Сан Сиро после долги години одново има шмек како на времето кога црвено-црниот дрес на овој стадион го носеа ѕвезди како Савичевиќ, Веа, Баџо, Шевченко, Кака, Малдини, Неста, Сидорф... Росонерите го полнат стадионот до последно место а навивачите прават фантастична атмосфера на секој дуел во првенството и во Лига на шампиони.
Речиси новиот шампион на Италија, имаше потешкотии во напад без Виктор Осимен против актуелниот шампион на Италија. Плус на голот на Милан стоеше Мајк Мењан кој одигра извонредна партија и спаси неколку чисти голови.
Најдобриот македонски фудбалер во моментов играше од старт на мечот Милан - Наполи во големото италијанско дерби од 1/4 финале на Лига на шампиони. Отсутни поради повреда беа првите центарфори Осимен и Џовани Симеоне, па Елмас играше цел натпревар како лажна деветка. Имаше голема шанса за гол.
Фудбалерите на Милан го совладаа Наполи со 1-0 во сеиталијанскиот прв дуел од 1/4 финале на Лига на шампиони. Елиф Елмас го одигра цел меч, играше во шпицот од нападот како најистурен во отсуство на првиот стрелец Виктор Осимен и погоди пречка па за малку не го матираше Мењан.
По дебаклот дома од Милан, фудбалерите на Наполи им се вратија експресно на победите и со триумф од 1:2 на гости против Лече уште еднаш покажаа дека се сè поблиску до титулата. Елмас го одигра цел натпревар, а домаќините си постигнаа несмасен автогол во кој учествуваа дефанзивецот Гало и голманот Фалконе.
Фудбалерите на актуелниот италијански шампион Милан го згромија Наполи на гости пред преполни трибини со 0:4. Ова беше најдобар меч на Милан сезонава, а двата тима ќе се судрат и во 1/4 финале на Лига на шампиони неделава.
Македонската фудбалска репрезентација на 31 март 2021-та година, среде Дуизбург го совлада повеќекратниот европски и светски шампион Германија и ја шокираше светската јавност.
И покрај тоа што стана дел од италијанската елита, а заигра и во најсилното клупско европско натпреварување, Елиф Елмас не заборава каде почнал и ги посети дебармаалци на тренинг.
По неубедливиот триумф над слабо рангираната Малта од 2-1, македонските репрезентативци вечерва во Скопје се спасија од блам и против Фарски Острови. Стрелец најдобриот македонски центарфор во моментов, Бојан Миовски со погодок во 82' минута.
Химната на Македонија рокната на италијански моторџија, Бисер балкански, Жаклина, фешта по улици, феноменална храна, пиво 1,5 евра и пред сè АЛЕКСАНДАР ТРАЈКОВСКИ. Како вчера да беше.
Македонската фудбалска репрезентација со победа од 2:1 ги почна новите квалификации за ЕП 2024. Првото полувреме за заборав. Второто возбудливо со три гола и поништен пенал со ВАР, за прв пат во историјата на Градски.
Наполи на Елиф Елмас се пласираше во прво историско четвртфинале на Лига на шампиони откако синоќа и во реваншот го совлада Ајнтрахт Франкфурт 3:0, па со вкупен резултат 5:0 оди во следна рунда. Натпреварот го одбележаа жестоки сцени на насилство во центарот на Неапол.
Во духот на два големи трофејни клуба, откако Реал Мадрид го доби двомечот со Ливерпул и со вкупни 6-2 оди во четвртфинале, луѓето вработени на „Сантијаго Бернабеу“ ја пуштија на разглас химната на Ливерпул You'll Never Walk Alone. Каква чест за неколку илјади навивачи на црвените и за играчите и стручниот штаб.
Фудбалерите на Реал Мадрид и Наполи и на домашен терен ги совладаа своите ривали по триумфите на гости во Ливерпул и Франкфурт пред неколку дена и го потврдија пласманот во 1/4 финале на Лига на шампиони.
Со Диего Марадона ги освоија единствените две Скудета (1987 и 1990), со Елиф Елмас се повеќе им ближи третото. Горан Пандев таму освои два пати Куп на Италија, како и еднаш Елмас. Сегде нè има.
И покрај строгата забрана од италијанските власти за гостинска публика на мечот од 1/8 финале на ЛШ меѓу Наполи и Ајнтрахт Франкфурт вечерва, стотина навивачи на германскиот клуб, заедно со пријателите од Бергамо пристигнале во Неапол со воз. Таму ги чекала опсада од полиција која ги спровела до градските хотели.
Ајнтрахт, клубот, градот и навивачите од Франкфурт се бесни на одлуката на италијанските власти, во соработка со клубот и градот Неапол, да се забрани влез на гостински навивачи на стадионот „Диего Армандо Марадона“ на реванш мечот од 1/8 финале меѓу Наполи и Ајнтрахт во среда вечер.
Наполи се врати на +18 пред Интер после синоќешниот триумф над Аталанта од 2:0. Елмас влезе во второ и го намести вториот гол од корнер. После мечот навивач го познаа во густиот сообраќај во кола, а Елиф како подарок му ја даде тренерката.
Ливерпул тргна силно и после 14 минути му даде два гола на Реал Мадрид. Во тие моменти никој не претпоставуваше што му се случи на домашниот тим. Реал прво израмни до крајот на првиот дел на 2-2 со головите на Винисиус, а до крајот ги згромија црвените со страшни 2:5. Навивачите на Реал Мадрид со овации ги испратија домашните навивачи и за тоа добија пофалби ширум Европа. Прашање е дали би скандирале Ливерпул да не победеа.
Наполи сезонава е сериозен тим кој дроби во Италија со неверојатна предност од +15 пред второпласираниот Интер. Истовремено се заканува и во ЛШ, каде ја освои многу тешката тврдина на Ајнтрахт Франкфурт. И тоа со страшна доминација од 67% посед на топка, 17:5 во удари од кои 10:1 во рамки на гол. Откако Осимен го отвори резултатот, младиот Грузиецот кој веќе стана ѕвезда, му сервираше многу мангупска топка на Ди Лоренцо за конечни 0:2.
Тимот на Јирген Клоп игра сезона за заборав. Паралелно со очајните резултати во Премиер лига, каде пркнаа последниве две кола, се соочи со дебакл уште во осминафиналето од ЛШ. Од 2:0 против Реал, пукна срам со пораз од 2:5. Осимен и Ди Лоренцо се изборија за ветувачки резултат на Наполи кој доминираше во Германија со 67% посед на топка и 17:5 во удари. Кварацхелија промаши пенал, Елмас влезе во 80-та.
Иако има уште 16 кола до крај, сепак не е нереално да се каже дека Скудетото му се насмевнува на Елиф Елмас. Интер одигра само 0:0 против претпоследнопласираната Сампдорија и сега разликата со Наполи изнесува 15 бода. Напаѓач кој игра за светскиот првак, оваа топка треба да ја забие во гол. Тој ја промаши, падна и направи фаул во напад.
