Островот Херд и Островите Мекдоналд, кои го сочинуваат надворешниот територијален периметар на Австралија, се меѓу едни од најоддалечените места на планетава, до кои се стигнува само преку двонеделно патување со брод од Перт на западниот брег на Австралија.
Целосно се ненаселени, а последен пат човечка нога стапнала таму пред речиси десет години. Па што? Херд и Мекдоналд ги има во списокот објавен од Белата куќа на „земји“ на кои им се наметнуваат нови трговски царини.
Островот Херд и Островите Мекдоналд се меѓу неколкуте „надворешни територии“ на Австралија наведени одделно во тарифната листа за Австралија, на која ќе ѝ се наметне царина од 10 отсто. Надворешните територии се дел од Австралија, не се самостојни и имаат уникатна врска со федералната влада.
Такви територии на списокот на Белата куќа се и островите Кокос (Килинг), Божиќниот остров и островот Норфолк.
Норфолк има население од 2.188 луѓе и се наоѓа на 1.600 километри североисточно од Сиднеј, е мавнат со со царина од 29% - 19 процентни поени повеќе од остатокот од Австралија.
Во 2023 година, островот Норфолк извезол стоки во САД во вредност од 655.000 долари, а негов главен извоз бил кожени обувки.
