На врвот на листата на Форбс на најбогати луѓе на планетата нема промени, освен во цифрите.
Илон Маск е најбогат човек во светот со 342 милијарди долари, пред Марк Закерберг (216 милијарди) и Џеф Безос (215). Меѓу првите десетмина најбогати се и Лери Елисон, Бернар Арно, Ворен Бафет, Лери Пејџ, Сергеј Брин, Амансио Ортега и Стив Балмер – единствениот чие богатство годинава се намалило.
На листата на милијардери годинава се допишани уште 288 нови имиња вклучувајќи неколку прилично препознатливи.
Џери Сајнфелд
Џери Сајнфелд се наполни со пари кога ги продаде правата за стриминг на серијата „Seinfeld“ на Нетфликс за 500 милиони долари. Зделката му донесе уште пари. Форбс го проценува неговото сегашно богатство на 1,1 милијарда долари.
Арнолд Шварценегер
Бодибилдерот што преку филмското платно се вивна до гувернер на Калифорнија, му се врати на филмот на стари години. Со улоги во повеќе од 50 филмови, но и со успешни деловни зделки, сега вреди околу 1,1 милијарда долари.
Брус Спрингстин
Шефот конечно стана милијардер. Форбс ја проценува вредноста на неговото богатство на 1,2 милијарди долари, благодарение на неговите албуми и концерти.
Бен Лам
Името на коосновачот на Колосал биосаенсис не е познато на пошироката јавност, но Бен Лам може да стане жива легенда ако неговата компанија успее во мисијата да ги оживее волнениот мамут, тасманскиот тигар и птицата додо. Форбс сега го проценува неговото богатство на 3,7 милијарди долари.
Дарио Амодеи
Форбс соопшти дека Дарио Амодеи, извршниот директор на Anthropic AI, вреди 1,2 милијардa долари. Стартапот формиран во 2021 година креира ривали на ЧетГПТ и Џемини.
Џастин Сун
Блокчејн баронот Џастин Сан се појави на листата на Форбс со 8,5 милијарди долари. Како основач на Фондацијата Tron Blockchain и сопственик на платформата за споделување датотеки BitTorrent, Сун има потенцијал да скокне уште повисоко.
Мајкл Дорел
Австралискиот магнат на приватниот капитал се најде на листата за прв пат и вреди 8,5 милијарди долари, според Форбс.
Александер Ванг
Со само 28 години, ко-основачот на Scale AI, Александр Ванг, вреди 2 милијарди долари, што го прави најмладиот од новите милијардер на Форбс што самиот си го заработил богатството.
Барбара Банке
Богатството на Барбара Банке Форбс го проценува на 2,6 милијарди долари благодарение на империјата на семејните вина и 40 винарии низ светот.
Мерилин Симонс
Мерилин Симонс на листата милијардери на Форбс скокна на 57 место во светот по смртта на нејзиниот сопруг, пионерот на квантитативниот хеџ фонд Џим Симонс. Сопругот ѝ остави наследство од 31 милијарда долари.
