Извесна Анке Дудч (Anke Dudch) на Икс ќе напише: „Западен Балкан се лоши грди земји, лоши грди луѓе, ужасни грди јазици и култури. Со други зборови - тие се ќенефот на Европа, како муслиманска Албанија, Северна Македонија итн“.

Борис Буден e хрватски филозоф и публицист кој никогаш не вртел многу околу темите, но, како минуваат годините, станува сè поостар, попрецизен и подиректен. За оние кои сè уште имаат илузии за „градината“ која сакаат да ја нападнат варвари однадвор или не сакаат да го видат лицемерието на оние кои го водат стариот континент, еден час мастерклас со Буден.

Ух, колку горчливо вистинито видео за многу работи. На оваа тема може да се напише есеј или докторат (а и напишани се безброј) за политика, религија, социјална психологија, интернет, авторитети, идеологија... Погледнете ги овците и признајте си дека од некаде ви е познато сето ова.

Со години тапшани по рамо за идејата, на крајот на септември 2022 година, Владимир Зеленски, премиерот Денис Шмихал и првиот човек на Врховната Рада, Руслан Стфанчук, помпезно потпишаа апликација за забрзан прием на Украина во НАТО. Стотици илјади мртви, милиони бегалци и милијарди долари подоцна, после средбата со Трамп, генералниот секретар на НАТО им кажа - не бива тоа. Да, ништо не е готово.... освен за оние загинатите.

Вахтанг (Грузија) прави битбокс верзија на песната „I'm Only Human“ само што попат сфаќате дека тој е една третина човек, една третина робот, една третина електрична гитара. Некои тврдат дека е Десептикон од Трансформерс, некои дека е вонбрачно дете на Мегатрон и Оптоимус Прајм. Одамна некој нè нема вака здрмано.

Ако пред 40 години, музичари од бивша Југославија пееја за помош на гладните во Африка, сега пеат за помош на своите сограѓани од метастазираната болештина наречена кладилници и игри на среќа. Иницијатор на идејата е Александар Јаниќ Јана од Нови Сад, поранешен наркоман кој сфатил дека работата е отидена кога видел дека во тамошниот центар за рехабилитација сè повеќе доаѓаат зависници од таков тип.

Џон Гурдон на своето работно место ја чувал оценката на еден негов професор од студентски денови дека проектната задача која ја предал му е катастрофална и дека неговите научни амбиции се чисто губење време. Гудрон подоцна добива Нобелова награда за развојна биологија. - Како можел професорот толку да згреши? - го прашува водителката. - Сигурни ли сме дека згрешил?-  вели стариот шармер.

Постои златно правило: не прашувај ако не си спремен да го чуеш одговорот. На пример: таа го прашува мажот на нејзиниот живот дали би ја зачукал во фаца за милијарда долари. И што дозна? Дека тој би ѝ ја зачукал во фаца и за 40 долари. А дека за понудената милијарда би ја замавал со лопата за снег. Пред мајка ѝ.  

Мосахид од Катар има концепт (на Јутјуб, на Инстаграм) кој е глуп да поглуп не може да биде. Ама толку добро го има навежбано и толку добро го прави што е пишурија. Идејата е да постави прашање и после да ги прекинува. До бескрај. Таман ќе почне да му се одговара, Мосахид, со совршен тајминг, го сецка со истото или друго прашање. Притоа весељак е човекот, не е некој трујач. Само да видите како пиздат луѓе. 

Забораваме колку се напреднати визуелните ефекти и компјутерски генерираните слики во филмската индустрија па понекогаш им завидуваме на глумците на прекрасните пејсажи или раскошните ентериери во кои снимаат филмови. А тие седат на табуретки пред зелен чаршаф. Ни дворци виделе, ни море примирисале.

Пред да го урнисааат брендот (изгубија пет милијарди долари a пивото излезе од топ 10 најпродавани во Америка) ангажирајќи го транс-активистот и инфлуенсер Дилан Малвени за свое заштитно лице, Бад лајт имаше ефектни и супер забавни реклами. Оваа е од 2010 година, ја правеше агенцијата DDB

Советничката на Доналд Трамп, Алина Хаба, ја открива лажната Овална канцеларија од кадешто Џо Бајден се преправаше дека е претседател. Собата е како ТВ студио и е опремена со телепромптер (идиот) поставен директно пред него за да прочита тоа што му го напишале и помало биро од кое ќе си игра дека е прв човек на САД.

Снимале на бугарско пристаниште. Тој требал да вози камион и решил еднаш да се проба како ќе му оди, но, кочниците откажале и тој и камионетот се збуцале во водата (фатено на видео). Џејсон објаснува колку е тешко да се извадиш од кабина додека водата влегува внатре а Џими Фалон го прашува, се гледаше ли нешто во водата? На Статам му остана само да го го потсети како се вика бугарското море.   

По повод Меѓународниот ден на жената, Луис СиКеј потсети на едно од добрите парчиња на Бил Бур за неправдите на патријархатот поради кои мажите се повеќе платени од жените за истата работа. Секаде, па и во спортот. Во случајов во WNBA, тоест женската кошарка во Америка. Наравоучение: само вие гледајте Прекардашијанки и слични, па чудете се другиве што се мачат што не се добро платени. 

Британскиот крал Чарлс ќе ги сподели со јавноста песните што го исполнуваат со радост и со анегдоти ќе објасни зошто тие песни се „саундтрекот“ на неговиот живот. Плеј-листата ќе биде промовирана во специјалната емисија „Кралска музичка соба“ в понеделник наутро на радиото на Apple Music.

Чарлс Менсон. Лудакот кој со својата луда секта, ноќта меѓу 8 и 9 август 1969 година упаднаа во вила во Лос Анџелес и заклаа седум луѓе, меѓу кои и убавата Шерон Тејт (сопруга на Роман Полански), иако ги преколнувала да ја поштедат затоа што носи бебе. Албумот со 14 песни „Lie: The Love and Terror Cult“ го има снимено претходно а го објави на 6 март 1970, додека беше в затвор.  

Гувернерот на Калифорнија отвори подкаст и како прв гостин го викна конзервативниот инфлуенсер Чарли Кирк, што само по себе навестува дека Гавин Њусам гледа дека работата оди како што треба за либералите. Не само тоа, туку нагло сврти десно (Ѕинго: Испопадасмо!) со изјава дека не е фер транџи да влегуваат во женски спортови. Патем му се пожали дека ја губат медиумската војна, а Кирк му објасни една од причините.  

Една од страничните вештини која треба да ја поседува стендап комичар и секој што во живо има работа со публика е да истера муабет со тн хеклери, оние што се уфрлаат во неговата точка. Знаат тоа да бидат непријатни провокации но има и поинакви. Девојка од публиката го прашува дали е сингл. Тој ѝ вика, не сум јас дечко за тебе. Таа му враќа, и онака не си мој тип.... Така ли? Одиме до крај.  

Врз кантри пејачката Ингрид Андрес лани беше истурен гневот на јавноста и социјалните мрежи откако на еден важен безбол натпревар, пред полн стадион, ја испеја националната химна лошо, да полошо не може да биде. Брзо призна дека пеела ќора пијана а после резилот отишла на повеќемесечна рехабилитација и одвикнување од алкохол. Да се потсетиме на тој ушобол.

На саемот на технологија во Шпанија се појавила нова измислица која инстантно станува хит. PetPhone e уред кој на кучето му се става околу врат и овозможува двонасочна комуникација. Наводно можел да го шазам-не и протолкува лаењето и да ви дојави ако песот е вознемирен, гладен или осамен (??), па може да му се јавите и да го смирувате. Го прашале ли кучето дали му треба тоа.

Комарот е еден од најтешките пороци и облици на зависност. Еден тежок случај кој изгуби и фамилија и имање, ни викаше дека му е криво што наместо за коцка, не се фатил за дрога бидејќи од ова второво некогаш се умира па се спасуваат барем блиските. Понекогаш коцкарите ги чеша затоа што се убедени дека имаат чувство, интуиција, помош од горните инстанци....   

Сцедна со оние деца на онаа возраст кога се нема разбирачка со нив. Ти му викаш едно, тој прави друго. Ти му повторуваш дека тоа што го прави не е добро, тој упорно го прави баш тоа. Проблем. Но, секогаш кога постои проблем, постои и решение. Барем за (генијална) реклама.    

Како што жолто светло на семафор кај нас не значи исто како во остатокот на светот, да почнеш да кочиш туку скроз обратно (за да стигнеш не само ти, туку уште бар две-три коли позади), така и кога си на гости, муабетот „Ајде да се прибираме, доцна е“ или „Види колку саат дошло, утре сме на работа“ не значи дека баш стварно планираш да станеш во скоро време. А и на станато не е сè готово.

Не само што редовно ги пердаши европските бирократи, не само што имаше имаше доблест да го спомне етничкото чистење во Егејска Македонија, туку Варуфакис умее и перфектно да препознае и долови практики на меѓународната сцена. Овде зборува за мафијата. Како делува таа и нејзиниот рекет? Самите ти креираат „опасност“ за после да ти понудат заштита од неа. Милошевиќ, Гадафи, Садам, Путин... ви текнува за кого се работи?