- Во Серија А само што заврши сезоната а веќе излегоа многу нови вести. Ибрахимовиќ замина во пензија, го испратија од саканиот „Сан Сиро“. Наполи само што прослави скудето остана без својот командант Лучано Спалети кој е најзаслужен за титулата но кој се замерил со претседателот Аурелио Де Лаурентис и си замина од Неапол.
- Во Милано Милан остана без тандемот оперативци Малдини-Масара кои направија респектабилен тим кој сензационално стигна дури до полуфинале на Лига на шампиони и освои скудето.
- Во Неапол нов тренер на Елмас најверојатно ќе му биде Винченцо Италијано, младиот стручњак кој направи сјајни резултати со Фиорентина сезонава и ја донесе дури до финале на Лига на Конференции каде ги чека Вест Хем. Тој бил прв избор на Наполи и газдата Де Лаурентис. А Јувентус најверојатно ќе го потврди Масимилијано Алегри под кого имаа очајна сезона.
- Словенечки скијач Бојан Крижај се ожени со својата долгогодишна партнерка, Шпела Жле. Двојката си кажала „да“ во саботата во Љубљанскиот замок, а церемонијата ја водел градоначалникот на Љубљана, Зоран Јанковиќ, пренесува „Журнал24“.
- Венчавката била прилично необична бидејќи се венчале во друштво на нивните пријатели Алеш Пелхан и Нина Макуц.
- Пелхан е поранешен координатор за нордиски дисциплини во Словенечката скијачка федерација, додека Макуц работи во Словенечката антидопинг организација. Немало други гости, туку меѓусебно си биле сведоци.
- Крижај е едно од најголемите имиња во словенечкото, а претходно и југословенското алпско скијање со најголеми успеси во 80-тите години, особено во слаломот.
- Даниел Малдини кој ја продолжи фудбалската семејна традиција и после дедо му Чезаре кој беше легендарен фудбалер, тренер и селектор на Италија, и татко му Паоло кој повеќе од 2 децении беше славен капитен на Милан, сега се соочува со проблеми.
- Фудбалерот од среден ред кој играше за Милан, Монца и Лацио а сега е во Каљари, во саботата постигна убав гол против Аталанта, но вечерта меѓу сабота и недела доживеал сообраќајна незгода.
- Тој возел во алкохолизирана состојба, а веќе му е одземена и возачката дозвола. Даниел Малдини на враќање од ноќен клуб се судрил со автомобил кој му одел од лева страна, откако фудбалерот не го пропуштил возилото кое во моментот имало првенство на минување. Во незгодата учествувале шест лица.
- Се шпекулираше дека новиот италијански селектор, Роберто Манчини ќе го повика Малдини на списокот репрезентативци за Лига на Нации но сега шансите за такво нешто се многу мали.
