Младиот голман на Кјелце, Милош Валач уште не е свесен дали сонува или игра со неговите идоли. На 16 години дебитираше во ЛШ и успеа да му одбрани пенал на Рајн Некар за огромно воодушевување на сите во салата. Гостите поради бојкот кон ЕХФ играа со младинци и загубија 41:17.

Светското првенство во Русија почнува на 14. јуни а еден од новите стадионите уште не е готов поради што ФИФА праќа мониторинг служби а Путин ги опоменува локалните градоначалници.

Легендарниот шпански голман на Реал Мадрид и Валенсија се соочи со огромна трагедија откако неговиот син почина од рак на 5 годишна возраст.

Тука има едно 15 стартови не за црвен, туку за во затвор, освен оној кој ќе се истепа со калта. Па овде гледач да си ќе те здоболи.

За шест дена ќе наполни 32 години, а ако го држи телото како мозокот тогаш ќе цепа како Малдини до 40. Сè што ќе одигра Серхио Рамос во одбрана му е промислено. Цврст е како карпа, има одлична антиципација и предвреме ги предвидува акциите на противникот. Компилација за почит само од дуелот против ПСЖ.

Кога губиш 2 поени разлика и застанеш на слободни фрлања на крај на мечот ти преостанува да ги погодиш двете за да се избориш за продолженија. Арно ама Паулињо Борачини од Бразил го промаши првото и успеа да му донесе победа на својот тим. Епа како? Епа така. 

Од следната сезона стапуваат во сила новите правила во Лига на шампиони од кои бенефит ќе имаат четирите првопласираните екипи од најдобрите четири европски лиги. Има три опции од Серија А да учествуваат 5 клубови во следната сезона од ЛШ.

Најпознатите филмови за навивачи во Англија често земале инспирација од ликот на Џејмс Бенон, човек кој цели три години работел како таен агент меѓу хулиганите за што морал да се однесува каков нив. Во еден момент многу ја засакал дружбата, но служба е служба.

Најбрзиот светски спринтер кој умре од желба да заигра фудбал го одржа првиот тренинг со Борусија Дортмунд. Не се знае што ќе излезе од неговата проба и дали е ова само некој маркетиншки трик на Пума кој му е спонзор и нему и на Борусија, но од првиот тренинг се гледа дека тој не е десно сметало. Како ја смести рутински, како стварно да е фудбалер.

Ако ви е до гледање пријателски петочно имате да бирате еден тон, бидејќи денеска на програмата има дури 25 средби. Први почнаа Уругвајците кои водат на полувреме со Чешка 2:0. Кавани си е Кавани.

Од првенство до првенство, легендарниот албум за сликички "Panini" ги изненадува своите верни следбеници со поскапувањето не само во регионов, туку и во целиот свет.

Заир беше првата африканска земја која се пласираше на Мундијалот 1974. Една од нивните ѕвезди по име Муламба доби црвен картон по грешка, а ФИФА го суспендираше на една година. Потоа му се случија многу пострашни работи и сега едвај преживува.

Дедо е дедо. И да те носи на фудбал и да те зема од школо и да те чува, но и до крај да верува во тебе. Таков е случајот со најголемото изненадување во англиската репрезентација, Луис Кук.

Фабрика Карпош, Халк Банка и Џонсон Мети славеа победи во третиот ден од 16. коло во Бизнис лигата на Македонија.

Последниот од низата фудбалери кој е обвинет дека не плаќа данок е Чаби Алонсо. На шпански новинар и колумнист му текнало да состави како би изгледал најдобриот и најмоќниот тим на 11 играчи ако навистина беа во затвор за ова кривично дело. Во самица да им играш ќе те здробат 10:0.

Полската Екстракласа влегува во самата завршница - плејофот во кој ќе се разигрува за титула, европкупови и опстанок во лигата. Најсериозни кандидати за титулата се Јагелонија, Легија и Лех. Сезонава имаше многу јаки голови таму, ама и комични ситуации.

Икарди, Дибала, Мертенс, Игуаин, Џеко. Најквалитетните голгетери во Серија А не можат сезонава со гол машината на Лацио кој руши рекорди и го држи тронот со 24 гола. Во Европа е петти стрелец на сите натпреварувања со 34 комада и само три гола зад Кристијано Роналдо.

Фудбалската династија Алонсо го има и третиот претставник кој ќе го носи дресот на репрезентацијата - Маркос Алонсо, левиот бек на Челси којшто доби повик од селекторот на Фуријата, Лопетеги.

И новиот селектор на Италија Џиџи Ди Бјаџо, исто како и неговиот претходник Вентура не се решава на список да го стави напаѓачот кој држи добра форма и има поголемо меѓународно искуство од сите во тимот. Исправна ли му е одлуката?

Важеше за расен стрелец на Јунајтед каде остави голем белег и за 5 сезони постигна вкупно 150 гола. Го паметиме како гол машина која одлично се градеше и царуваше во шеснаесетникот. Но пред точно 15 години против Фулам направи исклучок со ова ремек дело.

Славниот Гарбиел Омар Батистута имаше тешки кризи после завршувањето на кариерата до толку сериозни што размислуваше за ампутирање на нозете. Но поранешниот напаѓач на Рома се врати на старо место после 15 години и повторно заигра фудбал.

Има само 20 години, умее да шутира и со лева и со десна како Хари Кејн, а Хернан Креспо веќе го споредува со Серхио Агуеро. Во таа пеколна конкуренција на напаѓачи кои ги предводи Меси, ќе има можност да се покаже на пријателските средби против Италија и Шпанија.

Еден на еден во ринг се пробаа лидерите на најхулиганските групи во Бугарија - водачот на Animals на ЦСКА Софија и водачот на Левски. Причина за тоа беше паролата на големото софиско дерби минатиот викенд.

Она што го слушаме како на касета секогаш кога на Балканов ќе се случи курцшлус на некој спортски настан, дека ако истото дело го направиш на Островот ќе кркаш минимум парична а максимум затворска казна - не е мит.