Не дека славниот сликар немал психички проблеми, но тие не само што не биле извор на креација, туку му ја оневозможувале работата на подолги периоди. Нова изложба во неговиот музеј во Амстердам се обидува да прикаже една пореална слика наспроти онаа романтичната, според која за уметноста е к'смет да си луд.

Неговиот последен роман „Покорување" (осврт тука) требаше да биде промовиран токму на денот кога се случи терористичкиот напад на Шарли Ебдо. Денес, кога сите го очекуваат исходот од можниот Брегзит, тој ноншалантно си отвара изложба. „Отсекогаш сум бил мајстор на тајмингот", вели со познатата камен-фаца.

Што мотивира некои луѓе да си го дадат животот за некаква кауза? Една изложба-перформанс посветена на оваа тема се обидува да даде одговор на ова прашање. Притоа во поставката, едни покрај други, ja вклучува Јованка Орлеанка и терористи од неодамнешни напади, чии рани сè уште зацелуваат.

Кинескиот уметник познат по неколку контроверзни "перформанси" на тема бегалци, во Атина отвори изложба на која едни од најистакнатите експонати се патрони солзавци кои македонската полиција ги користеше да ги одврати бегалците од влегување во земјава.

Едно уметничко дело може да е недовршено заради тоа што неговиот автор умрел, но и затоа што тој не сакал или не знаел како да го доврши. Овие непополнети места ни даваат увид во процесот на работа, но и нè ставаат на местото на уметникот - зошто тој донел одлука да го батали делото, и дали понекогаш тоа го сторил намерно.

До сега Загмајстер го познававме како дизајнер на корици на албуми на Лу Рид, Стоунси, Дејвид Брн и Пет Метени. Австриец со постојан дом во Њујорк, тој деновиве е актуелен со изложба посветена на општочовечката потрага по среќата, поставена во Музејот на применета уметност во Франкфурт. 

Уметниците Тoмсон и Крејгхед креирале парфем базиран на библиските описи на крајот на светот. Животински рогови, изгорено месо, крв, и многу жолч.

Група како оваа можела да се состави само во Њујорк од шеесетите на дваесетиот век. Но 50 години по снимањето на нивниот прв албум, Велвет Андергрануд е тема на голема мултимедијална изложба, не во Големото јаболко, туку во концертната сала на Париската филхармонија.

Во 60-тите хипиците ставаа цвеќиња во цевките на оружјето.Во нова серија фотографии Тајрин Сајмон ни претставува еден поинаков „флауер пауер" - букети кои стоеле на масите каде светските лидери потпишувале значајни договори за историјата на човештвото.

Колку интересна може да биде изложба за макар и славен научник, во историски музеј, за некој што нема појма од природни науки? Епа многу.

Eден од интернет феномените кои ќе останат после нас, како материјал за идните дигитални археолози, се мачките на интернет. Од LOL мачките, преку „мачката-мрчатор" до Caturday, еден музеј од Њујорк сега им посветува ретроспективна изложба.

Exhibitionism (игра со зборови, ем егизибиционизам, ем изложбизам), ќе содржи повеќе од 500 артефакти од историјата на славниот бенд. Членовите им дале целосен пристап до архивата на организаторите, кои резултатот го опишуваат како „интерактивна тура низ огромното уметничко дело на Стоунси".

Додека ние сакаме модерното да го претвораме во барок, Французите одат контра - во нивните барокни замоци од време на време поставуваат изложби на современи автори. Сега една таква поставка, во замокот Версај, предизвикува жестоки полемики.

Њујоршкиот Mузеј на современа уметност со месеци ја најавуваше ретроспективната изложба посветена на Бјорк, којашто официјално ќе се отвори утре, 8.март. И додека по кој знае кој пат медитиравме над судбината која одредува некои луѓе да се сега во Њујорк, други на Кариби а трети во Тафталиџе, наидовме на еден утешен текст - изложбата не чинела. Како тоа „не чинела“?

Нешто помеѓу помен и трибјут, во њујоршкиот Челси Хотел се отвори изложба на слики на еден од основачите и според многумина ’рбетот на славниот панк бенд. Тоа што таа е организирана токму во овој хотел има и посебна симболика.

Рачно направени гас маски, штитови во вид на корици од книги, мали дронови - сите овие се предмети поврзани со протестни движења низ светот. Изложбата на која се претставени слободно можела да се вика и „Предмети на непослушните“.

Утре се отвара големо шоу посветено на Донатиен Алфонс Франсоа де Сад, подобро познат како Маркиз де Сад. Ама, не брзајте со шиење платна за покривање на експонатите, не е во Скопје.

Ги знаете кои се, можеби и по име. Доаѓаат на културни настани, јадат, пијат, си земаат нешто и за дома во ќесички, буквално се грабаат за што и да се дели (книги, маици) и никогаш не сте на чисто кои се всушност овие луѓе. Еден фотограф од Чешка решил да ги овековечи на фотографии. 

Во напад на лудило или во несреќен случај, увото на Винсент настрадало во далечната 1888. Сега тоа е реинкарнирано, благодарејќи на интересна комбинација на наука, технологија и уметност.

Ни крив ни должен, заради тоа што главно се користи за пародии и мачиња, овој формат на „компресирани фотографски фајлови" го нема добиено заслуженото внимание во уметничките кругови. Но најновата изложба во Лондон може да го промени тоа.

На 20. февруари во Лондон се отвори изложба на која се прикажани историски релевантни графички прикази на научни податоци. Еден од примероците е дијаграм на Флоренс Најтингејл, кој прикажува како нехигиената во болниците убива повеќе војници отколку Кримските битки во кои тие биле ранети.

Во Лондон на 3. октомври ќе се отвори изложба посветена на сексот во јапонската уметност од 17-20. век. Сликите се толку експлицитни што музејот мораше да воведе забрана за посетители под 16 години, кои можат да ја разгледаат само „со родителско присуство“. Но во Јапонија тие никогаш не биле сметани за порнографски или скандалозни.

Американскиот поет Кенет Голдсмит во уметничка галерија во Мексико сити успеа да собере 10 тони хартија со веб материјал, кои се дел од изложбата „Печатејќи го интернетот".

Во лондонската галерија во октомври ќе се отвори изложба на дела кои биле распарчени, скршени или на друг начин намерно унакажани, и тоа заради идеолошки причини.