По комплетирањето на натпреварите од 1/16-финалето на Лига Европа, познати се и двојките од осмина-финалната фаза на второто по ранг фудбалско натпреварување на стариот континент.

Нашиот единствен претставник на европската фудбалска сцена по елиминацијата во групата на смртта од Лигата на шампионите, со својот тим се сели еден ранг подолу. Конкуренцијата во Лигата на Европа се засили и со Шахтјор, Јувентус, Бенфика, Викторија Плзен, Базел, Порто и Ајакс.

Горан Пандев не успеа да се запише во листата на стрелците на синоќешниот триумф на Наполи против Аталанта од 3:1, но тука е поранешниот фудбалер на Реал Мадрид кој го имаше најубавиот потег на мечот.

Новиот газда на Интер, Ерик Тохир ќе има многу работа околу финансиите во клубот кој 2013 година ја завршува со најголема загуба во Серија А. Најдобро пројдоа Наполи и Фиорентина кои не им должат на банките ниту евро.

Наполитанците важат за многу темпераментни навивачи, но и опасни. Пред два дена пишувавме дека ги ограбуваат играчите, а за празнициве ги користат нивните имиња за поуспешна продажба на пиротехника.

Претседателот на Наполи, Аурелио Де Лаурентис 2013 година ја оцени како успешна за неговиот тим кој се засили со врвни имиња, заврши втор минатата сезона во Серија А и избори директен пласман во Лигата на шампионите. Но не е се така розево за Наполитанците.

Групата на смртта ќе добие разврска онака како што очекувавме, во последните 90 минути од групната фаза каде три големи екипи се борат за две места. Ништо не е решено и во останатите три групи каде вечерва ќе ги дознаеме и последните патници во топ 16 фаза.

По голот и асистенцијата против Лацио, македонскиот интернационалец постигна два гола против Удинезе за едно полувреме.

Горан Пандев беше стрелец на еден погодок и асистираше при постигнувањето на уште еден гол за Наполи на гостувањето во Рим кај неговиот поранешен клуб и тоа на својот јубилеен 300-ти настап во Серија А.

Претпоследното коло од групната фаза во Лигата на шампионите може да донесе целосна разврска околу патниците во следната фаза, барем во вечерашната ноќ каде во центарот на вниманието повторно е групата на смртта. Еве што имате за играње на Типстер.

Откако на вчерашните средби од Бундес лигата Николче Новески го спаси Мајнц од пораз во последните секунди, уште еден наш репрезентативец, капитенот Горан Пандев се запиша во листата на стрелците на мечот против Ливорно.

Навивачите на Наполи склучија примирје со сопственикот на пабот кој настрада од 30 ултраси пред натпреварот Арсенал-Наполи во рамките од Лигата на шампионите. Тие ќе собираат пари за направената штета.

Најдобриот македонски фудбалер, Горан Пандев на најдобар можен начин му докажа на тренерот Бенитез дека неговото место е во првиот тим на Наполи. Струмичанецот беше стрелец на двата погодоци при победата на гостувањето кај Џенова.

Навивачите на Наполи се пример како треба да се бодри клубот. По заминувањето на Лавеци, а потоа и Кавани меѓу нив нема разочарани лица, а не е битно ниту името на вечерашниот противникот кој иако лани беше второлигаш ќе се судри против тимот на Пандев пред преполни трибини.

Тренерот на Борусија Дортмунд, Јирген Клоп беше избркан од натпреварот против Наполи во Лигата на шампиони заради недоличното однесување, по што второто полувреме го догледал преку ТВ заедно со хаусмајсторот на стадионот Сан Паоло.

Борусија Дортмунд имаше лошо прво полувреме против Наполи во кое домаќинот поведе, Вајденфелер доби црвен картон, а Хамелс се повреди, по што тренерот Јирген Клоп збесна и му се истури на помошниот судија.

Гонзало Игуаин бргу стана миленик на навивачите на Наполи. Викендов тој го постигна првиот погодок на домашен терен по што стадионот Сан Паоло полуде. Да се надеваме дека оваа сезона почесто ќе објавуваме вакви реакции и по голови на Горан Пандев.

Познатиот италијански медиум „Скај спорт" на интересен начин го стокми конечниот пазар на најголемите екипи од Серија А. На кантар се измерени играчите кои дошле и заминале, а освен Лацио сите други тимови се покажале како добри пазарџии.

Новата сезона во италијанскиот фудбалски шампионат сезонава ни носи неколку интересни промени во напаѓачките линии, а порталот „whoscored.com" според статистиката од минатата сезона издвојува четири тандеми од каде се очекува најголемата опасност по головите. Дуото Пандев-Игуаин ќе сее најголем страв.

Одличната форма која нашиот капитен ја круниса со четири погодоци на исто толку пријателски натпревари за Наполи, најпрестижниот портал за фудбал „Goal.com" ја награди со титулата најдобар фудбалер за изминатата недела.

По Арсенал, нашиот капитен одличната гол серија ја продолжи и против Порто. Пандев го отвори резултатот во 43 минута со прецизен удар од белата точка, но тоа беше се што направија Наполитнаците на мечот од Емирејт купот во кој загубија со 3:1. За него ова е четврти гол на подготвителните мечеви.

Најдобриот македонски фудбалер се наоѓа во одлична форма пред почетокот на новата сезона. По головите против Капри и Галатасарај, Горан Пандев стрелаше и против Арсенал.

Фудбалерот на Наполи, Хуан Ѕунига им направи голем кејф на навивачите на Наполи. Откако се појавија шпекулации дека можно е да замине во Јувентус, тие му направија тест кој успешно го положи. Пееја „Кој не скока е за Јувентус“, го ловеа околу 3 минути со камера и по постигнувањето на голот против Галатасарај тој на неколку пати им одговори. 

Екипата на Наполи славеше на пријателскиот меч против Галатасарај со 3:1, а по само 4 минути игра резултатот го отвори нашиот капитен со глава на асистенција на Инсиње. Деби голот на Горан Пандев во летните подготвителни натпревари го постигна пред само четири дена.