- Дмитро Хориха, поранешниот ракометар на Вардар, официјално доби право да настапува за македонската ракометна репрезентација и ќе му биде на располагање на селекторот Кирил Лазаров.
- Украинскиот лев бек пред еден месец доби македонски пасош, а сега е завршена и постапката за стекнување право за настап во националниот тим.
- Хориха добро го познава македонскиот ракомет преку настапите за Вардар минатите две сезони. Неговите квалитети во нападот и искуството од настапите на клупската сцена би можеле да бидат дополнителен адут за македонската репрезентација.
- За две недели претстојат квалификации за ЕП 2028 на кои Македонија е во група со Луксембург, Грција и Шведска.
- Бразилецот во дресот на Реал Мадрид Винисиус Жуниор е суспендиран од дисциплинскиот комитет на Шпанската кралска фудбалска федерација поради црвениот картон кој го доби на 11-ти октомври.
- На средбата против Виљареал во Ла Лига, Винисиус во една контра го повлече насилно за коса противничкиот фудбалер Натан Салиба и доби црвен картон по прегледување ВАР од судијата Исидро Дијаз де Мера.
- Винисиус протестираше но залудно. Сега ќе пропушти 4 натпревари меѓу кои и Ел Класико против Барселона на 26-ти октомври.
- 33-годишниот Златко Трипиќ кој е роден во Ријека но од '90-те години со неговите се преселил во Норвешка, целата своја кариера ја поминува во Скандинавија, со мали излети во Гројтер Фурт во Германија и Ѓезтепе во Турција.
- Тој е најзаслужен што Викинг влезе во Лига на шампиони затоа што даде гол против Динамо Загреб во плејофот за пласман во елитното друштво и ги исфрли „модрите“ со неколку асистенции во двата натпревари.
- Против Баерн Минхен синоќа намести два гола и го „намести“ Мајкл Олисе да добие црвен картон зошто Французинот испровоциран го удри со топка во лице откако веќе секунда претходно доби прв жолт картон.
- „Трипиќ играше како расипник! Сакаше да победи по секоја цена, наседнавме на неговите провокации и за жал го доби тоа што го сакаше. Дали клубот ќе го казни Олисе? Ќе видиме, ќе разговараме кога ќе се оладат главите“, вели Макс Еберл спортскиот директор на Баерн Минхен.
- А Хари Кејн за Трипиќ рекол „дека е лукав играч кој сака да се влечка по теренот и да троши време“.
- „Така кажал? Супер! И тој е неверојатен во сето тоа и знае колку лукавство е потребно. Успеавме да му влеземе под кожа на Олисе. Кога го исклучија повеќето играчи на Баерн почнаа да ми викаат и да ми пцујат се по список. После сè што се случи не се усудив да влезам во нивната соблекувална да побарам дрес. Сјајно е што таков играч кој еден ден сигурно ќе ја освои Златната топка, се нервира поради дечко од Офтебро и Лингдал“, вели Златко Трипиќ кој се гордее како ги навлекол и провоцирал Баварците.
