Ако некако се решите да почнете со ваква пракса најважно е да воведете точен термин за неа, бидејќи сите досегашни анализи покажуваат дека е поверојатно дека ќе го исполните утринското вежбање ако имате точно време за него.
Следниот чекор е да се адаптира вашиот термин за спиење, за да одговара на новиот распоред. Препораката е 7 до 8 часа. Клучно е и уште од вечер да бидеш подготвен (патики, вода, клучеви), за наутро да можеш да излезеш од дома за 10 минути и да немаш време да се пишманиш.
Помеѓу станувањето од кревет и почнувањето со трчање важно е да имаш 5 до 10 минути лесно загревање чисто колку мускулите да се освестат што ги чека и за целото оптоварување да не им дојде премногу нагло.
Спроведувањето на целиот план многу зависи и од тоа дали ќе најдеш партнер кој ќе те прати во вежбањето, и со кој меѓусебно (преќутно или со молење) ќе се терате да се појавите на закажаниот термин за вежбање.
Задолжително мора да планирате и за се што ве очекува по завршувањето на утринската сесија, па освен подготвени алишта за на работа, се препорачува да имате и здрав оброк со најмалку 20 грама протеин, плус овошје или зеленчук, за да се не го уништите вежбањето со бургер, бурек, симит или слична штеточина.
За да осигурите долготрајност на оваа навика препораката е по секое вежбање да се почестите нешто - на пример парче чоколадо - со што го тренирате вашиот мозок да го поврзува вежбањето со позитивните сигнали што ги испраќа мозокот. Со тек на време ќе го надминете и чоколадото, па ќе остане само навиката за трчање (најверојатно).
