своите чувари со стар, ама добар дриблинг кој уште пали.

Нов гол и нови бодови на Палермо во Серија А благодарение на одличниот Илија Несторовски. Македонскиот репрезентативец минатото коло го спаси својот тим од пораз, а овој пат му донесе 3 драгоцени бодови на гости против Аталанта со атрактивен потег во 89 минута. На повидок ли е нова македонска ѕвезда во италијанското првентво која му ја носи првата првенствена победа на Палермо?

Влијанието на рускиот претседател Владимир Путин лежи зад приказната со трансферот на Аршавин во Арсенал кој за Русинот морал да плати 15 милиони фунти, двојно повеќе отколку што бил спремен да плати.

И покрај тоа што се постари, битно се искусни, познати, играчи со реноме. Но никој не ги донесе за време на летниот трансфер период, а немаше ништо да загуби, можеше само да добие. Се работи за слободни агенти.

Македонија конкурираше да биде меѓу градовите домаќини на ЕП 2020 кое ќе се игра во 13 различни земји, но УЕФА одлучи за сега да останеме само на европскиот Супер Куп следната година.

Една од оние сцени во Премиер лигата во време кога парите не беа до толку во прв план како што е сега со Арапи и Руси. Кошкањето почнува со Виера и Кин, ги двојат Бекам и Беркгамп, а се вмешува Јап Стам. Колку само тежина има видеово со овие за жал веќе поранешни фудбалери.

Натаниел Чалоба после четири години и осум месеци ашкање на шест позајмици, синоќа во Купот против Лестер конечно дебитираше за Челси, клубот со кој го потпиша првиот професионален договор.

Видад Казабланка е фудбалски клуб од Мароко кој не е страшно и да не го знаете. Не е дека во кладилница ја барате нивната лига за типување. Но мора да ги упознаете нивните навивачи по кои тимот е познат во Африка. Се викаат „Winners“ и името одлично им стои особено кога ќе ги чуете колку се добри. Велат најголем спектакл правеле на дербито против ривалите Раја Казабланка.

Нова дилема во оние мистериозни приказни кои обично доаѓаат од Африка и каде спорна е возраста на фудбалерите. Ако овој има 23 години, тогаш Наџмедин Мемеди и Љупчо Марковски уште играат за македонска репрезентација. Нели е така?

На семинарот „Љубов и мир“ посветен на медитацијата и јогата, присуствуваше и најдобриот светски тенисер Ѓоковиќ кој одржа краток говор за тоа колку него лично му помага медитативниот процес.

Ако ве интересира што се случува со кариерата на поранешната ѕвезда на Барселона, сега ќе дознаете. Се наоѓа во Андора, земја која може целосно да се испразни ако сите нивни жители се појават на Камп Ноу на ист натпревар.

Грчкиот репрезентативец со нигериско потекло, Јанис Антетокумпо го продолжи договорот со Милвоки Бакс според кои ќе заработи 100 милиони долари во следните четири години.

Нотингем Форест дома прими четири парчиња од Арсенал во Лига Купот, ама од првиот не може уште да се освести. Се работи за швајцарски проектил во изведба на 23 годишниот Гранит Џака за кој Топџиите на Борусија Менхенгладбах и платија 30 милиони фунти.

На Данецот Давид Нилсен на градското дерби меѓу Брондби и Копенхаген му се случила незгода која на крајот се испоставило дека му го спасила животот поради што е благодарен на сите кои му се нашле во тој момент.

Најголема љубов во детството на Ѕола биле фудбалскиот клуб Каљари и сладоледот од ванила, кој можел да го јаде со килограми. Пред 13 години ги одби милионите на Роман Абрамович за нов договор и реши да се врати во својот крај, каде што ја заврши славната кариера.

Трофејниот клуб АИК од Стокхолм реши на почетокот од мечот против Гефле, наместо стандарниот декор со децата, играчите на терен да излезат со највозрасните членови на клубот кои уживаа во привилегијата. Замислете дека 86-годишниот легендарен претседател на УЕФА, Ленард Јохансон беше најмлад во колоната со 11 пензионери.

И покрај тоа што има имот толку колку што очекувате дека има со тие пари кои ги заработува, сепак на Златан Ибрахимовиќ не му е проблем да плаќа кирија од 20.000 евра откако игра за Јунајтед. Во Париз плаќаше 30.000.

Кога од една страна ги имаме Бокшиќ и Салас, а од другата Шевченко и Веа, тогаш зборуваме за најносталгичното време на италијанскиот фудбал. Немаше потреба од барање место по кафулиња или да ти сецка некој стрим како сега. Имаше по три, четири, а потоа и по пет тв преноси секое коло.

Во Албанија се играше квалификациски турнир за пласман на младинското Европско првенство за жени и настапија Албанија, Кипар, Србија и Шкотска. Шкотланѓанките не го одиграле мечот против Србија поради мамурлак.

На 20 септември 2006. година, пред точно една деценија, тогашниот фудбалер на Ливерпул Чаби Алонсо го постигна еден од најлудите голови во клупската историја на „Црвените“. На меч од Премиерлигата против Њукасл, Шпанецот со шут од својата половина го матираше гостинскиот голман.

Сезоната 2002/2003 беше сезона на италијанските екипи кои играа финале во ЛШ на Олд Трафорд. Милан беше подобар од Јуве на пенали. Паралелно во ЛЕ се прочу името на Мурињо кој со Порто стана шампион. Тоа беше сезоната кога дриблинзите на тинејџерот Роналдо за прв се видоа на меѓународна сцена. И ете до каде стигна.

Минатата сабота сараевскиот Жељезничар одигра само 0-0 на гостувањето кај Младост, а поради таквиот епилог на еден нивен навивач му се слошило по што викнал Брза помош која што ја чекал цел саат. На крај решил да им покаже како се работи.

Жозе Мурињо не доживеал три порази по ред цели 10 години, а сега ги претрпе во осум дена со што се истури студена вода врз неговиот ентузијазам со кој влезе во сезоната.

„Јас не знам каде оди фудбалот во БиХ“, изјави тренерот на гостинскиот тим Широки кој загуби на гости од Радник Бјелина со 2:1 од пенал во 93-та. А пеналот не би го досудил ни камен пијан судија.