Во сатиричната колумна која комичарот Енди Боровиц ја пишува за Њујоркер, „Боровиц рипорт“, тој ја дефинира главната линија на раздор помеѓу Трамп и неговата можна конкурентка во претседателските избори 2020 - тој мрази книги, таа има читачки клуб. И тоа би требало да е доволно за Американците кога следниот пат ќе гласаат.
Диверзитет, наука, доказ...Ова се само неколку примери на зборови кои се препорачува да не се користат во апликациите ако сакате да бидете финансирани од државата во областа на - да! - науката во 2018 во САД.
Стигна сметката за мнозинската одлука на Обединетите Нации да го осуди американското признавање на Ерусалим за главен град на Израел. Администрацијата на Доналд Трамп најави драстично намалување на буџетот на ОН.
Рускиот претседател успеа да убеди голем број од Американците дека е манипулативен гениј, а всушност тој е само коцкар на кој му се падна голема премија, пишува Џулија Иофи во текстот за Атлантик.
Тазе признанието на рускиот хакер дека ги украл мејловите на Хилари по наредба на Москва, следува само неколку месеци откако американските медиуми објавија дека руски хакер одбил да прифати пари, државјанство и стан во САД, во замена за преземање на одговорноста хакирањето.
Наративот кој следуваше и стана општоприфатен по неочекуваната победа на Трамп на изборите 2016 е дека таа се должи на лажните вести, во добар дел создадени од руски извори, а разгласени и раширени од Фејсбук и Твитер, беа прегледани милиони пати од делот на гласачите кои сакаа да чујат за недоверливоста и одбивноста на Хилари Клинтон. Ваквата смеса потоа само беше распламтувана од новинските сајтови на алт-десницата, во голем дел благодарејќи на информативните балони во кои Американците успеаа да се затворат.
Како што некои либерали почнаа да сфаќаат изминативе денови дека претседател што има секс со приправничка во Белата куќа е многу лоша работа која не треба да е тргната на страна, така конзервативните коментатори тврдат дека ваквиот тајминг е крајно погоден за Демократите кои ги отфрлаат Клинтонови откако повеќе не им требаат. Ова не е точно. Тајмингот е убедливо непријатен.
Обвиненијата против шефот на кампањата на Доналд Трамп носат десетици години затвор. Не се директно поврзани со сомневањата на односите меѓу Трамп и Русите но ова е досега најблиското стегање на обрачот околу актуелниот претседател.
На 26-ти октомври се паѓа роденденот на Хилари Клинтон, а минатата година се поклопи тој ден да биде во пикот на крвничката претседателска трка меѓу Хилари и Трамп. Пред една година, во време на ваква битка и од гледна точка на тогашната галама создадена од меинстрим медиумите, скоро и да немаше човек кој не би застанал зад овој твит на Хилари.
Биограф на Доналд Трамп раскажа како актуелниот американскиот претседател своевремено го убедувал како слика што ја поседува била прав, правцат Реноар. Скорешно видео интервју со првата дама на САД открива дека лажњакот уште им виси по дома.
Во својот говор пред Обединетите нации во вторникот Трамп се закани дека „целосно ќе ја уништи“ Северна Кореа доколку САД бидат присилени да ги бранат своите сојузници. Следеше бура реакции, од кои најживописните навреди на англиски дојдоа од неочекуван извор.
Си-ен-ен ја објавува содржината на писмото што свештеникот Бил Шилади и го испраќа на Хилари Клинтон утрото на 9-ти ноември 2016, еден ден откако таа ги изгуби претседателските избори од Доналд Трамп.
Луѓето кои се обидуваат да го надминат јазичниот јаз на значајни меѓународни средби на политичкиот врв служат не само како „обични“ преведувачи туку и како де факто дипломати.
Можете да замислите ситуација во која наши лингвисти, преку профил на Речникот на македонскиот јазик, на социјални мрежи ги корегираат политичарите низ поучни но и комични постови? Ни ние. Ама некои други лингвисти го искористија моментот за да поделат по некоја лекција.
Некаде сред претседателската кампањата во 2016, ФБИ добива "нешто кое е опишано како документ од руското разузнавање" во кој се тврди дека постои премолчано разбирање меѓу кампањата на Клинтон и министерството за правда околу тоа дали таа намерно открила доверливи информации преку нејзиното користење на приватниот меил.
Кривицата за неуспехот на Хилари да порази сенилен ТВ водител, според Демократската партија, паѓа комплетно на Русија, сиромашните белци, Берни Сандерс, и.тн. Кривицата никако не паѓа на тоа што нејзината кампања страда од исти пропусти како и во 2008: дезорганизиран кадар кој се мачи да дефинира јасна и убедлива порака за нивниот невозбудлив кандидат од естаблишментот.
35 угледни американски психијатри се собраа на конференција на универзитетот Јејл за да дигнат аларм дека менталното здравје на американскиот претседател може да биде опасно по земјата. Тие обично не даваат дијагнози пред лично да го проверат некого, ама викаат дека ова се гледа од авион.
Koга во 30 секунди во живо новинар три пати ќе нарече ракетна офанзива „убава“, тој си го бара. Кога притоа ќе искористи и стихови на Коен, е тогаш треба и да си го добие.
Сите се колнат во НАТО, ама никој не сака да плаќа за него (слично важи и за ОН). Ама онаа будалетинка Трамп баш тоа ѝ го приредил на Ангела Меркел. Направил фактура колку Германија има заостанат долг кон алијансата и ѝ ја предал. А долгот е боли глава.
„Ама така пишуваше на интернет, професорке!“ - стандардното објаснување за некаква глупост во семинарските на генерациите растени онлајн барем за оние американските има антидот во форма на систем за проверка на вистинитоста на она што се цитира. Тој сега има и нов начин на датирање - пред, за време и (кој знае) по Трамп.
Не е за турско, туку за јако црно еспресо, кое треба да им помогне на новинарите кои известуваат од кабинетот на претседателот да останат будни и концентрирани во борбата за вистината. За некои од нашите може рачно цедалче за лимун ќе заврши повеќе работа.
Доналд Трамп ветуваше дека ѕидот кон Мексико кој ќе ги спречи илегалните мигранти да влегуваат во САД ќе го гради не само брзо туку и од „постоечките средства кои стојат на располагање“. Сега открива дека на располагање му стојат само 20 милиони долари.
Старата изрека дека „времето лечи сè“ изгледа не важи за изборот на Трамп. Колку пати да го изговориме тоа фамозно „американскиот претседател Доналд Трамп“, тоа повторно ни звучи некако надреално. И барајќи ги причините за таквата реалност, луѓето на сешто ќе помислат, па и на порното. Но, почекајте, прераната ејакулација е проблем и во политичкото мислење.
Во последната епизода (10.2) од шоуто на Бил Маер имаше супер „панелисти“ - „папата на трешот“, режисерот Џон Вотерс, поранешната советничка на Обама Карин Жан-Пјер, водителот Пирс Морган и комичарот Џим Џеферис. Последниве двајца баш фино се испокараа. А ним потоа на Твитер им се придружи и авторката на „Хари Потер“.
Голем број Американци се за укинување на Обамакер, системот на здравствена заштита (осигурување) кој беше воведен од, нели, Обама. Голем дел од нив се за да си го задржат осигурувањето кое го имаат преку АЦА системот. Истите тие не знаат дека Обамакер и АЦА се иста работа.