Уште еден израелски војник, ветеран од војната во Газа, призна дека бил вклучен во воени злосторства. Вели дека се спротивставил, заедно со други војници, но командирот им наредил да продолжат.
Војникот, кој инсистирал да остане анонимен, сведочел за телевизијата CBS News дека најмногу го вознемирувала практиката кога пуштале палестински цивили во згради за да проверат дали има импровизирани експлозивни направи.
Таквата практика била очигледно вообичаена, бидејќи добила и свое име: „Протокол за комарци“.
Тие беа Палестинци. Ги испративме прво нив за да видиме дали зградата е чиста, да провериме дали има замки. Тие трепереа... Јас сум морално ранет. Тешко е да користите граѓани како свој жив штит, како кучиња, раскажува војникот.
Според изјави на војници и на нивни жртви, Палестинците обично ги притвораат, ги облекуваат во униформи со камери и со рацете врзани зад грб ги праќаат во зградите. Понекогаш ги соблекуваат во долна облека.
Израелскиот војник бил сведок и на други злосторства: „Палевме згради без каква било причина, што секако е прекршување на меѓународното право“.
Таквото признание не е изненадување, со оглед на уништувањето на населбите низ Газа. Анализа на сателитски снимки покажува дека помеѓу 50% и 61% од зградитесе оштетени или уништени.
За тоа сведочат и снимки споделени на социјалните мрежи, на кои се гледаат војници што уриваат станбени комплекси.
The IDF loves to film themselves blowing up Palestinian homes. pic.twitter.com/poiYVpf9C2
— White Rabbit (@Dark_RabbitHole) January 7, 2025
Весникот Хаарец, врз основа на разговори со војници, во 2024 година објави дека Израелските одбранбени сили користеле палестински цивили за да испитаат дали се минирани тунелите на Хамас во Газа. На војниците им било кажано: „Нашите животи се поважни од нивните животи“.
Колку и да се грди сведоштвата за Протоколот за комарци, има и попотресни извештаи од Газа. Американските лекари што лани доброволно се пријавиле да помагаат во болниците во Газа биле шокирани од бројот на ранетите цивили. Лекар од Чикаго, кој третирал многу застрелани пациенти, вели дека во Газа многу често морал да лекува деца ранети во главата.
Мислев дека овие деца биле на погрешно место во погрешно време, како и, за жал, деца што ги третираме во Чикаго. Но, по третиот или четвртиот пат сфатив дека некој намерно стрела во овие деца, раскажал докторот Марк Перлмутер.
Премиерот Бенјамин Нетанјаху постојано тврди дека Израелските одбранбени сили се најморалната армија во светот. САД го поддржуваат тој став со нова пратка од оружје и муниција во вредност од 4 милијарди долари.
