Понудата на ЕУ важи за мигрантите сместени на грчките острови, и важи само еднаш, а за да се квалификуваш треба да си ги спакуваш работите од бегалските кампови и да го фатиш патот назад од каде и да си дошол.

Меѓу ставките што ќе треба да се испреговараат за Британија да добие пристап до пазарот на ЕУ, по инсистирање на Грција беше додадено и враќањето во Грција на купот антички мермерни плочи што Британците своевремено го крадат од Атина.

Откако ниту една претходна мерка не помогна плаќањето данок малку од малку да пркне, Грците сега ќе пробаат оваа навика да ја всадат преку користење картички.

Со сета мудрост карактеристична за грчка радикална десница, група грчки националисти за викендов закажаа правење скара (нормално свинска) веднаш до еден од бегалските кампови во земјата.

Нео-нацистичката партија го скрати бројот на вработени во седишето во Атина, а низ земјата ги испозатвори своите канцеларии. Ова е делумно затоа што нивната галама главно издиша, а делумно и затоа што добар дел од другите партии ги приближија своите ставови кон некогаш незамисливото однесување.

За време на студентскиот бунт против грчката воена хунта од 1973-та, командант на грчката армија наредува упаѓање на тенкови во кампусот на атинскиот Политехнички универзитет. Загинуваат 23-студенти. Заради ова повеќе од 40 години во Грција на сите безбедносни структури им беше забранет пристап во универзитетските кампуси во земјата. До пред некој ден.

Документот под наслов „Хрватското приклучување кон Европската унија,“ што ЕУ го разработува од 2012 всушност е апокалиптично сценарио за најјужната членка на Унијата во времето на нејзината најголема финансиска криза. Изборот на насловот на документот е од страв дека ако се дознае за неговото постоење тоа веројатно ќе значи и конечен крај.

Министерот за правда на Ципрас, Михалис Калогиру, во грчкиот парламент поднесе предлог закон со кој се олабавуваат казните за силување и што сè се смета за силување според грчките закони.

Тестирајќи до каде можат да го истераат принципот „Грк не добива пари додека не заплаче“, владата на Грција повторно ги повика Германците да седнат да разговараат околу репарации за двете светски војни. Другата страна и понатаму е на иста дистанца: тоа е решено пред многу години.

На 22 април во МКЦ се одржа трето издание на изложбата „Поместени граници“, оваа година со наслов „Молк за...“. Помеѓу изложените дела од неколку автори, едно ни остави посебен впечаток, затоа што ги поврзува (на начин на кој тоа делумно го правиме со „Јадење книги“) храната и идеологијата.

Објаснувајќи ја велелепноста и добронамерноста на кинескиот проект Новиот пат на свилата, кинеските медиуми признаваат дека и покрај сите пари со кои располагаат нивниот проект заглавил на пристаништето во Пиреј и инаетот на локалните Грци.

Седница на локални власти одговорни за училиштата во една од населбите во Атина. Комплетно ненајавено на седницата влетува еден крајно разбеснет родител заедно со блок малтер.

Ако до пред кризата грчката држава имаш проблем со собирање данок, сега има проблем со собирање вработени во даночната служба.

Како мал во школо бил многу повлечен поради што другите деца го сметале за чуден и го задевале. Тоа многу му сметало, а десетина години подоцна тој важи за најдобриот млад тенисер на светот кој пожртвувано собираше средства за помош на настраданите од големите пожари во Грција минатото лето.

Грчката царина ќе треба на ЕУ да и плати казна од 200 милиони евра затоа што не спречила кинеска криминална мрежа да шверцува облека и патики преку пристаништето во Пиреа. Инаку, во времето кога на Грците им беше најголема драма за пари пристаништето беше отстапено на Кинези.

Костас Митроглу неколку години важи за најдобриот грчки центарфор. Кај и да оди дава голови, а веќе некое време е фудбалер на Марсеј каде не му оди баш најдобро.

Претстојниов период ќе имате уникатна шанса во живо да гледате како од нула се создава идентитет на нова нација, штета што тоа ќе биде истиот оној од кој ние се откажавме. Што се однесува на насловот ништо не е погрешно околу него.

Грција допрва треба да ја одвои државата од црквата, а како еден од позначајните чекори кон тоа владата го укина статусот на поповите и владиките како јавни службеници кои примаат плата од буџетот.

Тазе осоколена од официјалниот (иако не и вистински) крај на финансискиот „пакет за спас“ на земјата, и апсурдно лесни победи во однос на околниот ситнеж, на Грција почна да и станува тешко да ги заузда своите амбиции дури и кога е во прашање Германија, дури и кога се во прашање работи што веќе се затворени со секаков можен тип на договори.

Претерано тешките услови поврзани со пакетот за „спасување“ значи дека грчката финансиска трагедија може никогаш нема да заврши.

Норвешки документарец за парламентарните избори во Грција од 2015, кога екстремно десничарската Златна зора беше трета по број на гласови. Но повеќе од тоа, ова е филм за женските ликови во приказната, моќни и целосно предадени на каузата.

На еден од најдобрите пилоти во историјата на Ф1, Британецот Луис Хамилтон му се смачила глетката на една дива плажа, па решил да се симне и да исчисти килограми ѓубре оставено од неодговорни поединци.

Хелсиншки и Хјуман рајтс пишуваат детален извештај за скандалозната состојба со човековите права во Грција. Сосе одења во затвор затоа што некој се чувствувал за Македонец. Но, 1993-та година е тоа, си мислиме дека дури и младата македонска држава да се покаже неука во одбрана на тие луѓе, самата Европа нема да дозволи тоа така да помине. Европа е тоа, човекови права, вредности, цивилизација! Во 2018 е јасно како тоа помина: потпишавме дека нема што таму некој да се чувствува како Македонец. Освен ако е Грк.

Над 4.000 грчки компании што го користат зборот македонски, македонско, македонска и сл. во името на своите производи ќе мора истото да го регистрираат во европските и меѓународните агенции и тоа што е можно побрзо пред изгласувањето на договорот од Преспа.