Вести › Набрзинка

Саудијци и Кушнер го купија гејмерскиот гигант ЕА

5 август 2026

Саудискиот фонд за јавни инвестиции што за 55 милијарди долари ја купија најпознатата компанија за видео-игри Electronic Arts (EA), креаторот на популарните игри Fifa, The Sims и Mass Effect. Во групата инвеститори е и Affinity Partners на Џаред Кушнер - зетот на претседателот Доналд Трамп.
EA ќе биде трансформирана во приватна компанија. Инвеститорите ќе ги откупат сите акции од слободно тргување и компанијата повеќе нема да биде присутна на берзата.
Ова е еден од најголемите откупи на компании со позајмен капитал. Саудискиот фонд вложува 36 милијарди долари, а 20 милијарди за трансакцијата позајми инвестициската банка JPMorgan. Аналитичари од Bloomberg предупредуваат дека отплатата на долгот може да резултира со масовни отпуштања, поагресивна монетизација и други мерки за намалување на трошоците во една од најголемите компании во индустријата за видео-игри.
EA лани оствари приход од 7,5 милијарди долари. Во октомври за три дена продаде рекордни 7 милиони примероци од играта Battlefield 6, но и покрај тоа отпушти вработени вклучени во развојот на новото издание од серијалот.

извор

Тендер на „Бардовци“ заврши во фирма на братучедот на директорот

25 август 2026

Фирма чиј вистински сопственик е братучед на директорот на психијатриската болница „Бардовци“, доби тендер токму во оваа болница да ги одржува софтверските системи и да обезбеди обновени лиценци за мејл-сандачиња.
Станува збор за фирмата „Индиго инц“ ДООЕЛ Скопје чиј вистински сопственик е Бесим Абдулаи, братучед на директорот на психијатриската болница „Бардовци“ Иса Авдулаи.
Според договорот, потенцијалната и највисока сума што може да се потроши за една година е 42 илјади евра, пишува Мирослава Симоновска во СП.
За разлика од другите договори што ги склучува болницата за други набавки, во конкретниот случај директорот Иса Авдулаи не фигурира како потписник на истиот, туку потписничка во име на болницата е Елисе Салахи, која во 2022 година била избрана на јавен оглас на позицијата „помлад соработник за јавни набавки“

извор

Шефицата на АфД: Ќе го укинеме еврото, ќе ги затвориме границите и ќе излеземе од Шенген

24 август 2026

Копретседателката на Алтернатива за Германија (АфД), Алис Вајдел, изјави дека доколку влезе во сојузната влада, нејзината партија ќе бара Германија да излезе од еврозоната и од Шенген, да ги затвори националните граници и да воведе значително построга миграциска политика.
„На Германија ѝ беше значително подобро пред воведувањето на еврото“, рекла Вајдел во интервју за ЗДФ, тврдејќи дека заедничката европска валута ја ослабнала германската економија и го намалила богатството на домаќинствата.
Во пресрет на изборите на 6 септември во Саксонија-Анхалт, АфД има поддршка од повеќе од 40 отсто од гласачите. На национално ниво, АфД има 27 отсто поддршка, додека ЦДУ е на 22 отсто.

извор