Фајзер уште денес веројатно ќе поднесе барање за авторизација за користење на вакцината кај најмалите деца кои до сега не беа опфатени со вакцинацијата. Американската агенција за храна и лекови ги повикала компаниите што порано да ги поднесат барањата и документацијата за да имаат време да ги разгледаат.
Во исто време фармацевтските компании ќе треба до крајот на март да почекаат за резултатите од тестирањето за ефикасноста на трета доза вакцина, по што ФДА ќе треба да одлучи дали ќе дозволи трета доза од „детската“ вакцина.
Во декември Фајзер објави дека две дози вакцина кај деца од 2, 3 и 4 години не предизвикале ист имунитетен одговор како што тоа било кај тинејџери и возрасни. Меѓутоа двете дози предизвикале очекувана имунитетна реакција кај децата меѓу 6 месеци и 2 години.
Детската доза што се дава на тестирањата е 3 микрограми, што е една десетина од дозата што им се дава на возрасните.
