„Само сакав да бидам фармер и да уживам во убавиот поглед и во убавото време,“ рекол Вахид Тотакил правдајќи зошто решил да изнајми земјиште во близина на британски нуклеарни подморници.
Да се разбереме, Шкотска сè има, убаво време - нема. Тоа им станало сомнително на околните жители, особено кога пробуричкале по интернет за нивнииот нов комшија.
А таму можат да се најдат негови повици за убивање на американски војници во Авганистан, фотографии на кои е сликан со калаш, информации дека брат му е актуелен талибански воен командант во Кабул....
Дознавајќи за вознемиреноста на мештаните, газдата на земјиштето му пишал да ја напушти фармата. Се работи за човек кој моментално живее во Канада а е поранешен поручник во иранската морнарица.
Мештаните велат дека Тотакил го посетувале сомнителни лица кои се распрашувале дали и колку во околина има лица за безбедност.
Тој ги негира ваквите тврдења но признава дека бил посетуван од луѓе од авганистанската партија Хезб- е Ислами, со кои разменувале мислења и информации за случувањата во нивната татковина. Инаку, тоа е партија која ја предводи Гулбудин Хелматајар, попознат како „Касапот од Кабул.“
Од Авганистан во Британија Тотакил има дојдено во 2001 година и едно време продавал пици на парче, меѓу кои и „Пица Осама бин Ладен“.
