Offside › Набрзинка

Повикани 29 играчи за Италија и Малта, има и двајца дебитанти

30 август 2023

Селекторот на македонската фудбалска репрезентација го соопшти списокот на играчи за претстојните дуели од квалификациите за Европско првенство 2024, против Италија во Скопје и Малта на гости.
За првпат со националниот тим ќе бидат Димитар Митровски од Вараждин и дефанзивецот Ахмет Иљазовски од дански Хвидовре.
Со исклучок на доскорешниот капитен Стефан Ристовски кој се одлучи да се повлече од репрезентацијата, тука се стандардните Столе Димитриевски, Муслиу, Алиоски, Велковски, Барди, Адеми, Елмас, Трајковски, Миовски.
Официјалниот собир е закажан за 4. септември во хотелот Хилтон во Скопје.

21 ноември 2024

Во самиот финиш од мечот Романија - Косово во Лига на Нации, гостинските фудбалери во 90' минута кога сфатија дека немаат веќе шанса за прво место за кое им требаше победа од најмалку три гола разлика, при резултат 0-0 решија да го напуштат теренот поради тоа што домашните навивачи им скандирале „Косово е Србија“.
УЕФА неколку дена го разгледуваше случајот, а на крајот пресуди Романија службено да го добие мечот со победа од 3:0. Косовскиот фудбалски сојуз е казнет и со 6.000 евра парична казна поради тоа што репрезентативците ги одбивале повиците на делегатот да се вратат на теренот и да го довршат мечот.
Романија ќе мора да плати 128.000 евра и еден меч ќе мора да игра без присуство на публика поради односот на своите навивачи.

19 ноември 2024

Легендарниот грчки трофеен кошаркар Василис Спанулис ќе биде нов тренер на Монако откако овој евролигаш се збогуваше со досегашниот тренер Саша Обрадовиќ.
Прославениот кошаркар на Олимпијакос пред неколку години ја заврши кариерата а во 2022-ра навлезе во тренерските води и седна на клупата на грчкиот прволигаш Перистери. Одличните игри и резултати на овој тим го препорачаа да стане нов грчки селектор во 2023-та..
Монако кој играше на Фајнал Фор во 2023-та, во моментов е на 9-то место во Евролига со учинок од 6 победи и 4 порази.