Брус Спрингстин ги повикува Мамфорд енд санс на сцена, да му се придружат за Hungry Heart. А тие, ќе се помочаат од среќа. The Boss!

Тони и тони иронија и сеир има во овој искрен трејлер за блокбастерот Pacific Rim, инаку супериорен продукциски спектакл со - публиката би рекла who cares - багови во приказната.

Блех оркестарот на Универзитетот во Охајо, во чест на кралот на поп музиката, Мајкл Џексон. Мунвок? Секоја чест.

Мала компилација на американски политичари во ситуации кога некој од публиката ќе им падне во несвест. Штета што го немаме онесвестувањето на еден македонски снимател кога Киро Глигоров држеше маратонска беседа по што негов колега снимател (името познато на редакцијата) инстинктивно изреагира со зборовите: Идиот, ми ги еба каблите! 

Пред некое време на тронот беше Shit My Daddy Says а моментално за најјак татко на интернет важи BatDad. Многу заслужено. Ново пакетче од него.

Добра вест: децата веќе не мора да имаат уплав кога треба да одат на забар. Лоша вест: децата отсега ќе живеат во постојан уплав и дома. Се продава забарска бушилка за родителите кои во три лесни чекори (?) можат сами да им ги поправат забите на своите најмили. Што може да тргне на лошо?

Ако после овие 5 минути видео помислите: "Пфф, јас на тастатура можам побрзо", тогаш ок e, не сме се разбрале.

Откако Хулк онака најпрописно во историјата на филмското мавање му ги прераспореди коските во Авенџерс, на Локи му е лесно да биде размрдан. Том Хидлостон, он д денс флор.

Клемен Слакоња го знаете од серијата рекламни спотови за македонскиот туризам во кои како Стив Ирвин откриваше ендемски видови во Македонија. Овојпат има сосема друга мета - живописниот филозоф Славој Жижек. 

Ако некој сака да сними видевце а кубури и со пари и со луѓе, еве му неколку евтини трикчиња кои вршат работа.

Томас Алва Едисон имал енциклопедиско знаење и со текот на времето сè повеќе се фрустрирал од фактот дека за работа му се пријавуваат трупови со факултетски дипломи. За да го измери знаењето на кандидатите за работно место во неговата компанија, составил листа од 150 прашања.

Секогаш е убаво кога ќе се појави некоја вест која на уредникот ќе му даде шанса малку да го разведри дневникот и да покаже дека ете тој е пошармантен и подосетлив од она што остатокот има да го понуди. Одлична шанса за ова е веста дека Мајк Маерс (Остин Пауерс, Вејнс Ворлд) наскоро ќе стане татко.

Му ја прават на Џони Ноксвил, и не, нема никакво насилство, кршење коски или крв, туку само другарски чиста злоба. Брилијантно.

Дејвид Ли е професор на ФДУ во Алберта и е махер за акценти. За само две минути и неколку добри трикчиња (што телесни, што звучни), ја открива тајната како секој може да звучи надмено англиски, небаре е Лоренс Оливие или Џон Гилгуд.

Двајца дечки ја решаваат вечната ноќна мора на пивопијците со многу прост метод. Никакви хемии и лабораториски опреми. Ако нејќете да им го купите алатчето, работа ќе заврши и бор машина.

Решение за горечкиот проблем на објективно немање простор за нови споменици доаѓа од еден британски скулптор. Се разбира, предлогот треба да се приспособи на нашите услови пошто ако ставиме уште еден Чакаларов во Дојранско, само тоа газот на коњот ќе вири надвор.

За тие што ги гледаат Троновите, посебен момент ќе биде дијалогот на Џофри со Санса. Надвор од ова, фантастично монтиран муабет базиран на движењата на устите на актерите. Нормално, нема врска со серијата.

Додека некои педантно го читаат последниот извештај на Европската Комисија за Македонија, бараат финеси и суптилни пораки надевајќи се дека ТАМУ е вистината за тоа до каде сме стигнале, да си раскажеме ние една маалска приказна од Данска, за која имаме и видео извештај.

Слушатели на едно австралиско радио, го фаќаат во машина водителот и неверојатно организирано и упорно го реметат со еден единствен одговор на сите негови прашања. Секоја вечер! Не мора да се слуша до крај пошто е досадно, ама концептот држи.

Краток дијалог меѓу двајца генијалци. Се среќаваат Алберт Ајнштајн и Чарли Чаплин:

Дубаи? Да, тоа се облакодери, Бурџ Калифа, раст, прогрес, богатуни, гламур... А сега, за опачината: импозантна (нема да ви се верува!) колона од цистерни - говнаруши кои не успеваат да го испразнат секојдневниот "товар на напредокот" на Дубаи. Секоја сличност со скопските маала кои изминативе години набабрија во себе и каде секоја куќа стана зграда а цевките останаа со исти цолови... ќе ја видиме наскоро.

"Како да собереш телефон од девојка" е посебен жанр на интернет кој има десетици досетливи решенија. За следниов начин човек треба да биде или многу очаен или многу одважен. А во секој случај да биде оптимист, дека ќе налета на вака расположени жандари.