Еден од главните играчи на репрезентацијата, ѕвездата на шпански Леванте, Енис Барди денес го доби негативниот тест на Ковид-19 и потврди дека ќе игра на Евро2020.

Во генералка пред историскиот настап на Евро2020, Македонија до врв ја наполни мрежата на Казахстан во пријателска средба и во сјајно расположение на 8-ми јуни патува за Букурешт каде отвораме против Австрија.

Меѓу 24 селекции кои ќе играат на Европско првенство летово, на табелата за просечна возраст на селекциите, Македонија е на средина на табела со 27,6 години во просек.

Во вторникот Италија го објави конечниот список фудбалери за Европско првенство. Селекторот Манчини спремил пар изненадувања за јавноста а го повика и резервистот на Сасуоло Распадори кој нема ни минута настап за репрезентација.

Најдобрата фудбалска репрезентација на светот, според ранкингот на ФИФА ранг листата е поделена во однос на прашањето за Фајзер вакцина. Се вакцинирале голманот Куртоа и уште пар играчи, другите не.

Англискиот селектор Гарет Саутгејт е на слатки маки. По којзнае кој пат има топ играчи на располагање па кога некој од нив нема да се најде на конечен список, јавноста бурно му реагира.

На 13-ти јуни од 18:00 часот Македонија ќе го одигра првиот меч на Европско првенство. Прв ривал е Австрија на преубавата „Национална Арена“ во Букурешт. Каква е фудбалската репрезентација на Австрија?

На точно 10 дена до почетокот на она што цела Европа го очекува, фудбалското Европско првенство, УЕФА одбројувањето го отслика со дресот на нашиот капитен Горан Пандев. И тоа со дресот кој јавноста сака да го гледа на ЕВРО2020.

Од 11. јуни до 11 јули ширум Европа ќе се одржи празник на фудбалот. Како што секогаш бива, така и сега големото натпреварување ќе го пропуштат и некои големи ѕвезди.

Во опсежно интервју за реномираниот португалски медиум Record, првиот човек на УЕФА, Словенецот Александар Чеферин изјавил дека во ситуација кога ја нема неговата земја на Евро2020, неговите симпатии одат за Македонија.

До стартот на Европското 2020 кое од познати причини ќе се игра во 2021, останаа нешто помалку од месец дена. Да ги погледнеме арените на кои летово ќе се игра најдобриот европски репрезентативен фудбал.

Командантот на одбраната на шампионот во Премиер лига, Емерик Лапорт одигра повеќе од 50 меча за младинските репрезентации на Франција, но во вторникот доби шпански пасош и наскоро ќе заигра за фуријата.

Фудбалската федерација на Романија и комитетот за организација на Евро 2020 во консултација со здравствени стручни лица, побарале од министерството за здравство дозвола за двојно повеќе навивачи.

Додека УЕФА водеше битка со некаква Суперлига, во сенка остана еден друг важен момент. До денешен ден уште не е јасно кој град ќе ја задржи организацијата на Европско првенство летово.

Со секогаш расположениот Рики може да зборувате со саати на различни теми и секогаш да ви биде сè поинтересно. Има животна приказна во него вредна документарец. Тргна од скопскиот асфалт и стигна до фантастични фудбалски висини. До момент Жозе Мурињо да му донесе поклон специјално за него.

На нешто повеќе од 2 месеци до почетокот на Европското првенство, Македонија западна во фудбалска еуфорија, а најмногу благодарение на надреалниот триумф во Германија. Играчите запалија огномет, а искри фрла и албумот со сликички Панини.

Капитенот на фудбалската репрезентација, човекот кој ни ја овозможи најголемата фудбалска радост да ја гледаме Македонија на едно големо натпреварување, вели дека веќе отприлика знае што ќе прави по крајот на богатата кариера.

Романските власти го прифатиле предлогот на локалната структура за организација на Евро 2020 - на натпреварите кои ќе се играат во Букурешт, а каде игра и Македонија, да има 25% од капацитетот на огромната Арена.

Тоа што се претпоставуваше на големо со оглед на ситуацијава, беше прашање на време кога и официјално ќе се потврди. Но добро, логично е вака нели? За разочарување не треба да стане ни збор, плус две лета по ред ќе има фудбал, што ни фали? ЕП па СП.

Како никогаш досега, со новите претумбувања на системот на квалификации и главната ждрепка, европската фудбалска унија го збуни обичниот љубител на фудбалот кој сериозно треба да се помачи, за да сфати кој што како и зошто.

Луѓето задолжени за профилите на социјалните мрежи на фудбалската асоцијација на Велс (посебно оние на Твитер) продолжија со заебанцијата на сметка на Реал Мадрид. Откако навивачите ја пееа песната „Велс, голф, Мадрид“ посветена на тоа што му е најважно на Герет Бејл, сега и официјалните профили продолжија со спрдњата.

Италијанскиот селектор Роберто Манчини беше човекот кој ја направи потребната смена на генерација и тоа му донесе фантастичен резултат. Растурија во квалификациите и најавуваат поход на злато со фудбалери кои се полу-анонимни за светски рамки.

Додека трае уште една студена зима во Финска, целата нација ја грее помислата на историски пласман на Европско првенство 2020. Ги очекува уште еден, мал чекор на домашното стадионче со 10.770 места.

Во понеделникот репрезентацијата на Украина го победи европскиот шампион Португалија со 2:1 и меѓу првите обезбеди пласман на Европско првенство 2020. „Жолто-сините“ играат многу убедлив фудбал, а ренесансата ја направи легендарниот Шева.