За циркус пред камерите во Премиер лигата обично е задолжен Јирген Клоп, ама и темпераментниот Антонио Конте покажа талент за правење смејурии со помош на жена му.

Во Серија А изгледа ништо не е готово. Наполи одигра прошло коло реми со Милан, ама сега пак Јуве направи скроз неочекуван кикс на гости против Кротоне, а Наполитанците два пати губеа и на крај го совладаа Удинезе со 4:2. Следно коло: Јувентус - Наполи. Јуве 85 бода, Наполи 81.

АЕК Атина ја игра можеби најдобрата сезона во клупската историја. На пат се до титулата во грчката лига после цели 24 години а вечерва обезбедија и пласман во финале на Купот со страшен гол на Лазарос Кристодолопулос.

Откако одигра без голови со Милан и Аталанта, а меѓу тие два меча загуби од Торино, Интер синоќа го забележа првиот триумф во месец април. Ако некој го гледал мечов нека ни објасни што е работава. Пијани дошле овие од Каљари?

Кога ќе се погледне табелата во Лига 1, 10 места подолу и 45 бода зад богатиот Пари Сен Жермен ќе го најдете најскромниот клуб во француската прва лига.

Селекторот на Македонија не мирува во периодот кога нема репрезентативни обврски, туку освојува титули и тоа убедливо без да дозволи некој да го победи.

Толку мал, а веќе зрел. Има само 13 години на кои дете на таа возраст сигурно едвај чека да даде гол и да се направи фраер во маало, ама на Николо на прво место му е правдата, за која може да им предава на оние кои играат со иле. Треба за првенец во генерација да го прогласат.

Од шампионскиот состав кој во 2013-та ја освои титулата и ја најави хегемонијата на клубот од Париз, денес се останати само уште голманот Алфонс Ареола, Хавиер Пастор и Тиаго Силва.

Иако ние немаме западњачки менталитет и чекаме до 5 до 12, сепак кога е во прашање актуелниот шампион во Европа, друг е муабетот. Вардар го пречекува Кил за 11 дена, а карти за седење веќе нема.

Во морето залижани, намазани, нашминкани и разгалени стопери, денес е тешко да се најде некој каков што беше Французинот Лилиан Турам, бескомпромисниот борец. Одигра 142 натпревари и постигна само 2 гола за Франција - ама 2 најважни во неговата кариера.

Не е ниту осмина, ниту четврт, ниту полуфинале, а ниту финале, а туку само еден обичен тренинг на Фламенго пред меч од групна фаза во Копа Либертадорес против Санта Фе. Значи да се разбереме тренинг со 50.000 навивачи, а не натпревар. А ако станат шампони што ќе направат? Веројатно уште 50.000 на кров ќе се качат.

Валверде реши на терен од прва минута против Селта Виго да пушти една Барселона без играч од сопствената академија, нешто што не се случило уште од далечното гостување во Баскија пред цели 16 години.

Италијанската страст за фудбал не познава граници. Стотици навивачи на Рома направија редици кои траат 36 часа, само за да го бодрат својот тим на Олимпико, местото на кое ја урнаа непобедливата Барселона во четвртфиналето од ЛШ.

Во Кина навивачите се зафркаваат на сметка на килажата на голманот на Шангај Шенхуа, Џиу Шенгџијонг а се појавило дури и првото меме во историјата на кинескиот фудбал со таткото на свињчето Пепа (детски цртан).

Навивач му влага со камера на Видал со следниот муабет: Најдобриот играч во историјата на Чиле...Видал се потсмевнува и добива одговор по кој го снемува од кадар.

Првото прашање кое си го поставија фановите на Ибрахимовиќ кога Шведска ја урна големата Италија во баражот за СП беше дали кам бек во репрезентација ќе направи нивната најголема ѕвезда и најдобар стрелец со 62 гола кој се повлече во 2016-та. Златан гостуваше кај Џими Кимел, му кажа што значи во превод неговото име на балкански и го потврди учеството на СП Русија 2018.

Како тргнала работава уште малку после ова ќе им даваат да си отвораат Фејсбук и Инстаграм на сред натпевар. Управата на Интер реши фудбалерите на овој клуб вечерва против Каљари да играат со имињата на нивните Твитер профили на дресовите.

Помина една недела од најозборуваниот пенал во Лигата на шампионите, ама јавноста во Италија не мирува. Тие што не го сакаат Јуве, Мајкл Оливер ги спои на едно место. Едни му извадија душа за контроверзната одлука, а овие другиве го слават на големо со денови.

Мада фудбалот на Мурињо е таков што те фаќа дремка после 12-та минута.

„Не живеев, јас преживував“, вели Франсис Нгану, борецот од Камерун кој во рана младост изморен од каменоломот, решава да ризикува и да се проба во Париз од каде стигнува до врвот.

Откако Баерн, Сити и ПСЖ ја освоија титулата, а прашање на време е само кога ќе го стори тоа и Барса, единствената каква таква неизвесност остана во Серија А. Како стојат работите Наполитанците имаат речиси невозможна мисија.

Не е скриена камера. Ова е Стеауа Букурешт, ама не FCSB на контроверзнот Џиџи Бекали која играше во ЛЕ, туку онаа вистинската која испадна во четврта лига поради финансиски колапс и која ја бодрат вистинските ултраси на клубот. Да се наежи човек.

Пабло Ернандез, Саму Саиз, Тоби Није и Кемар Руфи се конкурентите на нашиот репрезентативец Езџан Алиоски за признанието најдобар играч на сезоната во Лидс Јунајтед. Популарниот Џани е меѓу милениците на навивачите.

Атлетик Билбао изгуби минатиот викенд од давеникот Депортиво Ла Коруња 2:3 во 32. коло од шпанското првенство. Вториот гол за домаќините го даде Маркел Сусаета - директно од корнер.