На 10-ти јануари таблоидот Closer, објавува вест за аферата на Оланд, придружена со фотографии од претседателот и актерката. На нив двајца мажи на скутер пристигнуваат пред една зграда. Едниот од нив е Оланд. Подоцна во истата зграда влегува и една блондинка, Гаје.
Валиела објаснува како успеал да го фати Оланд на состанок со љубовницата.
"Папараците веќе некое време зборуваа за ова. Главниот проблем беше да се открие местото каде што се гледаат. Почнавме да следиме еден човек од обезбедувањето на Гаје, и го откривме," изјавил Валиела.
Тој почнал да го фотографира парот некаде околу 26-ти декември, меѓутоа фотографиите кои беа објавени се направени вечерта пред Нова година и дента потоа. Валиела работел со уште еден фотограф. Едниот стоел пред влезот карши зградата во која се состанувале Оланд и Гаје, и дискретно фотографирал од тука, а другиот фотографирал од внатре, зад стаклото. Според Presse News Валиела за фотографиите со Оланд добил 40.000 евра.
Валиела се прослави пред 20 години, во 1994-та кога успеа да ја фотографира "тајната" ќерка на тогашниот претседател Франсоа Митеран.
