Вести › Набрзинка

Како се дојде До Преспански: „Кога ќе дојде време, сѐ ќе кажам“

16 јуни 2024

Шест години по потпишувањето на Преспанскиот договор, ретко некој од актерите на она што се случуваше по 17 јуни 2018 година денес е спремен отворено да зборува. Кога минатиот месец на еден од брифинзите во Брисел со одговорните лица на ЕУ за досието Македонија го поставив прашањето што ќе се случи ако се докаже дека усвојувањето на уставните измени по Преспанскиот договор било резултат на криминал и корупција, единствениот одговор беше – Собранието ќе мора повторно да одлучува за името Северна Македонија.
Дека не се работело само за убедување поединци каква светла иднина ја чека Македонија откако ќе се прекрсти во Северна отворено призна и еврокомесарот за проширување на ЕУ Јоханес Хан, кој беше дел од таа валкана игра на доаѓање до бројката 81 „за“ промена на Уставот на Република Македонија.
„Осумтемина од ВМРО-ДПМНЕ што гласаа тогаш кога требаше да се отвора Уставот имаа прилично долг состанок во хотел Мериот со американскиот амбасадор. Прилично долг, неколку часа, во кои тој ги убедуваше, не им се закануваше, зошто тоа би требало да го направат. Сега тоа не може да се замисли да се случува“, откри Стево Пендаровски.
Тоа време одамна дојде и пројде. Се смени и власта, а исто како да не се сменила во однос на Преспанскиот договор и националното достоинство. И покрај бедните обиди да се претстави како триумф, Договорот нѐ закова на дното на пониженоста, а за што? Од влегување во ЕУ никогаш не сме биле подалеку – ниту ние сме спремни, ниту некој во ЕУ нѐ сака. Останува само горчината дека нѐ продадоа за беспари, пишува Сашо Дамовски во МКД.мк.

извор

Мицкоски: 5 милијарди фунти за нови болници и брза железница

17 мај 2025

Премиерот Христијан Мицкоски најави дека договорот за стратешко партнерство со Обединетото Кралство опфаќа инвестиции од 5 милијарди фунти за инфраструктурата во Македонија.
Премиерот најави дека дел од инвестициите ќе бидат наменети за „изградба на модерна и брза патничка и товарна железница од Табановце до Гевгелија, завршување на проектот на Клиничката болница во Штип, заедно со зградата на новиот Медицински факултет, студентски дом со капацитет од 900 легла, изградба на болницата во Кичево со здравствен дом и реконструкција на Клиничката болница во Тетово“.
Договорите за инвестициите и за овие проекти треба да бидат потпишани во наредните денови. Сè уште се работи на детали, но премиерот тврди дека условите „се најдобрите што некој може да ги има на пазарот“.
Британскиот амбасадор Метју Лосон на прес-конференцијата демантираше дека Македонија се обврзала на прифаќање мигранти и појасни дека „станува збор за соработка на полициски сили и подобро справување со криминални групи“.

извор

Никој не е задоволен од пресудата за модуларната во Тетово

17 мај 2025

Тетовскиот суд ги осуди поранешниот директор на Клиничката болница во Тетово, Флорин Бесими, и поранешниот економски директор, Артан Етеми, на една година и шест месеци затвор.
Тетовската клиничка болница, исто како и на првото судење, беше санкционирана со 1 милион денари. Предметниот судија Реџеп Муса, читајќи ги пресудите, рече дека за кривичното дело тешки кривични дела против јавната безбедност е предвидена казна затвор од една до пет години, додека судот ги зел предвид сите отежнувачки и олеснителни околности за обвинетите.
Семејствата на жртвите изразија разочарување од одлуката на судијата, барајќи по секоја цена поранешниот министер за здравство Венко Филипче и поранешниот министер Анѓушев да бидат изведени пред лицето на правдата.
Поранешниот директор на Клиничката болница во Тетово, Флорин Бесими, откако ја слушна пресудата, рече дека ќе продолжи да ја бара правдата, бидејќи според него, судот не сакал да донесе правда ниту за членовите на семејствота, ниту на него. „Бев обвинет дека немалопротивпожарни апарати, а всушност бев против ваков објект и одбив да го прифатам објектот, еве го документот што не го потпишав. Обвинителството и сите го знаат ова, го споменав и на состаноците и документот постои, но не беше земен во предвид. Не барам милост, туку правда за жртвите и за себе“, нагласи Бесими.

извор