Групата Just Stop Oil објави дека со својот последен протест на 26 април во Лондон ќе ги прекине вандалските напади врз уметнички дела и историски споменици.
Нашите барања сега станаа владина политика. Ги донесовме на насловните страници лиценците за фосилни горива и задржавме во земјата 4,4 милијарди барели нафта, објави Хана Хант, која во 2022 година го најави и почетокот на кампањата на групата.
Таа истакна дека запирањето на вандалски акции не значи и крај на граѓанскиот отпор.
Потребен ни е поинаков пристап. Корпорациите и милијардерите ги корумпираат политичките системи низ светот. Ја менуваме стратегијата и не се откажуваме од одговорноста. Ништо помалку од револуција нема да нè спаси од бурите што доаѓаат, соопшти групата.
Just Stop Oil се појави со 2022 година со блокади на патишта, но и серија протести што ја шокираа јавноста - фрлањето супа врз уметнички дела по музеи или боја врз Стоунхенџ и гробот на Чарлс Дарвин. Целта на протестите беше притисок врз британската влада да не дава новит лиценци за експлоатација на нафта и гас.
Основачот и најистакнатиот активист Роџер Хамал беше осуден на пет години затвор. Зад решетки или по судови се уште многу членови на групата.
*****
Види и:
Како Холивуд го финансираше фарбањето галерии и блокирањето сообраќај
