Детектори за погрешен старт, подземни антени, инфрацрвени ласери, камери кои сликаат по 2.000 слики во секунда... тоа е еден мал дел од опремата која ќе се користи на Олимписките „хај-тек" игри во Лондон.

Освен што нема да видиме многу македонски спортисти на Олимписките игри во Лондон нема да видиме и еден куп големи ѕвезди кои ќе ја пропуштат Олимпијадата заради повреди или пак затоа што веќе не ги бива како порано.

Фудбалскиот турнир на Олимпијадата во Лондон ќе биде еден од поинтересните во олимписката историја, а според кладилниците, репрезентацијата на Бразил е главен фаворит за освојување на златниот медал.

Освен за медали, делегациите на Олимписките игри во Лондон ќе се борат и за приматот „најлоша униформа“. Еве ги кандидатите кои влегоа во најтесниот избор.

Малезијката Нур Сурјани Мохд Таиби ќе се запише во историјата на Олимписките игри, но не со остварениот резултат, туку на малку контроверзен начин.

Уште само 10 дена до почетокот на Олимписките игри во Лондон. Како и секогаш во минатото, од доминацијата на Џеси Овенс во 1936-та, преку Џим Хајнс, па се до Усеин Болт, кулминацијата се случува со трката на 100 метри. Погледнете ја историјата на овие неверојатни трки.

Запознајте ги Венлок и Мандевил. Овие две еднооки суштества ќе ги гледаме многу често во следниот период затоа што тоа се маскотите на Олимписките и Параолимписки игри кои ќе се одржат во Лондон. А како изгледале маскотите во минатото?

Второто мото на Олимписките игри е „Тоа што се случува во селото - останува во селото". Освен што рушат рекорди на спортските терени, натпреварувачите за време на игрите рушат и секс рекорди. Најновото издание на ESPN магазинот ги откри тајните на олимпиското село.

Велика Британија го искористи своето право како домаќин на Олимписките игри да пријави свои тимови во сите екипни спортови. Проблемот бил што за некои спортови тие воопшто не ни имале репрезентации.

Македонските олимпијци со нивниот пласман на едно од последните места, отсекогаш се мета на исмејување, а посебно оваа година кога Македонија праќа рекордно мал број на спортисти и тоа ниту еден со исполнета норма. Но дали некој се запрашал зошто е тоа така?

За прв пат во историјата на Олимписките игри, сите земји учеснички на Олимпијадата во Лондон која ќе започне на 27. овој месец, во својата делегација ќе имаат и жени.

Во пресрет на Олимписките игри во Лондон, петте најубави олимпијки од Германија се разголеа за германското изнадние на Плејбој.

Спортистите кои ќе завршат на првото и на второто место на Олимписките игри во Лондон ова лето ќе добиваат исти сребрени медали, со тоа што едниот само ќе биде офарбан со златна боја.

И повторно како и на сите претходни Олимписки игри, Македонија наместо со бројна делегација во Лондон ќе биде претставувана од Васил Тупурковски и уште неколку спортисти кои можат да се избројат на една рака.

Вечерва со почеток од 23:30 часот, кошаркарската репрезентација на Македонија ќе го одигра можеби најважниот натпревар на предолимпискиот квалификациски турнир. Победа над Доминиканска Република носи пласман во полуфиналето и две шанси за Олимписка виза.

Параолимпиецот Оскар Писториус откако ја доби битката со Светската атлетска федерација која не му дозволуваше да се натпреварува со „нормални" атлетичари, ја доби битката и со здравите колеги и ќе биде првиот човек без нозе кој ќе настапи на Олимписки игри.

Како што се надевавме уште пред почетокот на предолимпискиот турнир, но на малку поинаков начин, Македонија во четвртфиналето сепак ќе се сретне со Доминиканска Република откако Нов Зеланд ја совлада Ангола.

Заврши Европското првенство во фудбал, па сега едвај чекаме да почнат Олимписките игри во Лондон. Додека чекаме да дојде 27. јули, да го погледнеме промо видеото на Би-Би-Си.

Репрезентациите на Македонија, Грција, Порторико, Русија и Доминиканска Република обезбедија пласман во четвртфиналето на предолимпискиот квалификациски кошаркарски турнир во Венецуела. Во следната фаза Македонија ќе се сретне со Русија или Доминиканска Република.

Со многу подобра игра од вчерашниот натпревар со Ангола, кошаркарската репрезентација на Македонија го демолираше Нов Зеланд со 22 поени разлика и обезбеди пласман во четвртфиналето на предолимпискиот турнир во Венецуела.

По стартниот пораз од Ангола на предолимпискиот квалификациски турнир во Венецуела, вечерва со почеток од 20 часот, кошаркарската репрезентација на Македонија мора да го победи Нов Зеланд во борбата за пласман во четвртфиналето.

Британците потрошија милиони на обезбедувањето и ангажираа 70 специјалци кои ќе бидат задолжени само за чување на факелот, но ниту тоа не беше доволно за да се спречи напад од две мали дечиња.

И покрај поразот на стартот на предолимпискиот квалификациски турнир во Венецуела од репрезентецијата на Ангола, селекторот на Македонија, Марјан Лазовски верува дека ништо не е загубено и тимот е се уште самоуверен.

Со една добра четвртина не се обезбедува Олимписка виза. Оваа лекција денес нашите кошаркари ја добија од репрезентацијата на Ангола при поразот на стартот од предолимпискиот квалификациски турнир во Венецуела.