1. Неточни споредби
"Ако еден куп машини за еспресо од 200 долари се изложени до преценета машина за еспресо од 400 долари која во основа го прави истото како тие, машините од 200 долари одеднаш изгледаат како очигледно добра зделка. Ова е посебно точно ако имаш вешт продавач кој ќе ти открие дека машината од 400 долари и не е нешто подобра од останатите. Меѓутоа реалноста е дека најголемиот дел од нас немаат претстава колку пари треба да чини машина за еспресо," објаснува Роберт Левин во неговата книга The Power of Persuasion: How We're Bought and Sold.
2. Истакнување на општествени сличности
Заклучок од две студии е дека луѓето е поверојатно да купат од некој на кој му веруваат и кој им се допаѓа (првата), како и тоа дека повеќе им веруваме и ни се допаѓаат луѓе кои се слични на нас, дури и ако тоа е случајно (втората).
3. Илузија на побарувачка
Авторите на книгата YES!: 50 Scientifically Proven Ways to Be Persuasive, раскажуваат една анегдота за Колин Зот, која ја опишуваат како најуспешната авторка на инфомерцијали. Зот го менува повикот на акциja од "Операторите ве чекаат, ве молиме јавете се веднаш," во "Ако операторите се зафатени, ве молиме јавете се повторно." Суптилната промена го искористува принципот (social proof) кој тврди дека ние гледаме од другите за да донесеме сопствени одлуки. Оваа промена носи раст на продажбата.
4. Повеќе корист, цената на топтан
Рекламите за Гинсу ножевите се први што ја користат техниката "Чекај, има уште!" нудејќи уште еден нож, 6 во 1 кујнска алатка, комплет ножеви за стек и спирално сечило како дополнување на сега познатиот нож.
Ваквото распостилање успева само кај добивката, кога е загубата во прашање преферираме таа да биде на куп. Заради ова цената на сите овие производи се соопштува збирно.
5. Чувство на обврска
Според студиите човек кога ќе добие услуга од некого, се чувствува обврзан некако да врати за истата. Продавачите ова го користат така што се трудат на секој начин да ви удоволат надвор од она за што плаќате или сте заинтересирани, во надеж дека кај вас ќе преовлада ова чувство и подоцна ќе ви биде тешко да и кажете не на нивната понуда.
6. Емоционални активатори
Студија од 2004-та покажува дека учесниците е поверојатно да потрошат 30% повеќе ако претходно гледале тажен исечок од филм. Друга студија од истата година покажува дека луѓето кои се посебно емоционални имаа намалена способност да забележуваат разлики во бројките и на истите да им дадат соодветна вредност.
Гленгери Глен Рос:
