Италијанските клубови кога ангажираат луѓе за читање на составите, гледаат да одберат мотиватори во душа способни да и го кренат адреналинот на публиката. Интер има таков и кога нивниот главен играч ќе даде гол, преку 70.000 гледачи повторуваат по него. Погледнете го со колкава страст го работи ова.

Дани да Коста е десен бек на Ајнтрахт Франкфурт и најверојатно фудбалер со неостварена желба да биде новинар. На друг начин не знаеме да си го објасниме овој феномен, некој играч да сака сам да си поставува прашањата и сам да си ги одговара. 5-6 пати го изгледавме, се чудевме, се смеевме, а успеавме и да се снајдеме со превод од германски кој се надеваме дека ни е точен.

Дилемата е дали да добие жолт или црвен картон за ваквиот развој на настаните.

Лазарос Христодолуполус е единствениот фудбалер во грчкиот фудбал кој го облекувал дресот на најголемите грчки ривали. Роден е во Солун па играше за ПАОК, потоа за Панатинаикос, па го засакаа во АЕК и сега моментално е играч на Олимпијакос. Во април годинава даде страшен гол за АЕК со ножички во полуфинале на Куп, а синоќа за Олимпијакос против Дуделанж во Лига Европа (5:1) го повтори ремек-делото.

По поразот на домашен терен од Бетис, фудбалерите на Милан извадија 1:1 на реваншот во Шпанија, меч по кој Гатузо изгледа ќе треба да мава заушки. Погледне како Кеси му влезе несмасно на Мусакио, а што е најтрагично овој лежеше ко покосен и мораше да излезе од игра. На негово место во 82-ра минута влезе Ромањоли.

По пауза од 49 години Динамо Загреб се избори за нокаут фазата во Лига Европа, а тоа беше повод за лудо славје во соблекувална. На Фејсбук се јави и бегалецот Здравко Мамиќ кој им се заблагодаруваше и на куварките.

Аријан Адеми со Динамо Загреб е првиот патник од македонските претставници во нокаут фазата од ЛЕ. Елмас со Фенербахче и Ристовски со Спортинг се со една нога во следна фаза, а важна победа оствари и Николов со МОЛ Види. Елиминација на Тричковски со АЕК Ларнака.

Ракометарите на македонскиот вицешампион не успеаа со уште една победа да крунисаат добра игра во 7. коло од Лигата на шампионите против Спортинг од Лисабон - 24:31 (18:17).

Симпатичните поштапалици на сметка на Милан Павков, човекот кој до пред пар години играл по третолигашки калишта а во вторникот му даде два страшни гола на Ливерпул, продолжуваат. Група навивачи на Црвена звезда дознале кај живее и отишле да му пеат под прозор.

Знаете ли кога Манчестер Јунајтед последен пат успеал да добие натпревар во ЛШ со пресврт, односно со два комада во финишот. Статистиката не носи на еден епски натпревар на кој не ни дава душа да не се потсетиме колку и да е верглан.

Ако случајно не го следите, ќе ве потсетиме дека Алехандро Пато веќе втора сезона игра за Тианјин, а кинеската публика ужива во неговите голови. Со оваа неодбранлива индивидуална мајсторија 29 годишниот Бразилец стигна до гол број 15 сезонава на 21 меч.

Енис Барди не е било кој играч од шпанското првенство, туку ѕвезда споредувана со Меси во однос на способноста за проектили од слободен удар. Дечково игра „ФИФА 19“ со Ливерпул и во тим го става македонскиот репрезентативец. Како помина? Па збрца “само“ 5 комада, кој од кој поубави.

Човекот кој пред неколку дена постигна 50 поени на еден натпревар во НБА, синоќа поставил нов личен рекорд - 7 погодени тројки. Роуз во поразот од Лејкерс имаше 31 поен, три скока и пет асистенции.

Името Винсент Перикар веројатно не ви значи ништо и покрај тоа што во биографијата му стои дека бил член на Јувентус. Но тоа било само на хартија. Од играчка со другарите работава излегла плачка.

Фудбалот оди во крајност со цените на картите, па така на пример синоќа петардата на Реал Мадрид против Викторија Плзен во Чешка ја гледале стотина навивачи на „кралскиот клуб“ од сектор за кој платиле 84 евра а кој изгледа како затвор.

Во „Градски парк“ се одигра хуманитарен натпревар меѓу првиот тим предводен од Марин Докузовски и ветераните на Работнички кои на тренерската клупа ги водеше легендата Лазо Лечиќ. И на 79 години го тера истиот стил. Стручен, духовит и незаменлив лик.

Како што на времето постоеше анегдота дека Синиша Михајловиќ има страшно силен шут поради тоа што наводно правел по 2.000 стомачни сабајлечки, така и денес се плетат разни анегдоти околу стомачните на Кристијано Роналдо.

Хуан Мата е човекот кој го врати во игра Манчестер Јунајтед на торинскиот стадион „Алијанц“. Во 86’ минута, штотуку влезен од клупата за резерви, постигна преубав гол од слободен удар.

Ако некој денеска најде топка во Торино со знакот на ЛШ, нека ја врати на Алијанц. Се работи за загубена топка од мечот меѓу Јувентус и Манчестер Јунајтед која Ешли Јанг ја префрли преку стадион.

И покрај моќта, формата и стабилноста, Јувентус загуби натпревар на домашен терен во ЛШ и тоа по пауза од 2009-та, а му го нанесе Манчестер Јунајтед со два гола во последните 4 минути. Специјалниот не ја пропушти можноста да ги испровоцира навивачите на Јуве во свој стил, а потоа изјави дека тоа го направил бидејќи цел меч му го навредувале семејството и Интер.

Играше Јуве препознатлива игра, поведе со прекрасен гол на Роналдо и сè делуваше дека трите бода ќе останат во Торино, но во последните четири минути пред крај Јунајтед направи чудесен пресврт.

И во ситуација кога сакаш да бидеш неутрален и да не носиш проценки и суд, не можеш да не кажеш дека Серхио Рамос на моменти не е најголемо говедо во европскиот фудбал.

Сме гледале глуми на фудбалери подобри од професионални актери, ама вакво нешто уште не сме виделе. 24 минута од мечот Манчестер Сити - Шахтјор. Рахим Стерлинг се сопнува сам од земја а судијата свири пенал кој Габриел Жезус го реализира за 2:0.

Неколку дена пред гостувањето во Белград, фудбалскиот клуб Ливерпул се обратил до Партизан со барање да ги користат терените и сместувачкиот капацитет во нивниот модерен тренинг центар „Земунело“. Овие со широки раце прифатиле а кога Ливерпул дошол, на Јирген Клоп му дале дрес од Партизан со број 4 како алузија на четирите гола кој Ливерпул на „Енфилд“ ѝ ги даде на Црвена звезда - нивниот најголем ривал.