По многу реални проценки, Трамп и Нетанјаху имаат различни проекции околу нивната идиотска војна. Трамп би сакал да може да заврши што побргу (му доаѓаат избори, ако го изгуби Сенатот, толку од неговото шерифување) а Биби би сакал да трае до бескрај. Проф. Мершајмер вади занимлив детал: Трамп тајно му дозволил на Техеран да продава нафта (за да се држи цената под 100 долари) ама Нетанјаху намерно удри по најголемите гасни полиња во Иран. 

Мјуриел Евелин Клиз, мајката на Џон Клиз од Монти Пајтон, поживеа убав и долг живот, послан во 19-от и 20-оt век, за да почине на почетокот на новиот милениум, во 2.000 година, еден ден откако наполнила 101 година. Синот често ја спомнува во емисии но знаел да ја искористи и кога беше жива, а тој и дружината само што го биле снимиле филмот Житието на Брајан (1979).

Иранската стратегија во случај да биде нападнат од САД и Израел одамна беше позната. На Техеран му е јасно дека Америка e воено супериорен ама затоа може да ја запали чергата регионално, со блокада на теснецот и со напад на околните американски сојузници и нивните бази. Трамп сега демек се чуди што овие нападнале соседни земји. Вика, биле шокирани од тоа. А ние па му веруваме.

Воведени од 2022 а задолжителни од 2024 година, правилата на филмската Академија која го организира Оскарот велат дека во трка за најдобар филм НЕ МОЖЕ да се најде филм кој НЕ исполнува два од четирите услови поврзани со диверзитет и инклузивност (глумци, екипа и приказна). Што на расна и етничка основа, што на основа на „недоволно претставени“ групи. Да беше така последниве 80-тина години, ќе беа елиминирани легендарни филмови.

Потпирајќи се на сведоштвото од прва рака на доктор Пол Офит, своевремено цензурираниот Брет Вајнстин упорно ги прашува оние кои во меѓувреме сменија дрес во врска со ковид вакцините што мислат за тоа што Фаучи и сите главни играчи кои тврдеа дека природниот имунитет не е доволен туку ни требаат и вакцини и бустери (чии долгорочни нуспојави допрва се гледаат), ама тоа ѝ го премолчеа на јавноста жестоко напаѓајќи ги оние кои мислеа поинаку.

Во шоуто на Грем Нортон се раскажува вистинска случка неверојатно слична со приказната од филмот на Дарко Митревски. Не само што починала баба во една земја (Мозамбик) а редно било да ја вратат дома (во Јужна Африка), не само што било процедурален проблем да се префрли преку граница, не само што ја завиткале во килим, туку и кога минале граница, тркнале во првиот ресторан на пијачка, да смират нерви. А потоа, знаете што се случило.

Не му преку глава од самата ВИ туку од сите оние шупци што ја користат за глупи видевца за фејк воени ситуации, тепачки, приказни со миленичиња. За тоа ли се смисли таа прекрасна технологија бе абдали? Запамтете, ТОА е турбофолк. По дефиницијата на Рамбо Амадеус, турбофолк е културен феномен кога „примитивноста ја користи технологијата за да ги стимулира ниските инстикти на масите“.  

Што на прва може да ви текне за Марина Абрамовиќ? Пионерка на перформанс уметноста, легенда на современата сцена, храбра визионерка со спектакуларни, интерактивни и револуционерни дела кои ги преиспитуваат границите. Што на прва може да ви текне за Драгомир Деспиќ попознат како Десингерица? Сељачиште и ропак. Евентуално: тешко сељачиште и ропак. Ама, не сте свесни колку на слична фреквенција можат да бидат овие два света.

Приказната за младата и шармантна девојка од една американска недојдија од 700 жители во Тенеси е поучна по многу линии. Хали Велч преку ноќ стана популарна, преку ноќ стана богата, ја намирисаа преварамти, ја искористија нејзината популарност, луѓе изгубија животни заштеди а таа се повлече на неодредено. Сега е вратена, онаму кај што викаше дека никогаш нема да отиде.   

Руските мајтапџии го насамарија Реза Пахлави кој е изгорен на бел коњ да се врати во земјата од која во 1979 година избега неговиот татко. Му се претставиле како советници на Фридрих Мерц, едниот нив по име Адолф (ќе го видите) за да проверат дали е спремен да го пополни политичкиот вакуум во Иран. Епизодата со Заев нам сепак ниостанува најјака пошто на крај тие не му дигале телефон кога почнал да им досааѓа.

За Маванг знаеме само дека е од Индонезија. За песната пак, немаме идеја како е настаната, што е мотивот и слично. Да замислиме едно можно сценарио: Маванг изел нешто бајато тоест расипано. Почнало да му се гади, да му се бурботи во мешето. Сакал да го овековечи тоа чувство, иако немал баш готов текст. Нема врска, еве го чувството. 

„Храбриот“ Трамп уште нема сила да признае и да изрази жалење за оние кутри 165 (сто шеесет и пет!) ирански девојчиња на возраст од 7 до 12 години што загинаа во ракетен напад на нивното училиште. Подмолно, не еднаш туку двапати, за да се дотепаат оние кои преживеале и оние кои дошле да им помогнат. Ќе го прогонуваат ли тие нивни лица до крајот на животот? Не веруваме ама многу сакаме да е така.

Рамин Џавади (татко Иранец, мајка Германка) е роден во Дуизбург, Германија, со summa cum laude завршува музика на Беркли во Бостон, под менторство на Ханс Зимер. Ја потпишува музиката на Iron Man, Westworld, Pacific Rim и House of the Dragon, но најпозната му е онаа од Игра на троновите. Овојпат, со дополнително локализиран аранжман на Реза Саџади, изведен од девојки на удирачкиот инструмент даф. 

Да немавме и по дома вакви, ќе се чудевме. Во надеж дека ќе ја охрабри јавноста да застане зад војната на САД и Израел против неговата земја која треба да да му го расчисти патот до тронот на кој седеше татко му, Реза Пахлави ветува мед и млеко: за 10 до 15 години иранската економија ќе генерирала трилиони долари приходи за САД.

Два британски воени џета, авторитетно летаат над Кипар, покажувајќи ја нивната подготвеност да го бранат просторот по кој шпартаат. Нови, модерни, опремени со најнови технологии, совршено прецизно го параат небото над Кипар. Но, нивното снаоѓање во простор не е ништо во споредба со чувството за простор на камерманот кој ги снима.   

Иран ја имаа онаа идиотска „морална полиција“ која со бело-зелени комбиња шпарта по улици за со опомени и казни да ги спроведува строгите исламски правила за облекување и однесување, особено на жените. Но кога американски сенатор ќе ја претстави состојбата, на најамерикански можен начин (црно-бело), и на глуп човек му е јасно дека се работи за гола пропаганда која треба да ги оправда бесрамните потези на империјата. Гајле им е нив за жените во Иран.    

Марко Рубио деновиве објаснуваше дека Иран го водат верски лудаци. Хмм. Ја видовте онаа бизарна сцена од Белата куќа, кога верски лидери му ја праќаат силата на молитвите на Трамп кој седи и мижи, собирајќи ја енергијата небаре е Тор. Меѓу нив беше и Паула Вајт, особено опичена особа, евангелистичка проповедничка, духовна советничка и негова лична пасторка. „Да му кажеш не на Трамп е како да му кажеш не на Бога,“ ќе пресуди Вајт. Рубио, добар?  

GeoSpy AI е алатка базирана на вештачка интелигенција што ја открива местоположбата на една  фотографија преку анализа на нејзините визуелни елементи. Не зависи од ГПС метадата, од EXIF (Exchangeable Image File Format) дата, туку ги споредува карактеристиките на сликата со огромна база на географски податоци. Доволни ѝ се само пиксели.

„Тие ја поседуваат владата, политиката (демократите и републиканците), судскиот систем, образовниот систем, банките, федералните резерви, недвижностите, фармите, Холивуд, музиката, медиумите, спортот, големите фармацевтски компании, сè,“ вели Шерил „Салт“ Џејмс. Вика, го проучувам јас тоа со години ама човек не може да зборува бидејќи ќе го направат луд. 

Цел свет сабајлечки се буди за да види што ноќта спремил Доналд Трамп, ја коментира неговата непредвидливост хрватскиот професор Жарко Пуховски. Кај Трамп до неодамна беше добро што барем не ги криеше мотивите (во случајот со Венецуела отворено кажа дека се работи за нафтата), но сега и тој врти кон проверениот американски пропаганден наратив за човекови права и рушење на авторитарни режими. 

Да потсетиме на времињата кога Бенјамин Нетанјаху ги убедуваше Американците дека ако го скинат Садам Хусеин, тој ГАРАНТИРА дека тоа ќе има огромно позитивно влијание во регионот. „Позитивното влијание“ се виде во пола милион загинати, пет милиони раселени, хаос и политички вакуум кој го пополни ИСИС.

Поранешниот офицер за разузнавање на американската морнарица и главен инспектор за оружје на ООН беше на интервју кај Џорџ Галовеј. Оценува дека војната е изгубена откако се дрзнаа да го убијат ајатолахот, потег кој е сличен како да го убиеш Папата. За опис на Доналд Трамп искористи наслов од песна на Грин Деј. Знаете која.  

Војната во Иран е прва во која сме апсолутно преплавени од лажни видеа. До толку немаше ни за Газа, ни за Украина. Сега е поплава (а ќе станува бетер) за на крај на сопствените очи да не си веруваме. Дури и алатките за проверка на автентичноста не секогаш вршат работа. Грок вчера неколку пати се пишманеше за еден наводен ракетен напад во Тел Авив, на крај ја баталивме приказната.

Жесток спот на Иван Солунчев на исто толку жестоката и болно прецизна „Крив правец“ на ПКМ (Пупе Кељавиот од Мичурин), песна која удира во плексус и мава по јајца (оние кои уште ги имаат). Гневна а бескрајно тажна „крвна слика“ на македонската денешнина од која немоќта вреска во КАПС ЛОК. Топ(-)тан пропс за сите вклучени во овој хип-хоп.