И покрај исцрпувачките судски порази, Ирокезите порачуваат дека нема да се откажат од своите битки. Заради децата. И благодарејќи на тоа што во нивниот кодекс, кога носи одлука, поглавицата треба да мисли на следните седум генерации.

Мајкл Рубенс Блумберг е градоначалник на Њујорк веќе 12 години. Од неговиот допадлив отчет (во техничка смисла, бидејќи на нашиве градоначалници последен крик им е брошурка), издвојуваме само две бројки: 40.000 (!) нови градби и 724 километри (!) нови велосипедски патеки.

Градоначалникот Блумберг го откри системот за подготовки за невреме и заштита од поплави, со кој градот ќе биде подготвен за невреме кое се случува еднаш во 500 години.

Во 2011, Кејт МекЛин, дизајнер и картограф, како тогашна студентка по уметност, почнала да се занимава со сетилните аспекти на урбаното доживување. Прв проект ѝ бил „сензорната" мапа на градот во кој студирала, Единбург. Следеле мирисни мапи на уште пет градови, меѓу кои Њујорк, Амстердам и Париз.

Како што тргнала работата со масовното градење, но и со преправање на старото, во одредени кругови попознато како „разубавување", почнуваат да исчезнуваат градби или простори на кои сме навикнале, со кои ни се врзани спомени, или кои просто ни се убави.

Личните сведоштва одамна се препознаени како значаен алтернативен извор на традиционалната историја. Притоа не е интересен само методот, туку и темите. На пример лични сведоштва за храната во Њујорк во раниот 20-ти век.

Чисто процедурално, клубот беше таен се додека Њујорк пост не објави голема сторија за него. Инаку стварно постои, стварно е за банкари од Вол Стрит и треба да имаш фино однесување за да те примат во него.

Продолжувајќи со праксата на корисни потрошувачки информации за нашите читатели, објавуваме дека во Бруклин се продава апартман од 18 милиони долари. Корисната информација е дека сега е на попуст од оригиналните 25 милиони долари.

Непрофитна организација прави студија во која добива дека Њујорк може да гo намали загадувањето за 90%, со тоа што ќе ги замени прозорците на зградите низ градот.

Замислете тезга на Буњаковец на која се продава сирење, урда и кајмак со натписи на нив, нешто во стилот: „Беровско-мераклиско, од овците медот" или „Секој петок да ја јадеш, прсти да лижеш". Така, ама и многу пософистицирано ги рекламираат нивните сирења продавачите во Њујорк.

Хилел Шварц, 64-годишен поет, историчар на културата и писател,е автор на обемната студија „Правење врева: од Вавилон преку Биг Бенг и понатаму". Во неа потсетува на едно интересно Здружение, формирано во Њујорк 1903. Претседател на еден од ограноците бил Марк Твен.

Лингвистите во потрага по загрозени говори не мора веќе да патуваат преку половина свет за да истражуваат јазици како Загава (источен Чад) или Ливонски (покрај Балтикот) - сè што треба да сторат е да се повозат со метро низ Њујорк.

Од канцеларијата на Градоначалникот на Њујорк решаваат да го измерат загадувањето во градот. Се вадат од памет од бројките. Наместо да ги кријат, ги објавуваат на најсликовит можен начин.

Организаторите беа приморани да го откажат маратонот во Њујорк заради последиците од ураганот Сенди, но илјадници маратонците не се откажаа и истрчаа еден малку поинаков маратон.

Опасноста од ураганот Сенди и превентивната евакуација на Њујорк, ненамерно создадоа некои од најневеројатните сцени во историјата на градот - Њујорк без луѓе.

Речиси 40 години откако беше најавен, Њујорк го отвора "Френклин Рузвелт паркот на 4-те слободи," сместен на островот Рузвелт меѓу Менхетен и Квинс.

Најмногу заради џандари и средување - што судски, што вонсудски - на нивните бељи, Њујорк годинава ќе потроши 735 милиони долари за исплата на илјадници отштети на своите граѓани.

Додека компјутерите во нашите ресторани, ако воопшто ги има, служат само за издавање фискални, оние пософистицираните во Њујорк почнуваат да се полнат со податоци кои овозможуваат високо персонализирана услуга. Главна алатка во ова дискретно разузнавање - кодиран јазик за означување на муштериите.

Звучи како нешто за што радо би твитале едно недела дена, ама функционира - за да го исчисти метрото, Њујорк ги отстрани кантите за ѓубре.

Заборавете ги сите оние флеш мобови, кои знаат да бидат трогателни, но се сепак сурогат на вистинската спонтана убавина, која не е мотивирана од ништо друго туку од неа самата. Еве една таква, убава приказна, за летно попладне во Њујорк.

Иста ситуација, два различни пристапи, два различни резултати. Во првото, полиција во Ванкувер и човек со сабја. Во второто, полиција во Њујорк и човек со нож.

Најлошо нешто што може да ти се случи кога го нудиш најскапиот апартман во Њујорк од 90 милиони долари, е да се појави апартман од 100 милиони долари.

Откако конечно започна изградбата на кулата за Светскиот центар 3, целата работа е ставена на пауза бидејќи инвеститорот не може да најде кираџии.